Filipai 1:12 - Aria New Testament

¹² Sipmi. Ngawaiki umeile omur wan ka polou ke ngong dangdang omon itau kovok. Aurou. Wan tonari due omon itau la ke osep pula pula.

Filipai 1:12 ပူးပေါင်းရင်းမြစ်များ

Luk 21:13

Tidue langane e ma umakaranga umpalongo urok ke Ida Tapolngon ila omon itau.

Aposel 8:4

Ari osep ka aitno lisak dagar ke Yesus tidardar kla tilila ke omur pula batne ke agegeng tonari e tinapapra Ida Tapolngon ila pelengon ke osep.

Pas ka Pol sogoe uti la ke osep Rom ina 8:28

E iteile omur ine langane. Ite ka ite lana ite ke Ida Tapolngon iye rere ite ila osep kodong. E elio keniye ka polou ke ite batne langane. Ida Tapolngon due isak tipolou ke ite ma tilua ite ma udo mosongon polou itau lokono e ma itodue wan ka iye rere ke ite.

Pas ka Pol sogoe uti la ke osep Rom ina 8:37

Eknikane lama osep aitno lisak soulu ke ite langka Devit sogo ine ma itoulou tarna lite ke isak kovok. Ma elio soulu tonari mole ite kovok kesua Yesus lana iye ke ite. E ma itomole isak.

Filipai 1:5

Aitno lungong neser ke umu batne langane. Ke mgongon lila me ke eknikane umoboko kap ngong ke omon itau ila napaprangan.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

Filipai 2:22

E umeile Timoti ila elio itau. Umeile iye boko kap ngong alo ka imanapapra omon itau. Iye boko kap ngong langka gute otno arang boko kap iye ke ila bokongon.

Filipai 4:15

E umu osep Filipai ina umeile oglou alo ka ngasongon provins Masedonia e nganapapra Ida Tapolngon ila omon itau mgo sios kene silang lua ngong kovok. Aurou. Umu vala umolua ngong.

Filipai 4:3

E lou aten ngawai ke wom ka omlua ngong ke lou bokongon ma omlua apmang orwo tonari blang. Kesua tilua ngong itau ke lou bokongon ka nganapapra Ida Tapolngon ila omon itau ke osep. Isak tigosok gute Klemen e osep leklou ka angainsak dong ke buk ka mosongon ka dong vala dong ina tilua ngong ke omon itau ila napaprangan.

1 Timoti 2:8

Deka ngawaiki ma Ida Tapolngon ila osep ka tidong ke armok ka pula keniye ma tikar aitno lisak ke Ida Tapolngon lokono. E tidong itau lokono e ma tiwai itau ke Ida Tapolngon. E ngawaiki tisongon elio ka aitno lisak nevlik e amnga ke osep.

2 Timoti 2:9

Nganapapra Ida Tapolngon ila omon itau e ke batne ane osep tidue agegeng ke ngong. Tidue sen e tipou lungu e kongu ine e tidue ngong ngasep ke kalabus langka ngong gute soulu bitna. E osep tikaranga tidangdang omon itau kovok.

2 Timoti 4:17

Alo ari Ida Puda dong kap ngong e kar ila arit ke ngong. E nganapapra Ida Tapolngon ila omon itau ke osep ka pula keniye ka isak osep Yuda ina kovok. E osep tiwaiki timluk ngong ma ngamete e Ida Puda lua ngong ine.