Filipai 2:11 - Aria New Testament

¹¹ E ma tipalongo urok malak langane. Yesus Krais iye osep Inarak Puda. E elio langane kakai Ida Tapolngon ka Pmada angaine tito la egim.

Filipai 2:11 ပူးပေါင်းရင်းမြစ်များ

Matyu 10:32

“Langka osep tipalongo osep leklou isak lou osep io ma ngawai ke Livou ka dong ke omur heven tididi ngong.

Luk 2:11

Kesua eknikane ke Devit ila armok apmang gesa divir mimi e ma iye polou Upu Luangan ka iye Krais ka Ida Tapolngon rere ma iye lua osep ke urok elio epmes ina e ka iye Upu Puda.

Jon 12:42

E dau osep plaungan ina pula aitno lisak la dagar ke Yesus. Lama langane dau tipalongo malak ine kovok kesua tiulou tarna lisak ke osep Farisi ina lama tisapir isak ke urok duningen ina ninu.

Jon 13:13

Umesir ngong lumu gute parerengen ina e Upu Puda e umawai lokono alo ka umawai pelengon tonari kesua ngong lumu gute parerengen ina e Upu Puda.

Jon 13:14

E langka ngong ka Upu Puda e lumu gute parerengen ina ngaris kopmu deka are itau ma umu blang umeris kopmu pulu.

Jon 14:13

E wan ka umepmi Ida Tapolngon ine batne ke ngong ma ngadue ma Ida Tapolngon Otno Arang nis osep ke Timla ila elio ka itau lokono.

Jon 14:23

E Yesus koli wai ke iye langane. “Langka gute lana iye ke ngong ma iye ini lou pelengon e ma Livou lana iye ke gute tonari e ma imorwo imeme ke iye e ma imodong kap iye.

Jon 17:1

Yesus wai pelengon tonari yagos deka bitna tito ke omur heven e iye wai langane. “Livou lou taim polou kodong. E oku ane emnis osep ke lou elio ka itau lokono e lou arit ka omba ma ngakaranga nganis osep ke lem elio ka itau lokono e lem arit ka omba blang.

Jon 20:28

Deka Tomas koli wai ke iye langane. “Ngau Puda e Ngau Tapolngon.”

Jon 5:23

Iye due langane ma osep tidue anit ke ngong ka Otno Arang eriar langka tidue anit ke Livou. Langka gute due anit ke ngong ka Ida Tapolngon Otno Arang kovok are langka iye due anit ke Livou ka pagei ngong ngame kovok.”

Jon 9:22

E tna e timla tiwai langane kesua tilim ke osep Yuda ina. Kesua osep Yuda ina tiwai pulu kodong langka gute gesa wai Yesus iye gute Krais ka Ida Tapolngon rere ma iye lua osep ke urok elio epmes ina ma tisapir iye ke urok duningen ina ninu ma iye karanga la ke duningen blang kovok.

Aposel 10:36

Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

Aposel 2:36

Umu ka osep Israel ina umoklingen lou pelengon lokono ane. Oglou umodue agegeng ke Yesus e umomluk iye ma iye mete. E eknikane iye mete kovok. Aurou. Eknikane iye dong kap Ida Tapolngon ka kakai iye tito lokono e rere iye gute ka Krais ka lua osep ke urok elio epmes ina e ka Ida Puda lokono.”

Pas ka Pol sogoe uti la ke osep Rom ina 14:11

Kesua Ida Tapolngon ila pelengon wai langane. “Ida Puda wai langane. ‘Ngong kengong ngadong. E mase osep ka pula keniye ma time ke ngong e ma tigrum kamsak ke omtongu. E ma tiwai lang-ane. “Wom Ipem Tapolngon lokono.”’”

Pas ka Pol sogoe uti la ke osep Rom ina 14:9

E oglou Krais blang mete deka poga tito ke ina denga. E eknikane iye dong langka osep ka pula keniye ka timete kodong Inarak Puda e osep ka tidong dau Inarak Puda blang.

Pas ka Pol sogoe uti la ke osep Rom ina 15:9

Silang blang langane. Krais me ma iye lua osep leklou ka isak osep Yuda ina kovok. Deka ma tikakai Ida Tapolngon angaine kesua batne aitno due isak e iye lua isak. Ida Tapolngon ila pelengon wai lang-ane. “Krais wai ke Ida Tapolngon langane. ‘Ma ngakakai angain wom airavu ke osep ka isak osep Yuda ina kovok. Ma ngadue sakul ka kakai angain wom.’”

1 Korin 12:3

Deka ngawaiki ma aitno lumu la ke pelengon kene langane. Langka Ida Tapolngon Ano Itau dong ke gute gesa aitno gute tonari karanga wai pelengon soulu ke Yesus kovok. E gute ka Ida Tapolngon Ano Itau dong ke iye kovok karanga wai langane kovok. “Yesus iye Ngau Puda.”

1 Korin 15:47

Gute ka mgongon ina iye gute taklak ina kesua Ida Tapolngon due taklak e kapo gute ine. E gute ka orwo ina iye gute omur heven ina.

1 Korin 8:6

E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.

1 Jon 4:15

Gute ka wai Yesus iye Ida Tapolngon Otno Arang Ida Tapolngon dong kap iye e iye dong kap Ida Tapolngon.

1 Jon 4:2

Umoklingen. Osep ka tiwai Yesus Krais duru ke taklak e polou langka itosep urok pelengon ina poloungon batne ke Ida Tapolngon.

2 Jon 1:7

Osep yakngan ina pula isak kla ke omur ka pula keniye ke taklak e tiwai langane. “Yesus Krais me polou langka itosep kovok.” Osep ka tiwai langane isak osep yakngan ina e isak Krais ina oul.

Pelengon kukwopngon 3:5

“Gute ka mole elio soulu ma ngakaranga ngakar iye klos ka okou langka osep tonari deka ngapi angaine ke buk ke mosongon itau ka dong vala dong kovok. Aurou. Ma ngawai iye lou gute ke Livou bitna e ke ila ensel amtarsak blang.