Filipai 1:1 - Aria New Testament

¹ Ngong Pol imorwo Timoti imi Krais Yesus ila osep bokongon ina. E imosogo pas ane uti la ke umu ka Krais Yesus ila osep ka umodong ke armok Filipai kap osep plaungan ina e osep luangan ina ka tilua Ida Tapolngon ila osep.

Filipai 1:1 ပူးပေါင်းရင်းမြစ်များ

Mak 13:34

Elio ka mase ma polou iye langka gute ka due ila langan ke omur ka mawa ka iye waiki dong dau tauni ine. Alo ka iye waiki songon ila ninu la iye wai ke ila wokboi nating ke bokongon bitna bitna ka iye waiki tidue. E iye kar pelengon ke gute ka plau ila ninu ina ekreng bitna ma iye plaue itau.

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Aposel 1:20

Oglou Ano Itau due Devit aitno deka iye sogo pelengon ka itesire Buk Song ila pelengon palma ka lana ine la ke Judas ila elio. Devit sogo langane. ‘Ina taklak tonari ma dong adai vala. E ma gute silang dong ine kovok.’ “E sogongon silang wai ma gute silang kasip amune deka ma due ila bokongon.

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

Aposel 9:13

Deka Ananaias koli wai langane. “Ngau Puda osep pula tiwai ke ngong ke gute Sol ila elio soulu. Iye due agegeng pula ke lem osep ka tidong ke Jerusalem.

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

Pas ka Pol sogoe uti la ke osep Rom ina 1:7

­Eknikane ngasogo pas ane uti la ke umu osep Rom ina ka Ida Tapolngon rere umu ila osep. Ngawaiki Ida Tapolngon ka Pmada e Ida Puda Yesus Krais urok makaingan dong kap umu e tidue aitno lumu epen.

1 Korin 16:10

Langka Timoti polou ke umu deka ma umolua iye ma iye dong itau kap umu e iye ulou tarna kovok. Kesua iye due Ida Puda ila bokongon eriar langka ngadue.

2 Korin 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong aposel. Ngong imorwo udo aten Timoti imosogo pas ane uti ke umu ka pula keniye ka umodong ke Ida Tapolngon ila sios ke Korin kap Ida Tapolngon ila osep ke armok keniye ke provins Akaia.

Galesia 1:10

E aitno lumu lange? Pele-ngon ka eknikane ngawai ine ma lange? Ngawaiki ma osep aitno lisak itau ke ngong koke ngawaiki ma Ida Tapolngon aitno itau ke ngong? Koke lange? Ngawai dikngen ke umu vala? Umoklingen. Langka ngawai dikngen ke osep ngong Krais ila gute bokongon ina kovok.

Galesia 3:26

Umu ka pula keniye aitno lumu dagar ke Krais Yesus e umeneklep ke iye e ke elio langane umopolou Ida Tapolngon titno.

Galesia 3:28

Ke Krais ila osua osep tidong langka osep Yuda ina e osep Grik ina kovok. E osep tidong langka wokboi nating e osep ka tidong fri kovok. E osep tidong langka osep arang e apmang kovok. Aurou. Ke Krais Yesus umu ka pula keniye umodong langka osua kene vala.

Efesus 1:1

Ngong Pol ka Ida Tapolngon rere ngong Krais Yesus ila aposel gesa e ngasogo pas ane. Ngasogoe uti la ke umu ka Ida Tapolngon ila osep ka umodong dagar lokono ke Krais Yesus ka umodong ke armok Efesus.

Efesus 1:15

E langane. Ngaklingen ko-dong ke elio ka aitno lumu ila dagar la ke Ida Puda Yesus e ke elio ka umu lana umu ke Ida Tapolngon ila osep keniye.

Efesus 6:24

Ngawaiki Ida Tapol-ngon ila makaingan dong kap umu ka aling aling umu lana umu ke Ida Puda Yesus Krais. E oku ane lou pelengon yagos.

Filipai 2:19

Langka Ida Puda Yesus aitno itau ine isuk boto ma ngapagei Timoti uti ke umu. Deka alo ka ngaklingen omon ke lumu mosongon ma aitno lungong kro ke umu kovok.

Filipai 2:5

Ngawaiki ma aitno lumu mter langka Krais Yesus aitno mter.

Filipai 3:12

Ida Tapolngon waiki ito-polou itau lokono. E ngapolou langane dau kovok. Aurou. E ngong arit ngong ma ngadue prais eriar langka Krais Yesus due ngong ngapolou ila gute.

Filipai 3:3

Ite vala Ida Tapolngon titno lokono e itolotuim Ida Tapolngon batne ke Ano Itau ka iye kar iye ke ite. Aitno lite neser kesua iteneklep ke Krais Yesus. E aitno lite mter ke elio bitna bitna ka itakaranga itodue kovok. Aurou.

Filipai 3:8

E silang blang langane. Aitno lungong mter wan ka pula keniye ka oglou ngadue isak yagos la kodong. E elio ka ngaile Krais Yesus iye Ngau Puda are wan ka omba e mole wan ka pula keniye. Deka aitno lungong mter elio ka oglou ngadue isak wan adai e langka tokonkon. Kesua ngawaiki ma ngadong kap Krais.

1 Tesalonaika 1:1

Ngong Pol ngagosok Sailas e Timoti imosogo pas ane uti la ke umu ka umodong ke sios ke armok Tesalonaika. Umu ka pula keniye umodong ke Ida Tapolngon ka Pmada e Ida Puda Yesus Krais urok osua. Ma Ida Tapolngon ila makaingan dong kap umu e due aitno lumu tidong epen.

