Filipai 1:7 - Aria New Testament

⁷ Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

Filipai 1:7 ပူးပေါင်းရင်းမြစ်များ

Aposel 20:23

E dau ngaile langane. Ano Itau wai ke ngong e ngaile omur ma osep tidue agegeng ke ngong e ma tidue ngong ngasep ke kalabus blang.

Aposel 21:33

E osep ola ina inarak plaungan ka mgo polou ke Pol e tikis iye dagar. E iye wai ke osep ola ina langane. “Umodue sen orwo e umopou iye ine.” Deka iye pmi osep pula langane. “Gute ane iye sei? Iye due sua?”

1 Korin 13:7

Gute ka lana iye ke osep leklou io wan gesa karanga mole iye kovok. Aling aling aitno dagar ke Ida Tapolngon e iye para ma elio itau polou ke iye. E alo ka elio polou ka opru iye ma iye vri dagar ine.

1 Korin 9:23

Ngadidi elio bitna bitna tonari kesua ngawaiki nganapapra Ida Tapolngon ila omon itau ke osep e ma Ida Tapolngon lua ngong gosok osep ka aitno lisak dagar ke iye ke ila kerengen.

2 Korin 3:2

Umu tona umodong langka pas ka palongo osep ke limem elio. Deka osep ka pula keniye tikaranga tiritim pas are e tile omur ine.

2 Korin 7:3

Ngawai ke umu ma ngamulu umu ine kovok. Aurou. Kesua oglou ngawai langane. Imi lana imi ke umu lama imodong koke imemete.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Efesus 3:1

Ngong Pol nganapapra Ida Tapolngon ila omon itau ke umu ka osep Yuda ina kovok. Deka osep Yuda ina leklou aitno lisak engil lokono ke ngong ine e tidue ngong ngadong ke kalabus ane. Ngadong ine e ngawai itau ke Ida Tapolngon ma iye lua umu.

Efesus 4:1

Osep leklou tidue ngong ngadong ke kalabus ane kesua ngaboko ke Ida Puda ila bokongon. E Ida Tapolngon rere umu ila osep umu deka ngawai dagar ke umu langane. Umodue elio itau ka iye waiki umodue ma lumu elio isuk isuk keniye itau.

Efesus 6:20

Ngong langka Krais ila gute meriang ina e ngadong ke kalabus ane kesua nganapapra Ida Tapolngon ila omon itau ka iye rere ma ngadue. E umawai itau ke Ida Tapolngon ma ngaulou tarna lungong kovok. Kesua ngawaiki ma ngawai Ida Tapolngon ila omon itau ke osep eriar langka iye waiki ngadue.

Filipai 1:12

Sipmi. Ngawaiki umeile omur wan ka polou ke ngong dangdang omon itau kovok. Aurou. Wan tonari due omon itau la ke osep pula pula.

Filipai 1:13

Osep ola ina ka tiplau Sisar ila ninu e osep pula leklou tile ngadong ke kalabus ane batne ngadue Krais ila bokongon.

Filipai 1:14

E sudo leklou pula aitno lisak tipolou dagar lokono ke Ida Puda batne ke lou elio alo ka ngadong ke kalabus. Deka tinapapra Ida Tapolngon ila pelengon e tiulou tarna lisak ine kovok.

Filipai 1:5

Aitno lungong neser ke umu batne langane. Ke mgongon lila me ke eknikane umoboko kap ngong ke omon itau ila napaprangan.

Filipai 2:22

E umeile Timoti ila elio itau. Umeile iye boko kap ngong alo ka imanapapra omon itau. Iye boko kap ngong langka gute otno arang boko kap iye ke ila bokongon.

Filipai 4:14

Ngadong itau e dau aitno lungong itau ke elio ka umolua ngong ke elio ka polou ka opru ngong.

Filipai 4:15

E umu osep Filipai ina umeile oglou alo ka ngasongon provins Masedonia e nganapapra Ida Tapolngon ila omon itau mgo sios kene silang lua ngong kovok. Aurou. Umu vala umolua ngong.

Filipai 4:3

E lou aten ngawai ke wom ka omlua ngong ke lou bokongon ma omlua apmang orwo tonari blang. Kesua tilua ngong itau ke lou bokongon ka nganapapra Ida Tapolngon ila omon itau ke osep. Isak tigosok gute Klemen e osep leklou ka angainsak dong ke buk ka mosongon ka dong vala dong ina tilua ngong ke omon itau ila napaprangan.

Kolosi 4:18

Ngong Pol ngasogo pas ane e ngawai “oklou itau” ke umu. Aitno lumu mter ke elio ka ngadong ke kalabus ane. Ngawaiki Ida Tapolngon ila makaingan dong kap umu.

Kolosi 4:3

Alo ka umawai itau umepmi Ida Tapolngon ke imi blang ma iye due ekreng ma imakaranga imanapapra ila pelengon ka oglou dong kukwop ka lana ine la ke Krais. Nganapapra ila pelengon e ke batne langane ngadong ke kalabus ane.

1 Tesalonaika 5:5

Umu osep ka umodong ke oklou e ke bublongon. E itodong ke epmes e aivoro kovok.

2 Timoti 1:8

Wom mnak wom ke Ida Puda ila pelengon kovok. Aurou. Amnapapra ine vala. E silang blang wom mnak wom ke elio ka ngadong ke kalabus kovok. Ngadong ke kalabus batne ngapalongo osep ke Ida Puda. E itorwo udo bokongon eriar e langka osep tidue agegeng ke ngong ma tidue langane ke wom blang. E dau Ida Tapolngon ila arit ma lua wom ke lem bokongon.

2 Timoti 2:9

Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.

Filemon 1:13

Ngadong ke kalabus ane batne nganapapra Yesus Krais ila omon itau. E ngawaiki iye dong kap ngong e lua ngong e ke elio ane iye langka kasip amun wom alo ka ngadong ke kalabus ane.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

1 Pita 4:13

E aitno lumu neser alo ka umanamani agegeng eriar langka Krais namani agegeng. Ma alo ka Krais ila elio ka itau itau lokono polou malak ke osep amtarsak umu blang aitno lumu neser e aitno lumu itau kap iye.

1 Pita 5:1

Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.

2 Pita 1:13

Aitno lungong mter langka are itau ma ngasruk aitno lumu ke pelengon ane la lama iding ke alo ka ngamete.

1 Jon 3:14

Oglou itodong langka osep ka timete e oku ane itodong ke mosongon ka dong vala dong. E iteile itodong ke mosongon tonari kesua ite lana ite ke Ida Tapolngon ila osep. E osep ka isak lana isak ke osep leklou kovok isak dau tidong langka osep ka timete.