Filipai 2:6 - Aria New Testament

⁶ Yesus tona iye Ida Tapolngon e dau aitno mter langka iye kis dagar ke elio ka iye dong eriar langka Ida Tapolngon ka Pmada kovok. Aurou.

Filipai 2:6 ပူးပေါင်းရင်းမြစ်များ

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Jon 1:18

Gute kene vati Ida Tapolngon kovok e dau Otno Arang nis ite malak ke iye ma iteile omur ke iye. Otno Arang tonari iye kene vala e iye dong olwo boto ke Ida Tapolngon e iye Ida Tapolngon blang.

Jon 10:30

Ngong e Livou imi eriar vala.”

Jon 10:33

E tikoli tiwai ke iye langane. “Imawaiki imouri opmu ke wom ke elio arit ina ka omdue kovok. Aurou. Imawaiki imodue langane kesua amwai soulu ke Ida Tapolngon. Wom gute vala e amwai wom eriar langka Ida Tapolngon.”

Jon 10:38

E langka ngadue ila bokongon lama aitno lumu dagar ke lou pelengon kovok aitno lumu la dagar ke elio arit ina ka ngadue ma umeile malak langane. Livou dong kap ngong e ngadong kap Livou e imi eriar.”

Jon 14:28

Oglou umoklingen ngawai ke umu langane. Ngasongon umu e ngala e mase ma ngaiding ke umu. Langka umu lana umu ke ngong aitno lumu neser kesua ngala ke Livou. E Livou mole ngong.

Jon 14:9

Deka Yesus koli wai ke iye langane. “Filip ngadong kap umu tauni kodong e dau emile ngong kovok i? Gute ka vati ngong vati Livou blang. Deka ina lange amwai langane? ‘Emnis imi ke Abo.’

Jon 17:5

Livou ngawai ke wom langane. Alo ka amtapol wan bitna bitna dau kovok ngadong kap wom e lou elio itau lokono e lou arit omba. E oku ane ngawaiki amkar ngong lou elio e arit tonari blang e ma ngadong kap wom blang.”

Jon 20:28

Deka Tomas koli wai ke iye langane. “Ngau Puda e Ngau Tapolngon.”

Jon 5:18

Osep Yuda ina tiklingen Yesus ila pelengon deka isak arit isak ma tidue burwa ke iye. Tiwaiki tidue burwa ke iye kesua iye dar oklou sabat ina pelengon dagar vala kovok. Aurou. Iye sir Ida Tapolngon Timla blang e pelengon ane langka iye wai iye tona eriar langka Ida Tapolngon.

Jon 5:23

Iye due langane ma osep tidue anit ke ngong ka Otno Arang eriar langka tidue anit ke Livou. Langka gute due anit ke ngong ka Ida Tapolngon Otno Arang kovok are langka iye due anit ke Livou ka pagei ngong ngame kovok.”

Pas ka Pol sogoe uti la ke osep Rom ina 9:5

Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

2 Korin 8:9

E umeile Ida Puda Yesus Krais ila makaingan. Iye dong ke omur heven e wan ka pula keniye tidong ila wan. E dau iye songon wan tonari e polou langka ila wan isuk boto vala ma iye lua umu. Iye due langane ma lumu wan pula tidong ke Ida Tapolngon bitna.

1 Timoti 1:17

Ida Tapolngon plau omur ka pula keniye dong vala dong e iye mete kovok. Iye ano e itakaranga itavati iye kovok. Iye kene vala Ida Tapolngon lokono. Deka aling aling ma itakakai angaine dong mgo ke wan ka pula keniye. Lokono.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Hibru 1:3

E Otno Arang nis ite ke Ida Tapolngon ila elio ka itau lokono e iye eriar langka Ida Tapolngon. E ila arit due wan ka pula keniye tiboko itau e tidong itau. Iye duru ke taklak e mete kodong deka ina marau kli osep urok elio epmes ina. Iye due langane yagos deka iye bauluk tito ke omur heven e dong ke Ida Tapolngon ka ila arit ombatno lokono limla odung.

Hibru 1:6

E silang blang alo ka Ida Tapolngon pagei ina sirngen duru ke taklak iye wai langane. “Ma lou ensel ka pula keniye tilotuim iye.”

Hibru 1:8

E Ida Tapolngon wai ke Otno Arang langane. “Wom Tapolngon e wom emvri mgo e amplau osep dong vala dong. E emdidi elio itau vala e amplau lem osep.

Hibru 13:8

Oglou ari Yesus Krais dong e eknikane iye dong eriar langare blang e mase ma iye dong eriar langare blang. E iye segesege kovok.

Pelengon kukwopngon 21:6

Deka iye wai ke ngong blang langane. “Wan bitna bitna keniye tipolou yagos. Ngong kenngong ngadong oglou oglou ari lokono e ma ngadong batne lokono. Ngatapol wan keniye e ngadue isak yagos blang. Langka aki vel osep ma ngakar aki ke isak adai. Aki ka polou ke ovuk ka aki ka mosongon ina polou ine. E ma tiklie kovok.