Filipai 2:30 - Aria New Testament

³⁰ Oglou umakaranga umolua ngong ke lou bokongon kovok e umapagei iye ma iye me lua ngong. Iye pli tarna e lua ngong ke Krais ila bokongon e isuk boto iye mete kodong ine. E umodue anit ke iye batne ke ila elio tonari.

Filipai 2:30 ပူးပေါင်းရင်းမြစ်များ

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Pas ka Pol sogoe uti la ke osep Rom ina 16:4

Aitno lisak omba lokono ma tiwaiki tilua ngong. E tiulou tarna lisak ke osep ka tiwaiki timke isak kovok. Aurou. Tilua ngong vala. E ngong kap Ida Tapolngon ila osep ka isak osep Yuda ina kovok imawai aitno limi itau ke isak.

1 Korin 15:53

Pampamu lite ka tipolou okus ma tilumus tipolou oku e ma tikaranga tipolou okus blang kovok. E pampamu lite ka timete ma tilumus tipolou oku ma tikaranga timete blang kovok.

1 Korin 16:10

Langka Timoti polou ke umu deka ma umolua iye ma iye dong itau kap umu e iye ulou tarna kovok. Kesua iye due Ida Puda ila bokongon eriar langka ngadue.

1 Korin 16:17

Gute Stefanas e gute For-tunatus e gute Akaikus time ke ngong e aitno lungong neser alo ka ngavati isak. Kesua umu ka pula keniye umakaranga umomo umavati ngong kovok.

2 Korin 12:15

E aitno lungong neser ma ngakar lou wan keniye ke umu e ngakar ngong blang ke umu ma ngalua umu ine. Ngong lana ngong omba ke umu. E lange? Ma umu lana umu sasi boto ke ngong i?

2 Korin 4:12

Aling aling metengen dong olwo boto ke imi ma umodue mosongon ka dong vala dong.

Filipai 2:17

Aitno lumu ila dagar iye langka elio opmu ina ka umodue ke Ida Tapolngon. E langka osep timluk ngong ngamete e ngau marau baser langka oglou osep tibaser aki wain ke wan ka tidue elio opmu ina ine are wan gesa kovok. Ma aitno lungong neser e ngawaiki aitno lumu neser ine blang.

Filipai 2:27

E lokono iye paia omba e isuk boto iye mete kodong ine. E Ida Tapolngon aitno due iye e due polou itau blang e silang Ida Tapolngon makai ngong blang lama iye mete kodong deka aitno lungong kro lokono ine.

Filipai 4:10

Oglou aitno lumu vri ke ngong e umolua ngong ke lou bokongon deka mase umakaranga umolua ngong kovok. E eknikane lumu ekreng dong ma umakaranga umolua ngong blang. Ngadong kap Ida Puda e aitno lungong neser ke lumu luangan tonari.

Filipai 4:18

Deka langane. Gute Epafroditus kar ngong wan ka pula keniye ka umapagei ke ngong kodong. E wan tonari mole wan ka karanga ke ngong. Wan ka umapagei ke ngong iye langka wan ka osep tidue elio opmu ina ine deka ina amnangan itau tito la ke Ida Tapolngon e aitno itau lokono ine.

Filemon 1:13

Ngadong ke kalabus ane batne nganapapra Yesus Krais ila omon itau. E ngawaiki iye dong kap ngong e lua ngong e ke elio ane iye langka kasip amun wom alo ka ngadong ke kalabus ane.

Pelengon kukwopngon 12:11

E Ida Tapolngon ila osep timole Satan ke Sipsip Otno ina marau e timole iye ke Ida Tapolngon ila pelengon ka tinapapra ine. E timole iye kesua tipli tarna lisak e aitno lisak mter langka timete deka are wan gesa kovok.