Aposel 9:42 - Aria New Testament

⁴² Ari elio ane ina omon pakes lila deka osep pula ke armok Jopa aitno lisak la dagar ke Ida Puda.

Aposel 9:42 ပူးပေါင်းရင်းမြစ်များ

Jon 11:4

Alo ka omon polou ke Yesus iye wai langane. “Paiangan ane polou ma Lasarus mete lokono ine kovok. Aurou. Polou ma osep tikakai Ida Tapolngon angaine tito la egim e ma tikakai Ida Tapolngon Otno Arang angaine tito la egim batne ke elio ane.”

Jon 11:45

Deka osep Yuda ina pula ka time kap Maria tivati elio ka Yesus due e aitno lisak la dagar ke iye.

Jon 12:11

Tiwaiki tidue burwa ke Lasarus blang kesua osep Yuda ina pula aitno lisak mter wan ka Yesus due ke Lasarus e tisongon isak e aitno lisak la dagar ke Yesus.

Jon 12:44

Deka Yesus daiku langane. “Langka gute aitno dagar ke ngong deka aitno dagar ke ngong vala kovok. Aurou. Aitno dagar ke Ida Tapolngon ka pagei ngong ngame blang.

Aposel 10:5

Eknikane ma ampagei osep arang leklou ke Jopa ma tikrim ke gute Saimon ka angaine silang Pita. Ma isak kla e tipado iye deka tipaur iye me ane.

Aposel 10:8

Deka iye palongo urok ke elio keniye ka tipolou deka pagei isak kla ke Jopa.

Aposel 11:13

E Kornilius palongo limem langane. ‘Ngadong ke lou ninu aitno deka ngavati ensel gesa vri ine deka iye palongo lou langane. “Ampagei osep leklou tiduru ke Jopa ma tipolou ke gute Saimon ka angaine silang Pita ma tipaur iye tibauluk blang.

Aposel 11:21

Ari Ida Tapolngon ila arit lua osep ka tinapapra Yesus ila omon itau deka osep pula tiklingen ine e aitno lisak la dagar ke Ida Puda.

Aposel 11:5

“Alo ka ngadong ke Jopa oklou gesa ngadong e ngawai itau ke Ida Tapolngon deka ngavati ano gesa. Ngavati wan langka molo ombatno duru ke omur ka egim. Molo tonari duru e galou apanal tipou topurne leklou leklou e molo duru ke taklak e polou olwo boto ke ngong.

Aposel 9:35

Osep keniye ka tidong ke armok Lida e ke omur Saron ina tivati gute tonari deka isak keniye aitno lisak la dagar ke Ida Puda.

Aposel 9:36

Alo ari ke armok Jopa apmang kene dong ka aitno dagar ke Yesus ka angaine Tabita. E langka osep tiwai pelengon Grik deka tisir apmang tonari angaine Dorkas. Apmang tonari ila elio itau lokono. Oklou pula iye due elio itau e kar wan adai ke osep e tidue batne kovok.

Aposel 9:38

Ari Yesus ila disaipel tiklingen Pita dong ke armok Lida ka dong olwo boto ke Jopa. Deka tipagei osep orwo ke Pita. Tipolou ke iye deka tiwai dagar langane. “Pita omsuong omo kap imi.”

Aposel 9:43

Ari Pita dong oklou pula ke Jopa. Iye dong kap gute Saimon ka boko e due wan ke bulmakau tarna lisak ka tisisie ke bulmakau ka timke isak timete kodong.