Filipai 1:10 - Aria New Testament

¹⁰ Ma umakaranga umawade elio bitna bitna e umedidi elio ka itau vala. Deka lumu mosongon dong itau e elio gesa vri ke umu kovok la lama iding ke alo ka Krais iding me.

Filipai 1:10 ပူးပေါင်းရင်းမြစ်များ

Matyu 16:23

E Yesus klingen Pita ila pelengon e bauluk wai ke iye langane. “Satan amla ke dogur lungong. Amwaiki amdangdang ngong kesua emdidi osep aitno lisak vala e emdidi Ida Tapolngon aitno kovok.”

Matyu 26:33

E Pita wai ke iye dagar langane. “Lama isak keniye tiulou e tisongon wom ma ngasongon wom kovok.”

Jon 1:47

Alo ka Yesus vati Nataniel me olwo boto iye wai langane. “Gute ane gute Israel ina lokono e elio yakngan dong ke iye kovok.”

Jon 3:20

Kesua osep ka pula keniye ka tidue elio soulu aitno lisak engil ke bublongon e ma time ke bublongon kovok lama bublongon nis osep ke urok elio soulu.

Aposel 24:16

Eknikane ngong arit ngong ma ngadong itau lama ngadue elio soulu ke Ida Tapolngon bitna e ke osep amtarsak blang.”

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Pas ka Pol sogoe uti la ke osep Rom ina 12:9

Umu lana umu ke osep leklou e umayak ine sakam. Ma aitno lumu itau lokono ke isak. E ma umekis dagar ke elio ka itau vala e umopul dogur ke elio soulu bitna bitna.

Pas ka Pol sogoe uti la ke osep Rom ina 16:17

Sipmi. Ngawaiki ngawai dagar ke umu langane. Umeile umu itau lama supmu leklou tipagolgol aitno lumu ila dagar ke pelengon yakngan. Kesua tiwaiki urok pelengon yakngan pono aitno lumu ke pelengon ka lokono ka aitno lumu la dagar ine kodong. E umu ma umodong mawa ke osep ka tidue elio langane. Lama urok pelengon ka soulu due aitno lumu ma aitno lumu kene pulu kovok.

Pas ka Pol sogoe uti la ke osep Rom ina 2:18

E umeile elio ka Ida Tapolngon waiki umodue. Kesua oglou osep tiparere umu ine kodong. E eknikane umeile elio ka itau e elio ka soulu ma umakaranga umawade isak orwo.

Pas ka Pol sogoe uti la ke osep Rom ina 7:16

Ngawaiki ngadue elio itau vala kesua aitno lungong kene ine. E ngadue elio soulu ka dar Moses ila sogongon deka aitno lungong kro ine. E ngaile Moses ila sogongon wan ka itau vala e lou elio isuk isuk wan ka soulu.

Pas ka Pol sogoe uti la ke osep Rom ina 7:22

E aitno lungong dagar lokono ma ngadidi Moses ila sogongon vala.

Pas ka Pol sogoe uti la ke osep Rom ina 8:7

E osep ka elio epmes ina plau isak vala isak Ida Tapolngon ina oul. Kesua tidar ila pelengon e tididi aitno lisak vala. Osep ka langane tidar ila pelengon vala e tikaranga tididie kovok.

1 Korin 1:8

Ma Ida Puda due aitno lumu ma aitno lumu dong dagar la lama oklou ka iye ma iding blang. Deka ke alo ari ma Ida Puda Yesus Krais vati elio gesa vri ke ite kovok.

1 Korin 10:32

E umodue elio gesa ka due osep Yuda ina koke osep Grik ina koke Yesus ila osep aitno lisak soulu ke umu sakam.

1 Korin 8:13

Deka langka ngangon ka ngangene due agegeng ke osep leklou ma tidue elio epmes ina ma ngangen ongwa okurne aling silang blang kovok. Lama lou elio due isak tidue elio soulu.

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

2 Korin 6:3

Imawaiki osep tiwai soulu ke limem bokongon kovok deka ke batne langane imodue wan gesa ka karanga pagolgol aitno lisak kovok.

