Aposel 9:40 - Aria New Testament

⁴⁰ Deka Pita wai ke isak langane. “Umala ke dogur.” Deka tisongon eliang tonari. Pita dau dong ine kap Dorkas pampamu ine deka iye grum kamla e manik duru e wai itau ke Ida Tapolngon. Deka bitna la ke apmang ka mete kodong e iye wai langane. “Tabita emtipa.” Deka Tabita bitna pal e iye vati Pita deka tipa e dong.

Aposel 9:40 ပူးပေါင်းရင်းမြစ်များ

Matyu 6:6

E umu alo ka umawai itau ke Ida Tapolngon umu vala umesep ke lem eliang e umediva ekreng bitna. E umawai itau ke Pmomu. Iye ile wan ka umodue alo ka umu vala umodong e iye ma kar kerengen ka omur heven ina ke umu.

Matyu 9:25

E mase alo ka timla e tna tidue osep kla ke dogur Yesus la ke apmang ka munu ke kova. E iye kis limla e apmang poga e ila mosongon iding.

Mak 9:25

Mimi tonari timla wai langane deka Yesus vati osep pula pula tisuong tipolou ke iye. Deka iye wai dagar ke angelo soulu langane. “Wom angelo soulu ka omdue mimi ane ma iye wai kovok e klingen pelengon kovok ngawai ke wom langane. Ompolou ke mimi ane e amkaranga ambauluk omdong ke iye blang kovok.”

Luk 22:41

Iye songon isak e la isuk boto deka grum kamla e wai itau ke Ida Tapolngon.

Luk 8:54

Deka Yesus kis apmang limla e wai ke iye langane. “Mimi emtito.”

Aposel 20:36

Pol wai ke isak langane deka iye gosok osep keniye tigrum kamsak tiduru ke taklak e tiwai itau ke Ida Tapolngon.

Aposel 21:5

­Imodong ke Tair la lama mase sip waiki songon armok are deka imala blang. Ari osep arang keniye tigosok sasarak e titorok tipaur imi imosongon armok tonari. E imala ke misuon ina dingen batne e imogrum kepmi e imawai itau ke Ida Tapolngon.

Aposel 28:8

Ari Publius timla paia e munu ke ila bota kesua tarna engil e iye bres marau. Deka Pol la polou ke iye e wai itau ke Ida Tapolngon ma iye lua gute tonari. E Pol limla duru kai iye deka ina paiangan yagos e iye polou itau blang.

Aposel 7:60

Deka iye grum kamla buno deka gene duru e wai dagar lokono langane. “Ngau Puda omkoli osep ane urok elio sakam.” Iye wai langane deka mete.