Aposel 9:39 - Aria New Testament

³⁹ Pita klingen urok pelengon deka iye tito e la kap isak. Tididi ekreng e tipolou ke Dorkas ila ninu deka tipaur Pita tito ke ninu ina eliang ka dong egim. Apmang ka sasap batne tivri olwo boto ke Pita e tikngis ke Dorkas deka tinis iye ke klos e molo ka oglou Dorkas due.

Aposel 9:39 ပူးပေါင်းရင်းမြစ်များ

Matyu 17:17

E Yesus koli wai ke iye langane. “Umu osep ka umodong oku ane aitno lumu dagar ke Ida Tapolngon kovok e lumu elio soulu. Ma ngadong kap umu tauni? Ngawaiki ngadong kap umu tauni kovok. Ampaur iye ke ngong.”

Matyu 26:11

Kesua aling aling osep ka urok wan isuk boto vala tidong kap umu. E ngong ma ngadong kap umu aling aling kovok.

Mak 14:8

E apmang ane due elio itau ke ngong ka iye karanga due. Iye baser wel ka amna itau ke pampamu lungong ma kere ke alo ka osep tiyas ngong.

Luk 24:44

Deka iye wai ke isak langane. “Alo ka ngong dau ngadong kap umu ngawai ke umu langane. Wan ka pula keniye ka dong ke Moses ila sogongon e dong ke osep napaprangan ina urok sogongon e dong ke Buk Song ka lana ine me ke ngong ma tipolou lokono.”

Jon 12:8

Osep ka urok wan isuk boto vala tidong airavu ke umu aling aling e ngong ngadong kap umu tauni kovok.”

Jon 17:12

Alo ka ngadong kap isak ngaplau isak ke lem arit ka amkare ke ngong. Ngaplau isak e gute kene vala ke isak imina. Iye gute ka ke ila elio soulu due ma iye imina. E elio ane polou ma wan ka osep tisogoe ke lem pelengon polou lokono.

Aposel 1:13

Osep aposel tipolou ke Jerusalem deka tidong ke ninu gesa ina eliang ka dong egim. Tidong ine deka tiwai itau ke Ida Tapolngon oklou aling aling kesua aitno lisak kene ke iye. Osep ka tidong ine angainsak langane. Pita e Jon e Jems e Andru e Filip e Tomas e Bartolomyu e Matyu e Alfius otno arang Jems e Saimon ka Selot ina deka Jems silang blang otno arang Judas. E Yesus tna Maria e ina saiver tigosok apmang leklou blang tidong kap osep tonari.

Aposel 20:35

Lou bokongon keniye nis umu langka itoboko dagar itakaranga itolua osep ka tikaranga tilua isak tona kovok. Omtomu sisir Ida Puda Yesus wai langane. ‘Langka osep tikar ite wan aitno lite neser isuk boto ine. E langka itosoro wan ke osep e batne kovok aitno lite neser omba ine.’”

Aposel 6:1

Alo ari osep ka aitno lisak dagar ke Yesus tires tipolou pula. Osep Yuda ina leklou ka tiwai pelengon Grik tingurngur ke osep Yuda ina ka tiwai pelengon Hibru urok elio. Tiwai langane. “Aitno limi kro kesua oklou aling aling umolua osep ka inarak ngangon isuk boto e umolua limem apmang sasap batne langane kovok.”

Aposel 8:2

Ari osep leklou ka urok elio isuk isuk itau tidue Stiven pampamu ine e tiyase e tikngis omba kesua aitno lisak soulu ke Stiven ina metengen.

Aposel 9:41

Deka Pita kis limla e lua iye tito vri deka Pita gi Ida Tapolngon ila osep ma time tisep ke eliang. Osep tonari leklou isak apmang sasap batne. Deka time tisep ke eliang e tivati Dorkas dong blang.

2 Korin 8:12

Kesua langka gute waiki tuk mani la ke osep leklou Ida Tapolngon aitno itau ke iye. Langka gute karanga lua osep ke mani isuk boto vala kesua ila wan isuk boto Ida Tapolngon aitno itau ke iye. Kesua Ida Tapolngon aitno itau ke gute ka tuk ila mani ka dong ke iye e lua osep leklou ine.

Efesus 4:28

Umu ka oglou umapanako wan bitna bitna umodue elio langane sakam. Umoboko vala ma lumu wan bitna bitna tipolou e tidong. Kesua gute ka boko deka ila wan polou ma karanga tuk ila wan ma leklou la ke osep ka urok wan isuk boto vala.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

1 Tesalonaika 4:13

Sipmi. Imawaiki umeile omur ke wansua ka polou ke osep ka timete kodong. Kesua osep leklou tiwai osep ka timete kodong tipoga titito ke inarak denga kovok. E imawaiki aitno lumu kro ke osep ka timete kodong kovok. Aitno lumu kro kovok langka osep ka aitno lisak dagar ke Ida Tapolngon kovok e tipara ke mosongon ka dong vala dong kovok.

1 Timoti 5:3

Langka apmang ka sasap batne tidong kensak vala deka omdue elio itau ke isak.

1 Timoti 5:5

Langka apmang ka sasap batne tidong kensak vala ma apmang tonari tidue elio langane. Ma aitno lisak dagar lokono ke Ida Tapolngon ma iye lua isak e kere isak itau. Deka ke oklou e ke epmes ma tiwai itau ke Ida Tapolngon e tipmi iye ma iye lua isak.

1 Jon 3:18

Lou mimi daudeng. Itawai ite lana ite ke osep leklou vala kovok. Aurou. Ite lana ite ke osep ke elio isuk isuk ka itodue e ke pelengon ka lokono.