1 Tesalonaika 2:2

Umeile alo ka imeme ke umu dau kovok imodong ke Filipai. E are osep tidue agegeng ke imi e tiwai soulu ke imi. E alo ka imeme ke umu osep pula tiwaiki tidangdang imi ma imanapapra Ida Tapolngon ila omon itau ke umu kovok. E dau Ida Tapolngon due aitno limi dagar lokono e imevri dagar e imanapapra omon itau ke umu.

2 Tesalonaika 1:1

Ngong Pol ngagosok Sailas e Timoti imosogo pas ane uti la ke umu ka umodong ke sios ke Tesalonaika. Umeneklep ke Ida Tapolngon ka Pmada e Ida Puda Yesus Krais.

2 Tesalonaika 1:10

Alo ka Ida Puda me ila osep ma tidue anit ke iye e tikakai angaine tito la egim. Kesua aitno lite la dagar ke iye e aitno lite itau ke iye. E umu blang ma aitno lumu itau kesua aitno lumu la dagar ke limem pelengon ka imanapapra ke umu.

1 Timoti 1:2

Ngasogo pas ane uti ke wom Timoti. Ngaparere wom ke Ida Tapolngon ila pelengon e ompolou langka erigu ke aitno lite ila dagar. Ma Ida Tapolngon ka Pmada orwo Ida Puda Krais Yesus aitno lisak tidue wom e timakai wom e tidue aitno lugom dong epen.

1 Timoti 3:8

E osep ka titongo ngangon ke osep e tilua isak ke bokongon bitna bitna ma urok elio isuk isuk itau e tiwai pelengon yakngan kovok. Ma tiwai pelengon lokono vala. E tinim aki dagar ma amtarsak balilu kovok. E tidong langka tiwaiki tingale gute silang ila mani kovok.

Taitus 1:1

Ngong Pol ngong Ida Tapol-ngon ila gute bokongon ina gesa e ngong Yesus Krais ila aposel gesa. Iye rere ngong e pagei ngong ngala ngadue osep ka Ida Tapolngon rere isak ila osep ma aitno lisak ila dagar dong dagar. Deka ngadue isak ma tile omur ke pelengon lokono e aitno lisak la dagar ine e tididi Ida Tapolngon ila elio itau.

Taitus 1:7

E emile gute ka plau sios plau Ida Tapolngon ila bokongon. Deka ngawaiki iye due elio itau vala ma osep ka pula keniye tikaranga tivati elio soulu gesa vri ke iye kovok. Aitno mter langka angaine omba e iye karanga pagei osep kovok. E aitno nevlik kovok. Iye inim aki dagar ma bitna balilu kovok. Aitno amnga suong deka iye mluk osep kovok. E aitno vri ke mani vala kovok.

Filemon 1:1

Ngong Pol e ngadong ke kalabus ane kesua batne ngaboko ke Krais Yesus ila bokongon. Ngong imorwo Timoti imosogo pas ane uti ke wom Filemon. Wom limem aten lokono e omdue bokongon eriar langka imi.

Hibru 13:23

E ngawaiki umeile osep tisongon udo aten Timoti ke kalabus kodong. Langka suong iye polou ke ngong deka ma imorwo imouti ke umu e imavati umu.

Jems 1:1

Ngong Jems ngong Ida Tapol-ngon e Ida Puda Yesus Krais urok gute bokongon ina. Ngasogo pas ane uti ke umu ka umodong ke osua songotno orwo ke osep Israel ina. Umu ka umadardar e umodong ke omur pula. Ngawai “oklou itau” ke umu.

1 Pita 2:25

Iye due elio langane kesua oglou umodong langka sipsip ka tilila ulik ulik vala. E eknikane iye due umu umeiding ke iye e iye polou lumu Gute Plaungan Ina e iye plau aitno lumu itau langka gute plaungan ina plau ila sipsip itau.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

Pas ka Jut sogoe 1:1

Ngong Jut e ngong Yesus Krais ila wokboi nating e ngong Jems ina aiver. Ngasogo pas ane uti ke umu ka Ida Tapolngon rere umu ila osep umu. Ngaile Ida Tapolngon ka Pmada lana iye ke umu e Yesus Krais plau umu itau.

Pelengon kukwopngon 1:1

Pelengon ka oglou dong kukwop eknikane Yesus Krais due polou malak. Ida Tapolngon palongo pelengon tonari ke Yesus ma iye palongo ila osep wokboi nating ke wansua ka ma polou. Deka Yesus pagei ila ensel gesa me kar pelengon tonari ke ngong Jon ka ngong ila wokboi nating.

Pelengon kukwopngon 1:20

E amvati gigimo lumorwo ka tidong ke lungu odung e wan lumorwo ka lam tidong ine ka tidue ke gol. Wan tonari isak langka pelengon ka kukwop e lana ine langane. Wan lumorwo ka lam tidong ine isak sios ka tidong ke armok lumorwo e gigimo lumorwo isak ensel lumorwo ka tiplau sios lumorwo tonari.”

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”

Pelengon kukwopngon 2:12

Gute tonari wai blang lang-ane. “Omsogo pelengon ke ensel ka dong ke sios ke Pergamum. Pelengon tonari langane. Gute ka kis elil omba ka ene orwo wai langane.

Pelengon kukwopngon 2:8

Gute tonari wai blang langane. “Omsogo pelengon ke ensel ka dong ke sios ke Smerna. Pelengon tonari langane. Gute ka mgongon lokono e ka batne lokono ka oglou iye mete kodong e eknikane iye poga tito ke ina denga wai langane.

Pelengon kukwopngon 22:9

Deka iye wai ke ngong langane. “Omdue langane sakam. Kesua ngong Ida Tapolngon ila gute bokongon ina langka wom e langka lem osua ka isak osep napaprangan ina e langka osep leklou blang ka tididi pelengon ane. Omlotuim Ida Tapolngon vala.”