Filipai 1:30 - Aria New Testament

³⁰ Oglou umavati elio ka polou ka opru ngong e eknikane umoklingen ine blang. Elio ka polou ka opru umu isak eriar langka elio ka polou ka opru ngong blang.

Filipai 1:30 ပူးပေါင်းရင်းမြစ်များ

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Filipai 1:13

Osep ola ina ka tiplau Sisar ila ninu e osep pula leklou tile ngadong ke kalabus ane batne ngadue Krais ila bokongon.

Kolosi 1:29

Deka ke bokongon tonari ngaboko engil lokono ke Krais ila arit ka omba. Iye lua ngong ke ila arit deka ngaboko ine.

Kolosi 2:1

Ngawaiki ma umeile langane. Ngaboko engil lokono ma ngalua umu kap osep ka tidong ke sios ke armok Laodisia e osep leklou blang ka tivati ngong dau kovok.

1 Tesalonaika 2:2

Umeile alo ka imeme ke umu dau kovok imodong ke Filipai. E are osep tidue agegeng ke imi e tiwai soulu ke imi. E alo ka imeme ke umu osep pula tiwaiki tidangdang imi ma imanapapra Ida Tapolngon ila omon itau ke umu kovok. E dau Ida Tapolngon due aitno limi dagar lokono e imevri dagar e imanapapra omon itau ke umu.

1 Timoti 6:12

Gute ka aitno dagar ke Krais iye langka gute ka due resis. Deka omsuong engil ma ommole resis e omdue lem mosongon ka dong vala dong. Omdue mosongon tonari kodong alo ka emvri e ampalongo ke osep pula amtarsak langane. “Aitno lungong dagar ke Krais.”

2 Timoti 4:7

Ngaboko dagar ke Ida Tapolngon ila bokongon e ngong langka gute ka arit iye ma iye suong ke resis e isuk boto lou resis yagos. E aitno lungong ila dagar dau dong dagar.

Hibru 12:1

E osep pula pula tonari ka aitno lisak dagar ke Ida Tapolngon langka tidong lelei ke ite e tinis ite ke elio itau. Deka ma ite arit ite eriar langka osep ka tisuong ke resis ma itodue wan ka Ida Tapolngon waiki itodue. Ma itosongon elio keniye ka dangdang ite ke resis tonari e itosongon elio epmes ina ka kis dagar ke ite.

Hibru 12:4

E ngaile umosokluk ke osep epmes ina. E dau umemete batne ke osep tonari urok elio kovok.

Pelengon kukwopngon 12:11

E Ida Tapolngon ila osep timole Satan ke Sipsip Otno ina marau e timole iye ke Ida Tapolngon ila pelengon ka tinapapra ine. E timole iye kesua tipli tarna lisak e aitno lisak mter langka timete deka are wan gesa kovok.