Aposel 9:31 - Aria New Testament

³¹ Alo ari Ida Tapolngon ila osep ka tidong ke omur Judia e ke omur Galili e ke omur Samaria osep aitno lisak epen ke isak. Ari Ano Itau lua osep tonari e due aitno lisak dagar lokono ke Yesus. Deka osep ka aitno lisak dagar ke Yesus tires tipolou pula. Deka tidong itau e tidue anit ke Inarak Puda.

Aposel 9:31 ပူးပေါင်းရင်းမြစ်များ

Aposel 12:24

Alo ari Ida Puda ila pelengon pakes lila deka osep pula tiklingen ine e aitno lisak la dagar ine.

Aposel 16:5

E Ida Tapolngon ila osep keniye aitno lisak ila dagar polou dagar lokono. Ari oklou aling aling osep leklou blang aitno lisak la dagar ke Yesus e osep ka aitno lisak dagar ke iye tires tipolou pula.

Aposel 2:47

Deka oklou ka pula keniye tikakai Ida Tapolngon angaine tito la egim lokono. E osep leklou aitno lisak itau ke osep tonari. Alo ari osep leklou blang aitno lisak la dagar ke Yesus deka Ida Puda klok urok elio epmes ina. Deka osep ka iye lua isak tineklep ke osep ka oglou aitno lisak la dagar ke Yesus kodong.

Aposel 20:32

“E eknikane ngawai ke umu langane. Ida Tapolngon kis umu dagar e kere umu itau. E ila pelengon ka didi ila makaingan karanga due umu umodong dagar lokono e ma iye lua umu ke ila kerengen langka iye lua osep keniye ka iye rere isak ila osep.

Aposel 5:11

Deka osep keniye ka tiklingen ke elio ane ansak nesik omba.

Aposel 6:7

Alo ari Ida Tapolngon ila pelengon pakes lila e osep pula ka tidong ke Jerusalem aitno lisak la dagar ke Yesus. Deka osep ka aitno lisak dagar ke Yesus tires tipolou pula. E silang osep loulou ina pula aitno lisak la dagar ke Yesus.

Aposel 8:1

Sol vati osep tidue burwa ke Stiven e aitno kene ine. Deka ke oklou tonari osep tidue agegeng pula polou ke Ida Tapolngon ila osep ka tidong ke Jerusalem. Deka isak keniye tidardar kla ke armok armok ka tidong ke omur Judia e omur Samaria. Isak keniye tisongon armok kla e osep aposel vala dau tidong ke Jerusalem.

Pas ka Pol sogoe uti la ke osep Rom ina 14:17

Ke omur ka Ida Tapolngon plaue wan ka itangene e wan ka iteinime isak wan omba kovok. Aurou. E elio ka itau e osuk e elio ka aitno lite epen pulu e elio ka aitno lite neser ke Ano Itau isak wan ka omba lokono.

Pas ka Pol sogoe uti la ke osep Rom ina 14:19

Ma itedidi elio bitna bitna ka due aitno lite epen pulu e elio isuk isuk ka ma due aitno lite ila dagar polou dagar lokono.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

Pas ka Pol sogoe uti la ke osep Rom ina 5:5

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

1 Korin 14:12

Ngaile aitno lumu itau lokono ma umodue kerengen ke Ano Itau. Deka umoboko dagar ma umodue kerengen ka ma due Yesus ila osep tivri dagar.

1 Korin 14:26

Sipmi. Alo ka umoduni pulu ke duningen ma umodue sua? Ma umodue elio bitna bitna ka itau ka tilua umu vala. Gute kene due sakul e gute silang wai pelengon ka parere osep leklou e gute silang wai pelengon ka Ida Tapolngon nis iye ine ma iye napapra ine. E gute silang wai tokples gesa ka osep tile ine kovok e gute silang bauluk tokples tonari. Deka wan ka umodue ma due Yesus ila osep aitno lisak tidong dagar.

2 Korin 10:8

Ida Puda kar arit ke imi ma imodue ila bokongon. Imoboko e imolua umu ma imodue aitno lumu ila dagar dong dagar. Iye waiki limem bokongon due pogle ke aitno lumu ila dagar kovok. Deka aitno lungong neser e imakakai angainmi ke limem bokongon tonari e ngong mnak ngong ine kovok.

