Filipai 1:6 - Aria New Testament

⁶ E ngaile langane. Oglou Ida Tapolngon nogrum ila bokongon ke aitno lumu e eknikane iye dau boko ke aitno lumu la lama iding ke alo ka Krais Yesus ma iding me.

Filipai 1:6 ပူးပေါင်းရင်းမြစ်များ

Jon 6:29

E Yesus koli wai ke isak langane. “Ida Tapolngon waiki umodue elio langane. Ma aitno lumu la dagar ke gute ka iye pagei ke umu.”

Aposel 11:18

Osep ka tiluk Pita tiklingen ila pelengon deka tikoli ila pele-ngon kovok. Aurou. Tikakai Ida Tapolngon angaine tito ine e tiwai langane. “Eknikane Ida Tapolngon due elio itau ke osep ka isak osep Yuda ina kovok e lua isak ma tikaranga tibauluk aitno lisak ke urok elio epmes ina e kar isak mosongon oku ina.”

Aposel 16:14

Ari apmang kene dong ka klingen limem pelengon ka angaine Lidia ka ila armok batne Taiataira e iye boko e due burong ke molo ka edimor vala. Ari oklou aling aling iye lotuim Ida Tapolngon. Alo ari iye klingen Pol ila pelengon deka Ida Puda lua iye ke pelengon tonari e aitno la dagar ine.

1 Korin 1:8

Ma Ida Puda due aitno lumu ma aitno lumu dong dagar la lama oklou ka iye ma iding blang. Deka ke alo ari ma Ida Puda Yesus Krais vati elio gesa vri ke ite kovok.

2 Korin 1:15

Ngaile langare itau e ngalalo lou langan ma ngawaiki ngame ngavati umu e ma umodue kerengen aling orwo ine.

2 Korin 2:3

Umu osep ka umodue aitno lungong neser deka ngawaiki ngauti ke umu e aitno lungong polou soulu ine kovok. Oglou ngasogo pas uti ke umu batne langane. Ngaile langka aitno lungong neser deka umu keniye aitno lumu neser blang.

2 Korin 7:16

Oku ane aitno lungong neser kesua ngaile ma umodue elio itau vala.

2 Korin 9:4

Ngadue langane lama osep Masedonia ina leklou time kap ngong e tivati umu dau umekere lumu mani kovok. Langka langane e imi mnak imi ine kesua oglou aitno limi dagar ma umekere lumu mani e dau umekere kovok. E umu mnak umu ine blang.

Galesia 5:10

Aitno lungong dagar ma Ida Puda lua umu ma aitno lumu mter eriar langka aitno lungong. E ngaile sei pagolgol aitno lumu kovok. E Ida Tapolngon ma koli batne ke elio soulu ka gute tonari due.

Efesus 4:12

Krais rere osep tonari ma tiboko langane. Iye waiki urok bokongon lua Yesus ila osep keniye ma isak kensak kensak tiboko itau ke Ida Tapolngon ila bokongon. Ma urok bokongon due Yesus ila osep keniye ka isak Krais pampamu ine tipolou dagar ke Ida Tapolngon ila elio itau.

Filipai 1:10

Ma umakaranga umawade elio bitna bitna e umedidi elio ka itau vala. Deka lumu mosongon dong itau e elio gesa vri ke umu kovok la lama iding ke alo ka Krais iding me.

Filipai 1:29

Ida Tapolngon due elio itau ke umu kodong e aitno lumu la dagar ine. E silang blang Ida Tapolngon songon umu ma umanamani elio ka opru umu batne ke Krais.

Filipai 2:12

Sipmi. Ngong lana ngong ke umu. E langka oglou umedidi lou pelengon alo ka ngadong kap umu deka eknikane alo ka ngadong kap umu kovok ma umedidi lou pelengon lokono. Ida Tapolngon lua umu ke lumu elio epmes ina kodong deka eknikane umodong dagar ke aitno lumu ila dagar e umodue anit ke Ida Tapolngon e umoboko ma lumu mosongon ke taklak ane dong itau.

Filipai 2:13

Kesua iteile Ida Tapolngon boko ke aitno lumu ma umawaiki umodue elio ka aitno itau ine e iye kar arit ke umu ma umodue elio langare.

Filipai 2:16

Umodue langane ma uma-karanga umakar isak pelengon ka karanga lua isak ke mosongon ka dong vala dong. Deka alo ka oklou ka Krais iding me ma aitno lungong neser omba ke lumu elio itau ka umodue. Deka ma ngaile lou bokongon airavu ke umu polou adai kovok.

Kolosi 2:12

Alo ka umodue elio paunimngen ina umenis osep aitno lumu dagar ke Ida Tapolngon ka ila arit due Krais poga tito e dong blang. Deka ari osep tipaunim umu langka umogosok Krais umemete e osep tiyas umu kap iye. Deka Ida Tapolngon ila arit due umu umogosok Krais umopoga umetito e umodong blang.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

2 Tesalonaika 1:11

Aitno lumu la dagar ke Ida Tapolngon e aling aling imawai itau ke Ida Tapolngon ke umu. Imepmi iye ma iye due umu umakaranga umodue elio itau ka iye waiki umodue. Imawaiki iye lua umu ke ila arit ma umakaranga umodue elio itau keniye ka umawaiki umodue. Umawaiki umodue elio itau kesua aitno lumu la dagar ke Ida Tapolngon.

2 Tesalonaika 3:4

Ida Puda due imi ma imeile langane. Umodue elio ka pula keniye ka imawai ke umu ine ma umodue. E mase aling aling ma umodue langane blang.

Filemon 1:21

Ngasogo pas ane e aitno lungong dagar ma emdidi lou pelengon e silang blang aitno lungong dagar ma omdue elio itau ka mole wan ka ngasogoe kodong.

Hibru 10:35

E eknikane aitno lumu dong dagar langka oglou iye dong dagar. E ma Ida Tapolngon kar ila kerengen ka itau lokono ke umu.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

2 Pita 3:10

E Ida Puda ila oklou ma polou suong e polou alo ka osep aitno lisak mter ine kovok eriar langka gute panakongon ina me suong. Ke oklou tonari ngus omba ma polou e sirva la yagos. E eiou ka engil lokono ma ngen wan ka pula keniye ka dong ke taklak ma isak e taklak yagos.