Efesus 5:3 - Aria New Testament

³ Ida Tapolngon ila osep umu deka umedidi ila elio itau e umodue elio soulu bitna bitna sakam. Umoklou lumu sasap e lumu soboget sakam. Umeisu ulik ulik sakam. Umangale osep leklou urok wan sakam. Lama osep tiwai umodue elio epmes ina gesa ka langane.

Efesus 5:3 ပူးပေါင်းရင်းမြစ်များ

Matyu 15:19

Kesua elio ka tipolou ke gute aitno langane. Iye serim e pagam osep e due okwa e isu kap apmang e panako wan e yakyak e wai soulu ke osep.

Luk 12:15

Deka iye wai ke osep langane. “Umeile umu itau e umaplau umu itau lama umedidi elio ka umangale osep urok wan. Kesua gute ila mosongon dong itau batne ke ila wan pula pula ka dong kovok. Aurou.”

Luk 16:14

Osep Farisi ina isak lana isak ke mani. E alo ka tiklingen Yesus ila pelengon tiwai apok ke iye.

Aposel 15:20

Ma itosogo pas gesa ka dangdang isak langane. ‘Ma umangen ngangon ka kakai sapingen gesa angaine e ke elio langane umopolou soulu ke Ida Tapolngon bitna sakam. Ma umodue elio okwa e elio isungon sakam. Ma umangen marau e ongwa ka osep tiger agune e ka ina marau dau dong ine sakam.’

Aposel 20:33

Ngadong kap umu e ngangale lumu wan langka silva e gol e klos bitna bitna kovok.

Pas ka Pol sogoe uti la ke osep Rom ina 1:29

Osep ari tidue elio bitna bitna ka itau kovok. Aurou. Tidue elio bitna bitna ka elio epmes ina vala. Tingale osep urok wan e tidue elio soulu bitna bitna pulu. Aitno lisak rim ke osep urok wan e tidue burwa ke osep. Isak amnga isak pulu e tiyak osep ma tipi urok wan. E tipaiavu osep e tidue adis.

Pas ka Pol sogoe uti la ke osep Rom ina 16:2

Ma alo ka iye polou ke umu ngawaiki umolua iye eriar langka Ida Tapolngon waiki ila osep tilua pulu. Elio ane itau lokono kesua iye Ida Puda ila apmang gesa. Oglou iye lua osep pula lokono deka iye lua ngong blang.

Pas ka Pol sogoe uti la ke osep Rom ina 6:13

E umadangdang pampamu lumu lama umodue elio epmes ina bitna bitna ine. Umadangdang pampamu lumu keniye ma umodue elio epmes ina ine kovok. Ida Tapolngon waiki pampamu lumu dong itau vala. Kesua umodong eriar langka osep ka oglou timete deka mase tipoga titito ke inarak denga. Ma umakar pampamu lumu ke Ida Tapolngon ma iye plau isak e ma umodue elio itau ine vala.

1 Korin 10:8

Ma itodue elio okwa langka isak leklou tidue kovok. Ke oklou kene osep ka inarak sasa langka 23,000 timete ine.

1 Korin 5:1

Ngaklingen pelengon langka elio soulu kene polou airavu ke umu. Elio ane soulu lokono e osep ka isak osep Yuda ina kovok tidue langane kovok kesua urok pelengon dagar dangdang isak ine. Elio tonari langane. Gute kene due elio soulu kap apmang ka timla esna.

1 Korin 6:13

Osep leklou tiwai ngangon wan ka itangen e itodue sep ke pele lite e pele lite dong ma itodue ngangon sepe. Pelengon ane lokono e Ida Tapolngon due agegeng ke isak orwo. E ke pampamu lite ma itodue elio soulu kovok. Aurou. Pampamu lite Ida Puda ila wan. E ma itoboko ila bokongon ine.

1 Korin 6:18

Aling aling ma umopul dogur ke elio okwa. Kesua gute ka due elio okwa due agegeng ke pampamu ine. E elio isuk isuk ka soulu leklou ka osep tidue isak tidue agegeng ke pampamu lisak kovok.

2 Korin 12:21

Oglou umodue elio epmes ina langane. Umodue elio soulu kap apmang e umodue okwa e umodue elio soulu ke osep amtarsak. E eknikane aitno lungong kro lama ngapolou ke umu e umu dau umabauluk aitno lumu ke lumu elio soulu kovok. E Ida Tapolngon due ngong mnak ngong ke omtomu e ngakngis omba ke umu pula.

Efesus 5:12

Kesua urok elio epmes ina bitna bitna ka tikukwop isak e tidue dau mnak isak ine. E ite mnak ite blang langka itawai ine.

Efesus 5:5

E umeile kodong osep ka tiklou sasarak e urok soboget ma tidong ke omur ka Ida Tapolngon e Krais tiplaue kovok. E osep ka tidue elio soulu bitna bitna e tingale osep leklou urok wan ma tidong ke omur ka Ida Tapolngon e Krais tiplaue kovok. Osep ka tingale wan bitna bitna urok elio eriar langka aitno lisak la ke sapingen gesa ka tiwaiki isak inarak tapolngon.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

1 Tesalonaika 4:3

Ida Tapolngon waiki umodue langane. Umodue elio itau vala e umodong itau e umoulou ke elio okwa.

1 Tesalonaika 4:7

Ida Tapolngon waiki ite ka ila osep itodue elio soulu kovok. Iye waiki itodue elio itau vala.

