Filipai 2:1 - Aria New Testament

¹ Krais due aitno lumu tidong dagar e iye lana iye ke umu i? Umodong kene pulu kap Ano Itau i? Aitno lumu itau ke osep leklou e aitno lumu due isak e aitno lumu kro ke osep ka wan polou ka opru isak i?

Filipai 2:1 ပူးပေါင်းရင်းမြစ်များ

Luk 2:25

Alo ari gute dong ke Jeru-salem ka angaine Simeon ka dong itau e osuk ke Ida Tapolngon bitna e iye lotuim Ida Tapolngon. E Ano Itau dong ke iye e iye dong para ke alo ka gute ka Ida Tapolngon rere ma iye due elio ka opru osep Israel ina isak yagos iye polou.

Jon 14:18

“Ma ngasongon umu langka osep ka isak bimsei kovok. Aurou. Mase ma ngame ke umu.

Jon 14:27

“Ngasongon umu e dau ngadue lou elio ka aitno lumu dong epen dong kap umu. Ngakar elio tonari ke umu e iye langka elio ka osep ka taklak ina aitno lisak dong epen kovok. Aitno lumu kro ke wan bitna bitna kovok e umelim kovok.

Jon 17:13

E eknikane isuk boto ngauti ke wom. Ngawai lou pelengon ane alo ka ngong dau ngadong ke taklak ma elio ka aitno lungong neser ma due aitno lisak neser blang. E ma urok ketirngen bon ke aitno lisak.”

Aposel 2:46

Oklou aling aling aitno lisak kene pulu deka tiduni pulu ke Ida Tapolngon ila ninu. E silang blang tiduni pulu ke urok ninu kene kene deka tigosok tingen inarak ngangon. E aitno lisak neser e itau lokono ke Ida Tapolngon ila makaingan.

Aposel 4:32

Alo ari osep ka aitno lisak dagar ke Yesus aitno lisak kene pulu e tilua pulu ke urok wan bitna bitna. Osep pula tiwai urok wan bitna bitna ina gute osep keniye. Tidue elio langka gute kene wai langka ila wan iye tona ila kovok.

Pas ka Pol sogoe uti la ke osep Rom ina 5:5

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

Pas ka Pol sogoe uti la ke osep Rom ina 8:26

Itodong itapara e Ano Itau ka dong ke aitno lite lua ite ine. Ano Itau lua ite kesua aitno lite tipolou dagar lokono dau kovok. E iye lua ite alo ka itawai itau ke Ida Tapolngon. Iye lua ite ine kesua iteile omur ke pelengon ka Ida Tapolngon waiki itawai la ine dau kovok. Deka Ano Itau dong ke aitno lite ma iye loulou ke ite ke Ida Tapolngon. Deka iye wai pelengon ka itakaranga itawai ine kovok.

1 Korin 12:13

Kesua Ano Itau ka kene vala sep ke ite kente kente aitno lite e due ite iteneklep ke Krais deka itopolou langka pampamu ine ka kene vala. Ite ka osep Yuda ina e osep Grik ina e ite ka wokboi nating e ite ka itodong fri. Ida Tapolngon due Ano Itau ka kene vala sep ke ite kente kente aitno lite deka iye dong ine.

1 Korin 15:31

Sipmi. Aitno lungong langka oklou aling aling osep tiwaiki tidue burwa ke ngong batne ke lou bokongon. Ite ka pula keniye itodong ke Ida Puda Yesus ila osua deka aitno lungong neser omba ke umu. E ngabisi pelengon ane ke umu kovok.

1 Korin 3:16

Umeile umu Ida Tapolngon ila ninu e Ano Itau dong ke aitno lumu kovok? Aurou. Umeile ine.

2 Korin 2:14

E eknikane ngakakai Ida Tapolngon angaine tito la egim. Kesua aling aling iye mgo ke imi e iye mole wan ka pula keniye e imedidi iye deka imala ke omur omur e imanapapra Krais ila omon itau e osep tiklingen ine e tile ke iye. E pelengon ka osep tiklingen ine langka amnangan itau ka engen ipue la ke omur omur.

Galesia 4:6

Eknikane umodong Ida Tapolngon titno. E Ida Tapolngon pagei Otno Arang Ano Itau me dong ke aitno lite deka Ano Itau due ite ma itegi langane. “Abo. Livou.”

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Efesus 4:4

Yesus ila osep keniye isak eriar langka Krais pampamu ine ka kene vala. E Ida Tapolngon Ano Itau ka dong ke aitno lite iye kene vala. Deka Ida Tapolngon wai ke ite ke wan kene vala ka itapara ine.

Filipai 1:8

Ida Tapolngon ile ngawaiki ngavati umu lokono e ngong lana ngong omba ke umu langka Krais Yesus lana iye ke umu.

Filipai 3:3

Ite vala Ida Tapolngon titno lokono e itolotuim Ida Tapolngon batne ke Ano Itau ka iye kar iye ke ite. Aitno lite neser kesua iteneklep ke Krais Yesus. E aitno lite mter ke elio bitna bitna ka itakaranga itodue kovok. Aurou.

Kolosi 2:2

Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.

Kolosi 3:12

Deka langane. Umu Ida Tapolngon ila osep e iye lana iye ke umu e iye rere umu ila osep itau. Deka umodue elio bitna bitna langane. Elio ka aitno lumu due osep ka wan soulu polou ke isak e elio ka umodue mada ke osep e elio ka umodong moli e umepes angainmu. E elio ka umodue elio molil ke osep e elio ka amnga umu suong kovok ke osep ka tidue elio soulu ke umu.

Hibru 6:18

Ida Tapolngon ila pelengon orwo dong ka karanga segesege kovok. Pelengon kene ina iye ila promis e pelengon orwo ina iye ila pelengon dagar ka iye sir iye tona angaine ine. E iteile Ida Tapolngon karanga yakyak kovok. Deka ite ka itakalu ke Ida Tapolngon ma aitno lite mter ke Ida Tapolngon ila promis. E itodong dagar e itapara ke alo ka itodue wan ka Ida Tapolngon wai ine.

1 Pita 1:2

Oglou ari Ida Tapolngon ka Pmada ile umu kodong e rere umu ila osep e Ano Itau lua umu ma umodong itau lokono ke Ida Tapolngon bitna. Iye due langane ma umeini Yesus Krais ka ina marau baser e kli lumu elio epmes ina. Ngawaiki Ida Tapolngon ila makaingan e elio ka iye due aitno lumu dong epen bon ke aitno lumu.

1 Jon 3:24

Osep ka pula keniye ka tini ke ila pelengon tidong kap iye e iye dong ke aitno lisak. E iye kar Ano Itau ke ite ma iteile omur iye dong ke aitno lite.

1 Jon 4:12

Gute gesa vati Ida Tapolngon kovok. E langka ite lana ite pulu Ida Tapolngon dong kap ite e elio ka iye lana iye ke osep polou dagar ke aitno lite.

1 Jon 4:16

Deka iteile Ida Tapolngon lana iye ke ite e aitno lite dong dagar ine. Aling aling Ida Tapolngon lana iye ke osep. E osep ka isak lana isak ke osep leklou tidong kap Ida Tapolngon e iye dong kap isak.