2 Korin 8:8

Ngawaiki ngawai pelengon dagar ke umu langka ngaplau umu kovok. Ngawaiki ngapalongo lumu ke osep Masedonia ina urok elio itau ka tikar urok mani ke osep Judia ina. Ma umakana urok elio. Ke elio langane ma umenis osep langka elio ka umu lana umu ke osep iye wan lokono.

Galesia 5:11

Sipmi. Ngawai ke osep ke elio ulangngan ina kovok. Aurou. Langka ngawai ine dau ina lange osep tidue elio soulu ke ngong? Langka ngong dau ngawai ke osep ma tididi elio ulangngan ina deka Ida Puda ina metengen ke ina akai ma due osep aitno lisak amnga ine kovok.

Efesus 4:15

Deka ma ite lana ite ke osep e itawai pelengon lokono ke osep keniye. Langka itodue elio langane ma itopolou dagar lokono ke Krais ila elio keniye. Itodong langka Krais pampamu ine e iye dong langka otuk lite ka mgo ke ite.

Efesus 5:10

Umotoke ma umekrim ilengen ke elio ka Ida Puda aitno itau ine.

Efesus 5:27

Krais due langane kesua iye waiki ila osep urok elio gesa munu pes isak kovok. Iye waiki ila osep tidong itau lokono. Iye waiki elio gesa ka soulu dong kap isak kovok.

Efesus 6:24

Ngawaiki Ida Tapol-ngon ila makaingan dong kap umu ka aling aling umu lana umu ke Ida Puda Yesus Krais. E oku ane lou pelengon yagos.

Filipai 1:16

Osep ka aitno lisak mter itau tinapapra kesua isak lana isak ke ngong e tile ngadong ke kalabus kesua ngapalongo osep langane. Omon itau iye pelengon ka lokono lokono.

Filipai 1:6

E ngaile langane. Oglou Ida Tapolngon nogrum ila bokongon ke aitno lumu e eknikane iye dau boko ke aitno lumu la lama iding ke alo ka Krais Yesus ma iding me.

Filipai 2:16

Umodue langane ma uma-karanga umakar isak pelengon ka karanga lua isak ke mosongon ka dong vala dong. Deka alo ka oklou ka Krais iding me ma aitno lungong neser omba ke lumu elio itau ka umodue. Deka ma ngaile lou bokongon airavu ke umu polou adai kovok.

1 Tesalonaika 3:13

E ke elio langane Ida Tapolngon ma due aitno lumu dong dagar lokono. Deka alo ka Ida Puda Yesus bauluk me kap ila osep ma iye vati umu umodong itau lokono. Ma umodong itau lokono e lumu elio soulu gesa vri ke umu ke Ida Tapolngon ka Pmada bitna kovok.

1 Tesalonaika 5:21

E umawade itau ke elio bitna bitna e pelengon bitna bitna ma umeile omur langka wan tonari itau koke aurou. E umodue wan ka itau vala.

1 Tesalonaika 5:23

Ngawaiki Ida Tapolngon ka due aitno lite epen due umu umopolou itau lokono. E ngawaiki iye kere anmu e aitno lumu e pampamu lumu ma umodong itau lokono. E ma elio soulu gesa vri ke umu kovok alo ka Ida Puda Yesus Krais bauluk me.

1 Jon 4:1

Sipmi. Ngong lana ngong ke umu e ngawai ke umu langane. Osep napaprangan yakngan ina tidong ke taklak. E langka gute gesa wai ke umu langane. “Ngawai ke Ano Itau ila pelengon.” Deka umawade ila pelengon ma umeile omur langka ila pelengon ka iye wai batne ke Ida Tapolngon koke aurou.

Pelengon kukwopngon 2:2

‘Ngaile kodong ke lumu elio ka umodue e ke lumu bokongon engil e ngaile umodong dagar ke wan ka opru umu e aitno lumu itau ke osep ka tidue elio soulu kovok. Osep tonari tiwai lumu langane. “Imi blang imi osep aposel.” E isak osep aposel kovok. E umawade urok pelengon kodong deka umeile omur ine langane. Isak osep yakngan ina vala.