1 Timoti 2:10

E ma apmang tidue elio bitna bitna ka itau langka apmang ka aitno lisak dagar ke Ida Tapolngon tidue. Elio ane langka urok baresngen ka itau.

1 Timoti 3:3

E ma iye inim aki dagar ma bitna balilu kovok. Silang blang ma aitno nevlik e due evlei ke osep kovok. E ma aitno itau ke isak e due mada lisak. Ma aitno la ke mani kovok.

1 Timoti 6:10

Elio ka aitno lite la lokono ke mani ane elio soulu bitna bitna batne. Osep leklou aitno lisak la ke mani e elio langane ma nak isak e tisongon aitno lisak ila dagar deka agegeng ma due isak e tinamani ine.

2 Timoti 3:2

Ma osep tidue elio langane. Osep ma isak lana isak ke isak kensak kensak vala e aitno lisak mter ke mani vala. Ma tikakai isak tona angainsak e aitno lisak mter timole osep leklou. Ma tiwai soulu ke osep leklou e tipul dogur ke sipmarak e titnarak urok pelengon. Ma tiwai tenkyu ke wan ka osep tikare ke isak kovok e tipul dogur ke Ida Tapolngon ila elio itau.

Taitus 1:11

Osep are tiparere osep kesua tiwaiki urok mani polou omba ine. E langka tiparere langane tidue elio soulu e tidue agegeng ke osep kap urok osua aitno lisak ila dagar. Deka amdangdang isak ma tiwai pelengon langane kovok.

Taitus 1:7

E emile gute ka plau sios plau Ida Tapolngon ila bokongon. Deka ngawaiki iye due elio itau vala ma osep ka pula keniye tikaranga tivati elio soulu gesa vri ke iye kovok. Aitno mter langka angaine omba e iye karanga pagei osep kovok. E aitno nevlik kovok. Iye inim aki dagar ma bitna balilu kovok. Aitno amnga suong deka iye mluk osep kovok. E aitno vri ke mani vala kovok.

Taitus 2:3

E amparere apmang ka namormor blang ma tidue elio ka Ida Tapolngon aitno itau ine vala. Ma tidue adis ke osep leklou kovok. Aling aling tinim aki dagar ma amtarsak balilu kovok. E tiparere apmang pasinga oku ina ke elio itau vala.

Hibru 12:16

Umeile umu itau lama gute gesa airavu ke umu due elio isungon ina. Koke gute pul dogur ke Ida Tapolngon langka Iso pul dogur ke ila elio ka sirngen ina. Iso pli ila elio ka sirngen ina kesua sapanga due e iye waiki ngen ngangon vala.

1 Pita 5:2

Umaplau Ida Tapolngon ila osep ka iye kar isak ke umu itau langka sipsip inarak plaungan tiplau urok sipsip itau. Aitno lumu itau ke lumu bokongon kesua umawaiki umodue bokongon tonari vala e batne osep tipagei umu ine kovok. E silang blang umodue bokongon tonari batne umawaiki umodue mani ine kovok. Aurou. Umodue kesua umawaiki umedidi Ida Tapolngon aitno e umodue ila bokongon vala.

2 Pita 2:10

E lokono iye ules osep ka tididi pampamu lisak e tidue elio isungon ka soulu lokono e osep ka tiwaiki tini Ida Tapolngon ila pelengon kovok. Osep parerengen yakngan ina ane tiwaiki tikakai isak tona angainsak e tiwaiki tididi aitno lisak vala. Tiwai soulu ke ensel ka omur heven ina e tiulou tarna lisak ine kovok.

2 Pita 2:14

Osep tonari tikrim apmang ka ekreng palma ina ma tidue elio kap isak e aling aling tiwaiki tidue elio epmes ina. Tiyak osep ka aitno lisak ila dagar dau dagar kovok ma tidue elio soulu. Tile omur ke elio ka tingale e tidue osep urok wan. Aisudo. Ida Tapolngon ma ules isak ke urok elio soulu ka tidue.

2 Pita 2:3

Osep parerengen yakngan ina tiwaiki tidue mani pula e tiwai basikngen adai ma tidue lumu mani ine. E ke oglou lila me Ida Tapolngon dong para e isuk boto ma iye wade isak e due agegeng ke isak.

Pelengon kukwopngon 2:14

“E lou pelengon kene ka uti ke umu langane. Osep leklou ke umu ka tidong ke Pergamum tikis dagar ke gute Balam ila elio. Balam ila elio langane. Ke oglou iye nis gute Balak ke elio ka iye yak osep Israel ina pula ma tigene ke elio epmes ina. Deka Balak due osep Israel ina tingen ongwa ka tidue elio opmu ina ke tapolngon yakngan ine e tidue elio okwa blang.

Pelengon kukwopngon 2:21

Ngawaiki ma iye bauluk aitno ke ila elio epmes ina deka ngasongon iye dong isuk boto. E aurou. Iye bauluk aitno e pul dogur ke ila elio okwa ina kovok.”

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.

Pelengon kukwopngon 9:21

E silang osep tonari tipul dogur ke elio silang langane kovok. Elio ka timluk osep leklou ma timete e elio ka tidue osep inarak muso e tidue elio okwa e tipanako osep leklou urok wan. Aurou. Tibauluk aitno lisak ke isak kovok. Isak dau tidue.