Efesus 4:2 - Aria New Testament

² E umakakai angainmu kovok. Umodue elio molil molil e aitno lumu epen. Langka osep leklou tidue elio soulu ka sruk aitno lumu io aitno lumu nevlik ine kovok. Aitno lumu tidong epen vala ma lumu elio itau nis osep langane. Umu lana umu ke isak.

Efesus 4:2 ပူးပေါင်းရင်းမြစ်များ

Matyu 11:29

Umomo ke ngong e umanana ke ngong deka umodue sigi ka ngakare ke umu e umakalke sigi tonari kesua ngong gute ka due mada e ngapes ngong tona e ma aitno lumu mtong e dong epen ke ngong.

Mak 9:19

Yesus klingen gute tonari ila pelengon deka iye koli wai ke osep tonari langane. “Umu osua ka aitno lumu ila dagar la dagar lokono ke Ida Tapolngon kovok. Ma ngadong kap umu tauni e dau aitno lumu dagar ke ngong kovok i? Ma aitno lungong kro ke umu aling pula e dau aitno lumu dagar ke ngong kovok i? Umodue mimi me ke ngong.”

Aposel 20:19

­Lama osep Yuda ina tiwaiki tidue agegeng ke ngong e ngakngis pula ine dau ngaboko Ida Puda ila bokongon e aitno lungong mter ke ngong kovok. Aurou.

Pas ka Pol sogoe uti la ke osep Rom ina 15:1

Ite ka itodong dagar ke aitno lite ila dagar ma itolua osep ka aitno lisak dagar isuk boto vala. E aitno lite vri ke ite vala kovok.

1 Korin 13:7

Gute ka lana iye ke osep leklou io wan gesa karanga mole iye kovok. Aling aling aitno dagar ke Ida Tapolngon e iye para ma elio itau polou ke iye. E alo ka elio polou ka opru iye ma iye vri dagar ine.

Galesia 6:2

E umolua supmu leklou ke elio ka polou ka opru ka isak. Langka umodue elio langane ma umeini e umedidi Krais ila elio.

Efesus 1:4

Oglou oglou ari alo ka Ida Tapolngon dau tapol taklak ka pula keniye kovok iye rere ite ka ila osep kodong ma iteneklep ke Krais. Iye rere ite ma itodong itau lokono e ma elio kene gesa vri lite kovok.

Kolosi 1:11

E imorwo imawai itau langane. Alo ka umanamani ke elio ka opru umu imawaiki Ida Tapolngon ila arit omba ka itau lokono lua umu ma umevri dagar ine. E ma aitno lumu dong epen e ma umodong umapara ke alo ka elio ka opru umu polou yagos. E ma aitno lumu itau e aitno lumu neser ine.

1 Timoti 6:11

Deka Timoti wom ka Ida Tapolngon ila gute ompul dogur ke elio soulu bitna bitna e ma omulou ine vala. E omboko engil ma omdue elio itau e omdue Ida Tapolngon ila bokongon e aitno lugom dagar lokono ke Krais. E wom lana wom itau lokono ke osep leklou e omdong dagar ke elio bitna bitna ka opru wom e omdue mada ke osep pula.

2 Timoti 2:25

Iye wai molil e mosi osep ka tipara pulu ke ila pelengon. Iye due langane kesua aitno mter Ida Tapolngon karanga due isak tibauluk aitno lisak e tile omur ke pelengon ka lokono.

Jems 1:21

Deka umasapir wan bitna bitna ka soulu e elio keniye ka soulu ka polou ke umu. E umepes umu kenmu kenmu e umedidi Ida Tapolngon ila pelengon ka dong ke aitno lumu. Kesua pelengon tonari karanga lua umu ke lumu elio epmes ina.

1 Pita 3:15

Ma aitno lumu mter itau ke Krais e umodue elio molil molil e umodue anit ke iye kesua iye vala Upu Puda. Aling aling umekere umu ma umakaranga umokoli pelengon ke osep ka tipmi umu ke batne ke aitno lumu ila dagar e ke elio itau ka umapara ine.

1 Pita 3:8

Ngababrum lou pelengon langane. Ngawaiki aitno lumu kene pulu e aitno lumu itau ke osep leklou e umu lana umu ke supmu leklou. E umodue mada ke osep leklou e umepes umu tona.