Aposel 9:6 - Aria New Testament

⁶ Emtito amla emsep ke Damaskus deka ma gute gesa palongo lem ke elio ka ma omdue.”

Aposel 9:6 ပူးပေါင်းရင်းမြစ်များ

Matyu 19:30

E dau osep pula ka timgo oku ane ma time batne e osep pula ka time batne oku ane ma timgo.”

Luk 3:10

Deka osep pula pula tipmi iye langane. “Langka langane ma imodue wansua?”

Aposel 10:22

Deka tipalongo Pita ila langane. “Gute Kornilius pagei imi ke wom. Iye gute ka plau osep ola ina buno kene. Ila elio isuk isuk itau e iye due anit ke Ida Tapolngon. Osep Yuda ina ka pula keniye tidue anit ke iye. Ida Tapolngon ila ensel ka itau lokono polou ke Kornilius deka iye wai langane. ‘Ampagei osep leklou ma isak kla tipolou ke gute Pita e tiwai ke Pita ma iye gosok isak tibauluk ke lem ninu ane. Deka emklingen pelengon ka Pita ma kare ke wom.’”

Aposel 10:32

Ampagei osep leklou tiduru ke Jopa ma tipolou ke gute Saimon ka tisir iye Pita. Iye dong kap gute silang ka angaine Saimon blang ka boko e due wan ke bulmakau tarna lisak ka tisisie ke bulmakau ka timke isak timete kodong. Ila ninu dong olwo boto ke misuon.’

Aposel 10:6

Iye dong kap gute silang ka angaine Saimon blang ka boko e due wan ke bulmakau tarna lisak ka tisisie ke bulmakau ka timke isak timete kodong. Ila ninu dong olwo boto ke misuon.”

Aposel 2:37

Osep pula tiklingen Pita ila pelengon deka aitno lisak kro lokono ine. Deka tipmi Pita gosok aposel leklou langane. “Sipmi. Eknikane imousine kesua limem elio epmes ina vri ke imi?”

Aposel 22:10

Deka ngawai langane. ‘Ngau Puda amwaiki ngadue sua?’ E iye wai langane. ‘Emtito emsep ke Damaskus deka ma gute silang palongo lem ke bokongon ka ngarere ke wom ma omdue.’

Aposel 26:16

Emtito emvri. Ngapolou ke wom kesua ngarere wom lou gute bokongon ina gesa. E ma ampalongo osep ke elio ka oku ane amvati e ke elio ka mase ma nganis wom ine.

Aposel 9:5

Deka Sol koli wai langane. “Ngau Puda wom sei?” E gute tonari wai langane. “Ngong Yesus ka omdue agegeng ke ngong.

Pas ka Pol sogoe uti la ke osep Rom ina 10:20

Aisaia palongo osep Israel ina ke Ida Tapolngon ila pelengon ka wai langane. “Osep leklou ka tikrim ke ngong kovok isak tipado ngong kodong. E osep leklou ka tipmi isak pulu ke ngong kovok ngapolou ke isak kodong.”

Pas ka Pol sogoe uti la ke osep Rom ina 10:3

E tididi aitno lisak ka tiwaiki due isak tipolou itau e osuk ke Ida Tapolngon bitna. E isak tile omur ke elio ka Ida Tapolngon due isak tipolou itau e osuk ke bitna kovok. E tididi elio tonari itau lokono kovok.

Pas ka Pol sogoe uti la ke osep Rom ina 5:20

Oglou ari Ida Tapolngon due Moses aitno deka iye sogo Ida Tapolngon ila pelengon ka dong kap osep. E osep ka tile omur ke sogongon tonari tidare aling pula e urok elio epmes ina pula vri ke isak. E alo ari Ida Tapolngon didi aitno e pagei ila makaingan ke osep ari e ila makaingan tonari res polou ombatno e mole elio soulu ka dong ke osep ari.

Pas ka Pol sogoe uti la ke osep Rom ina 7:9

Oglou ngadong vala e ngaile itau ke Moses ila sogongon kovok. Ari aitno lungong mter ngawaiki ngadong itau vala. Mase ngaklingen Moses ila sogongon e ngaile ngadare kodong. Deka ari ngaile ma ngamete ine.

Filipai 2:12

Sipmi. Ngong lana ngong ke umu. E langka oglou umedidi lou pelengon alo ka ngadong kap umu deka eknikane alo ka ngadong kap umu kovok ma umedidi lou pelengon lokono. Ida Tapolngon lua umu ke lumu elio epmes ina kodong deka eknikane umodong dagar ke aitno lumu ila dagar e umodue anit ke Ida Tapolngon e umoboko ma lumu mosongon ke taklak ane dong itau.

Jems 4:6

Ida Tapolngon makai ite ke ila makaingan ka ombatno. E ila pelengon wai blang langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”