Efesus 2:3 - Aria New Testament

³ Oglou ite blang itodong kap osep tonari e itodong soulu eriar langka isak tidong soulu. E itedidi aitno lite oglou ina e itodue elio epmes ina bitna bitna ka aitno lite mter ine e pampamu lite waiki itodue. Deka itanamani ine kesua Ida Tapolngon aitno engil lite eriar langka aitno engil ke osep epmes ina keniye.

Efesus 2:3 ပူးပေါင်းရင်းမြစ်များ

Mak 4:19

E mase aitno lisak kro ke elio bitna bitna ka taklak ina e aitno lisak mter ke mani. E tiwaiki tidue wan isuk isuk ma urok wan pula pula. Deka pelengon tonari karanga lua isak ke urok elio isuk isuk kovok.

Jon 1:13

Tipolou Ida Tapolngon titno batne ke elio ka sipmarak e titnarak tikaranga tidivir titorok koke elio ka aitno lisak waiki due langane koke elio ka osep leklou aitno lisak waiki due langane kovok. Aurou. Tipolou titno batne ke Ida Tapolngon aitno vala.

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

Aposel 14:16

Oglou osep ka pula keniye tididi Ida Tapolngon ila elio kovok e tididi aitno lisak vala deka iye songon isak ine.

Pas ka Pol sogoe uti la ke osep Rom ina 1:24

Osep tonari aitno lisak soulu lokono vala e Ida Tapolngon pul dogur ke isak ma tididi aitno lisak vala. Deka tidue elio ka soulu lokono pulu langka itosep udo elio lokono kovok. Tidue elio soulu pulu ke pampamu lisak vala.

Pas ka Pol sogoe uti la ke osep Rom ina 11:30

Eriar langka oglou umedidi Ida Tapolngon ila pelengon kovok eknikane osep Israel ina tididi ila pelengon kovok. E ke urok elio tonari Ida Tapolngon aitno due umu.

Pas ka Pol sogoe uti la ke osep Rom ina 13:14

Eknikane iteneklep ke Ida Puda Yesus Krais e itakana ila elio. E aitno lumu mter ke elio soulu ka pampamu lumu waiki due kovok.

Pas ka Pol sogoe uti la ke osep Rom ina 2:14

­Osep ka isak osep Yuda ina kovok tile Moses ila sogongon kovok. Lama tile Moses ila sogongon kovok aitno lisak mter urok elio leklou eriar langka Moses ila sogongon. E tididi isak. Deka osep tonari urok elio isuk isuk nis isak ke urok elio leklou ka itau e urok elio leklou ka soulu. Deka tididi elio ka itau lama tile Moses ila sogongon kovok.

Pas ka Pol sogoe uti la ke osep Rom ina 5:10

Oglou Ida Tapolngon ina oul itosep. E ari iye due Otno Arang ma iye kasip amunte. E elio ka iye due Otno Arang kasip amunte due aitno epen ke ite ma iye due mada ke ite. Iye due mada ke lite e due ite itopolou sisrok batne ke Yesus ka lua ite kodong iye dong.

Pas ka Pol sogoe uti la ke osep Rom ina 5:9

E eknikane Ida Tapolngon due ite itopolou itau e osuk ke bitna batne ke Yesus ina metengen e ina marau ka kasip amunte. Itopolou itau e osuk ke Ida Tapolngon bitna batne ke Ida Kasipngen ka kasip amunte kodong. Deka Ida Tapolngon aitno epen ke ite. E ma aitno ila engil due ite kovok kesua batne Yesus kasip amunte kodong.

Pas ka Pol sogoe uti la ke osep Rom ina 6:12

Eknikane aitno lumu itau ke elio epmes ina bitna bitna kovok lama iye plau pampamu lumu. Umadangdang ine vala lama umawaiki umodue elio epmes ina bitna bitna blang.

Pas ka Pol sogoe uti la ke osep Rom ina 7:18

Ngong kenngong aitno lungong karanga mter elio gesa ka itau kovok. Langka ngawaiki ngadue elio itau ngakaranga ngadue kovok e ngadar Moses ila sogongon vala.

Pas ka Pol sogoe uti la ke osep Rom ina 9:22

Ida Tapolngon ila elio lang-ane blang. Osep pula tidue elio epmes ina bitna bitna ka due aitno engil ke isak. Deka iye waiki aitno ila engil due osep tonari ma osep pula tivati ila arit. Lama iye waiki due elio langane lokono iye due langane kovok. Aurou. Iye dong dau tauni ine e lokono aitno ila engil due isak kovok.