2 Korin 12:19

Aitno lumu lange? Imosogo pelengon ane ma imomosi limem elio ke omtomu? Aurou. Imi Krais ila osep e imawai pelengon ane ke Ida Tapolngon bitna. Sipmi. Imi lana imi ke umu e imawaiki aitno lumu ila dagar dong dagar.

2 Korin 13:10

Ngasogo pas ane uti ke umu alo ka ngong dau ngadong mawa ke umu. Ngasogoe batne langane. Ngasogoe lama alo ka ngapolou ke umu lumu elio soulu dau dong e ma ngamosi umu ine. Ida Puda rere ngong ma ngakaranga ngadue elio langane e dau ngawaiki ngalua umu e ngaules umu kovok.

2 Korin 7:1

Lou saten. Imodue Ida Tapol-ngon ila promis kodong. Deka ma itopul dogur ke elio soulu bitna bitna ka tidue pampamu lite e ante amum. Ma itodue anit ke Ida Tapolngon e itodue elio itau ka aitno itau ine.

Efesus 4:12

Krais rere osep tonari ma tiboko langane. Iye waiki urok bokongon lua Yesus ila osep keniye ma isak kensak kensak tiboko itau ke Ida Tapolngon ila bokongon. Ma urok bokongon due Yesus ila osep keniye ka isak Krais pampamu ine tipolou dagar ke Ida Tapolngon ila elio itau.

Efesus 4:16

E iye plau ite keniye e kis ite keniye dagar. Deka eriar langka gute gesa pampamu ine ongwa ine bitna bitna tiblet pulu dagar deka Krais blang kis ite ma itodong dagar pulu. E langka ite ka Krais pampamu ine itolua ite pulu itau e ite lana ite pulu ma ite keniye itopolou dagar lokono. Deka itodong dagar lokono.

Efesus 4:29

Umawai pelengon ka soulu kovok e umawai pelengon ka itau vala. Kesua pelengon ka itau ma lua osep ke urok mosongon e ma due aitno lisak itau e tile omur itau. Deka ma lumu pelengon lua osep ka tiklingen ine.

Efesus 5:21

Umu kenmu kenmu ume-didi aitno lumu ke lumu elio bitna bitna kovok. Aurou. Umodue anit ke Yesus ila osep keniye e umodue elio ka itau vala ma isak keniye aitno lisak itau ine. Umodue elio langane kesua umodue anit ke Krais.

Filipai 2:1

Krais due aitno lumu tidong dagar e iye lana iye ke umu i? Umodong kene pulu kap Ano Itau i? Aitno lumu itau ke osep leklou e aitno lumu due isak e aitno lumu kro ke osep ka wan polou ka opru isak i?

Kolosi 1:10

Ma umelila ke elio ka Ida Puda waiki umedidie ma aitno itau lokono ke lumu elio. E ma umodue bokongon itau e ma umeile omur ke Ida Tapolngon. Deka aling aling ma lumu ilengen res polou omba.

1 Tesalonaika 5:11

E umawai pelengon itau pulu ka due aitno lumu dong dagar e umolua pulu ine. Eriar langka eknikane umodue.

1 Timoti 1:4

Ma tisongon elio ka tibasik ke osep ngongle urok pelengon bitna bitna. E tisongon elio ka tibasik ke urok seia angainsak. Pelengon langane ma pagolgol osep aitno lisak vala e due isak ma tituk orsak pulu ine. Ma elio tonari karanga lua isak ma aitno lisak dagar ke Ida Tapolngon e ma tile iye kovok.

Hibru 4:9

E iteile omur langane. Ida Tapolngon ila osep ma timtong eriar langka iye mtong ke oklou lumorwo ina alo ka iye tapol wan ka pula keniye yagos.

Pas ka Jut sogoe 1:20

Sipmi. Aitno lumu la dagar ke Ida Tapolngon kodong e ngawaiki aitno lumu ila dagar res polou dagar lokono. E Ano Itau dong ke aitno lumu e ngawaiki umawai itau ke Ida Tapolngon ke Ano Itau ila arit.