Filipai 2:2 - Aria New Testament

² Langka langare deka ngawaiki aitno lumu mter kene pulu e umu lana umu pulu e lana lumu kene vala. Langka umodue elio langane aitno lungong itau lokono ine.

Filipai 2:2 ပူးပေါင်းရင်းမြစ်များ

Jon 3:29

Alo ka gute gi apmang deka gute tonari polou apmang ila boget. E gute ka iye gute ka gi oku tonari ila aten iye dong para ma iye klingen ke gute e aitno neser alo ka iye klingen gute tonari kreine. E oku ane lou ketirngen omba lokono langka gute tonari ila ketirngen.

Aposel 2:1

Alo ari oklou ka tipou rogo omba ka tisire Pentikos polou. Deka Yesus ila disaipel tiduni pulu ke ninu kene e tipara ke Ano Itau.

Aposel 2:46

Oklou aling aling aitno lisak kene pulu deka tiduni pulu ke Ida Tapolngon ila ninu. E silang blang tiduni pulu ke urok ninu kene kene deka tigosok tingen inarak ngangon. E aitno lisak neser e itau lokono ke Ida Tapolngon ila makaingan.

Aposel 5:12

Alo ari osep ka aitno lisak dagar ke Yesus tiduni pulu ke opos ka osep tisire Solomon ila opos. Deka ari osep aposel tidue elio arit ina ka nisngen pula ke osep amtarsak.

Pas ka Pol sogoe uti la ke osep Rom ina 12:16

Ma aitno lumu kene pulu. E ma aitno lumu vri ke umu vala kovok. Umepli osep ka angainsak omba kovok sakam. E aitno lumu itau ke isak vala. Ma umakakai umu tona angainmu kovok lama aitno lumu mter umu osep ka umeile omur ine.

1 Korin 1:10

Sipmi. Ida Puda Yesus Krais iye kene deka ngawai ke umu langane. Ngawai ma aitno lumu kene pulu ke pelengon kene. Ma aitno lumu mter ke elio kene e ma lumu pelengon kene. Ma umadardar ke elio bitna bitna sakam.

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

2 Korin 2:3

Umu osep ka umodue aitno lungong neser deka ngawaiki ngauti ke umu e aitno lungong polou soulu ine kovok. Oglou ngasogo pas uti ke umu batne langane. Ngaile langka aitno lungong neser deka umu keniye aitno lumu neser blang.

2 Korin 7:7

E aitno limi itau ke Taitus vala kovok. Aitno limi itau kesua iye palongo limem ke elio ka umodue aitno itau. Iye wai umawaiki umavati imi blang e iye wai aitno lumu soulu ke elio ka oglou umodue e iye wai umawaiki umodong aitno lumu kene pulu kap ngong blang. Deka aitno lungong neser omba ine.

Filipai 1:4

E aling aling alo ka ngawai itau aitno lungong neser ke umu e ngawai itau ke umu.

Filipai 2:16

Umodue langane ma uma-karanga umakar isak pelengon ka karanga lua isak ke mosongon ka dong vala dong. Deka alo ka oklou ka Krais iding me ma aitno lungong neser omba ke lumu elio itau ka umodue. Deka ma ngaile lou bokongon airavu ke umu polou adai kovok.

Filipai 2:20

Kesua gute gesa dong kap ngong ka dong langka Timoti kovok. Timoti aitno kene kap ngong e iye waiki kere umu langka ngawaiki ngakere umu.

Filipai 4:2

Ngawai dagar ke apmang orwo Yuodia e Sintike langane. Oglou aitno lumu kene pulu kovok e eknikane ngawaiki aitno lumu kene pulu kesua umorwo umeneklep ke Ida Puda.

Kolosi 2:5

Pampamu lungong dong kap umu kovok e dau ke aitno lungong ane langka ngadong kap umu. E aitno lungong itau ma ngavati umu umevri dagar e aitno lumu dagar lokono ke Krais.

2 Tesalonaika 2:13

Deka sipmi Ida Puda lana iye ke umu e aling aling imawai tenkyu ke Ida Tapolngon ke umu. Ke oglou Ida Tapolngon rere umu ma iye lua umu ke lumu elio epmes ina e umopolou ila osep ka itau lokono. E Ano Itau due umu umopolou Ida Tapolngon ila osep e aitno lumu la dagar ke pelengon lokono vala.

2 Timoti 1:4

Omtongu sisir langka emkngis alo ka itosongon pulu e ngawaiki ngavati wom blang e ngapara ine. Ma aitno lungong neser omba alo ka ngavati wom blang.

Filemon 1:20

Lou aten. Ngawaiki omdue elio itau ke ngong kesua itorwo iteneklep ke Ida Puda. Ngawaiki omdue elio itau ka due aitno lungong dong itau.

2 Jon 1:4

Ngaklingen titim leklou tididi pelengon lokono langka Pmada wai dagar ine ma itodue. Ngaklingen langane deka aitno lungong neser omba ine.

3 Jon 1:4

Kesua alo ka ngaklingen omon ke osep ka isak langka dirgu tididi pelengon lokono ka kene vala deka aitno lungong neser omba ine. E wan gesa due aitno lungong neser ka mole wan tonari kovok.