Efesus 3:3 - Aria New Testament

³ Deka iye due aitno lungong ma ngaile omur ke wan ka iye laloe ke oglou e iye palongo osep ine kovok. Ngasogo ke wan ka iye laloe tonari sasi boto ke pas ane.

Efesus 3:3 ပူးပေါင်းရင်းမြစ်များ

Aposel 22:17

“Mase alo ka ngabauluk ke Jerusalem ngala ke Ida Tapolngon ila ninu e ngawai itau ke iye deka ari ngavati ano gesa.

Aposel 22:21

Ngakoli Ida Puda ila pelengon langane deka iye wai ke ngong blang langane. ‘Aurou. Amla. Ngapagei wom amla ke osep ka isak osep Yuda ina kovok ka tidong ke omur ka mawa.’”

Aposel 23:9

Osep tonari tidaiku e tiwai pula ine. Deka osep leklou ka isak osep Farisi ina ka tile itau ke Moses ila sogongon tivri e tiwai dagar langane. “Imavati gute ane e aitno limi mter iye dar pelengon dagar gesa kovok. Langka ensel gesa koke gute gesa ano wai ke iye ma itousine?”

Pas ka Pol sogoe uti la ke osep Rom ina 11:25

Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

2 Korin 12:1

Alo ka osep tikakai angainsak ke urok elio ane lua osep kovok. E dau ma ngakakai angain ngong sasi boto blang. Ngawai ke wan ka Ida Puda nis ngong ine alo ka ngamunu anngong e wan ka iye wai ke ngong ine ka osep leklou tile ine kovok.

Galesia 1:12

Kesua ngadue pelengon ane ke gute gesa kovok. E osep tiparere ngong ine kovok. Aurou lokono. Yesus Krais vala nis ngong ke pelengon ane.

Efesus 1:17

Ngapmi Pmada ka Ida Puda Yesus Krais Ina Tapolngon ka ila bublongon e ila arit ombatno lokono ma iye due Ano Itau ma lua umu ma aitno lumu mter itau ke ila elio itau. Ma Ano Itau nis umu ke Ida Tapolngon ila elio itau ma umeile omur ke iye.

Efesus 3:4

Langka umedidi pelengon ka dong ke pas ane ma umeile omur ke wan ka iye laloe ka langane. Ma umeile omur Ida Tapolngon due aitno lungong mgo. E ngaile omur ke pelengon lokono ka oglou osep tile ine kovok. E Krais due polou lokono kodong.

Efesus 3:6

Deka langane. Pelengon lokono ka Ida Tapolngon aitno mter ine e palongo osep ine kovok la ke Krais. Ida Tapolngon ila omon itau ka la ke Krais due osua ka isak osep Yuda ina kovok tineklep ke osua ka isak osep Yuda ina. Deka osua kene vala dong. E iye lua osua ka kene ke ila promis ka oglou iye wai promis ke osua ka isak osep Yuda ina ine. Ida Tapolngon wai promis kodong e Krais Yesus due promis tonari polou lokono.

Efesus 3:9

Oglou ari Ida Tapolngon due wan bitna bitna keniye ka tidong. Alo ari pelengon leklou polou malak kovok. Iye bisi ine ke aitno vala e osep tile ine kovok. E pelengon tonari dong ke iye vala. E eknikane langane. Ida Tapolngon rere ngong ma nganapapra ila pelengon tonari. Kesua iye waiki osep tile omur ke elio ka iye due kodong e waiki pelengon tonari polou malak ke osep.

Efesus 6:19

E silang blang langane. Umawai itau ke Ida Tapolngon ma iye lua ngong ma ngaulou tarna lungong kovok. E ma ngawai malak ke ila omon itau vala. Umolua ngong ma ngawai malak ke osep ke Ida Tapolngon ila omon itau ka oglou osep tile ine kovok.

Kolosi 2:2

Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.

Kolosi 4:3

Alo ka umawai itau umepmi Ida Tapolngon ke imi blang ma iye due ekreng ma imakaranga imanapapra ila pelengon ka oglou dong kukwop ka lana ine la ke Krais. Nganapapra ila pelengon e ke batne langane ngadong ke kalabus ane.

Hibru 13:22

Sipmi. Ngawaiki umo-klingen lou pelengon ka ngasogoe. Kesua ngawaiki ngadue aitno lumu dong dagar e pas ane bolbolo vala.

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.

2 Pita 3:15

E aitno lumu mter ke elio ka Ida Puda aitno omba ke umu e iye dong para ke umu. Iye due langane ma osep aitno lisak la dagar ke iye e iye lua isak ke urok elio epmes ina. E Ida Tapolngon kar ilengen ke ida tovro Pol ka ngong lana ngong ke iye deka iye sogo ine ke umu blang.