Filipai 2:10 - Aria New Testament

¹⁰ Ida Tapolngon due langane ma osep tidue anit ke Yesus. Deka osep ka tidong ke omur heven e osep ka tidong ke taklak e osep ka tidong ke taklak aitno ma tigrum kamsak ke bitna.

Filipai 2:10 ပူးပေါင်းရင်းမြစ်များ

Matyu 12:40

Jona dong ke lodu omba pele ke misuon oklou eklu eriar langka Gute Ka Polou Langka Osep ma dong ke ina denga oklou eklu.

Matyu 27:29

E tipilai galou marak e tidue lelei baraine e tidue iye kis matu ke limla odung. Ane langka baresngen ke gute ka vri mgo ke omur. Deka tigrum kamsak ke bitna e tidue apok ke iye e tiwai langane. “Imodue anit ke wom ka gute ka vri mgo ke osep Yuda ina.”

Matyu 28:18

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

Pas ka Pol sogoe uti la ke osep Rom ina 11:4

Deka Ida Tapolngon koli wai lange ke iye? Iye wai langane. “Oo. Langane kovok. Lou osep ka inarak sasa langka 7,000 isak dau tidong. E osep tonari timanik ke sapingen Bal bitna kovok e aitno lisak la ine kovok.”

Efesus 1:10

Oglou Ida Tapolngon rere oklou ka lesen ma wan ka pula keniye ma polou yagos. Deka mase ma iye due polou yagos. E ma iye tona due Krais ma plau ila duengen ka pula keniye. Ma iye plau wan bitna bitna keniye ka dong ke omur ka egim e ma iye plau wan bitna bitna keniye ka dong ke taklak blang.

Efesus 3:14

E langane. Ida Tapolngon due elio itau lokono tipolou ke umu. Deka ke batne langane ngagrum kongu buno duru ke taklak e ngawai itau ke Pmada ine.

Efesus 4:9

Pelengon ka osep tisogo “iye tito la ke omur ka egim” batne langane. Iye duru ke taklak aitno mgo deka mase iye tito la ke omur heven blang.

Hibru 1:6

E silang blang alo ka Ida Tapolngon pagei ina sirngen duru ke taklak iye wai langane. “Ma lou ensel ka pula keniye tilotuim iye.”

Pelengon kukwopngon 20:13

Deka misuon songon osep ka timete kodong ine ma isak kla ke Ida Tapolngon bitna deka Metengen e Denga tisongon osep ka tidong ke isak ma isak blang kla tidong ke Ida Tapolngon bitna. Deka Ida Tapolngon wade isak ke elio isuk isuk ka tidue.

Pelengon kukwopngon 4:10

E alo ka tidue langare osep namormor isorwo apanal tigrum kamsak mgo ke gute tonari ka dong ke ila kova. E tilotuim iye ka dong vala dong. E tidue inarak hat gol e titapre isak la duru olwo boto ke kova bitna. E tidue sakul langane.

Pelengon kukwopngon 5:3

Iye wai langane e gute gesa dong ke omur heven e ke taklak e ke taklak aitno ka iye karanga klok buk deka vati wan ka dong ine kovok.