1 Korin 4:7

Sei bitna ngen wom langka wom gute namor? Omdue lem wan ka pula keniye ke Ida Tapolngon. E langka lokono omdue wan ka pula keniye ke Ida Tapolngon limla deka ina lange amkakai angain wom ine?

2 Korin 7:1

Lou saten. Imodue Ida Tapol-ngon ila promis kodong. Deka ma itopul dogur ke elio soulu bitna bitna ka tidue pampamu lite e ante amum. Ma itodue anit ke Ida Tapolngon e itodue elio itau ka aitno itau ine.

Galesia 3:22

Ida Tapolngon ila pelengon wai elio epmes ina due ite ka pula keniye ka itodong ke taklak itodong langka itodong ke kalabus. E Ida Tapolngon songon elio tonari polou ma aitno lite dagar ke Yesus Krais. Deka ma itodue wan ka Ida Tapolngon wai dagar kodong ka ma iye kare ke osep ka aitno lisak dagar ke iye.

Efesus 2:2

Deka ari umodue elio epmes ina bitna bitna eriar langka osep epmes ina ka tidong ke taklak ane tidue. Alo ari Satan ka plau angelo soulu plau umu blang. Iye plau umu kesua iye plau osep ka talsak klingen Ida Tapolngon ila pelengon kovok.

Efesus 4:22

Deka umosongon lumu elio epmes ina bitna bitna ka oglou tiplau umu. Umosongon elio tonari kesua elio epmes ina bitna bitna tonari due aitno lumu soulu lokono e paiavu umu.

Kolosi 1:21

Oglou umodong mawa ke Ida Tapolngon e aitno lumu mter ke wan ka due umu ina oul. E umu ina oul kesua umodue elio soulu bitna bitna e aitno lumu mter ke elio soulu vala.

1 Tesalonaika 4:13

Sipmi. Imawaiki umeile omur ke wansua ka polou ke osep ka timete kodong. Kesua osep leklou tiwai osep ka timete kodong tipoga titito ke inarak denga kovok. E imawaiki aitno lumu kro ke osep ka timete kodong kovok. Aitno lumu kro kovok langka osep ka aitno lisak dagar ke Ida Tapolngon kovok e tipara ke mosongon ka dong vala dong kovok.

1 Tesalonaika 5:6

E ngawaiki itodong langka osep epmes ina kovok. Tidong langka osep ka timunu kudung. Ngawaiki itodong langka amtada pal e itaplau ite itau.

1 Timoti 6:9

E langka osep tiwaiki tidue mani pula vala deka tokngon ma polou ke isak e ma kis isak dagar langka omdu kis ongwa dagar. Deka langka aitno lisak la ke wan bitna bitna are ma due isak manga manga lokono. E elio ane ma due pogle ke isak e tidong sasi lokono.

Taitus 3:3

Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.

1 Pita 1:14

Umu Ida Tapolngon titno deka ma umeini ila pelengon vala. Oglou aitno lumu kaka e umedidi elio bitna bitna ka taklak ane ina e eknikane umedidi elio tonari sakam.

2 Pita 2:14

Osep tonari tikrim apmang ka ekreng palma ina ma tidue elio kap isak e aling aling tiwaiki tidue elio epmes ina. Tiyak osep ka aitno lisak ila dagar dau dagar kovok ma tidue elio soulu. Tile omur ke elio ka tingale e tidue osep urok wan. Aisudo. Ida Tapolngon ma ules isak ke urok elio soulu ka tidue.

2 Pita 2:18

Tiwai omba e tiwai ulik ulik ma tikaranga tinak osep leklou ma tididi pampamu lisak e tidue elio soulu ka nak osep ka oku ane vala tikos ke osep ka tididi aitno lisak vala.

1 Jon 2:16

Elio bitna bitna keniye ka taklak ina isak langane. Osep aitno lisak mter ke wan ka pampamu lisak waiki due e tingale wan bitna bitna ka tivatie e tiwaiki tikakai angainsak batne ke urok wan vala. Elio tonari batne ke Pmada kovok. Aurou. Batne ke elio ka osep taklak ina tidue vala.

1 Jon 2:8

E dau ngasogo pelengon dagar oku ina ke umu blang ka la ke elio lokono ka oglou Yesus due. E elio tonari elio ka umu blang umodue. Kesua wan ka aivoro lila duru e mase yagos e bublongon ka lokono bublo kodong.