Aposel 9:22 - Aria New Testament

²² E Sol ila arit res polou omba lokono. Iye wai dagar lokono Yesus iye gute ka Ida Tapolngon rere Krais ka lua osep ke urok elio epmes ina. Osep Yuda ina ka tidong ke Damaskus tiklingen ila pelengon e aitno lisak kaka ine. E tikaranga timole ila pelengon kovok.

Aposel 9:22 ပူးပေါင်းရင်းမြစ်များ

Luk 21:15

Kesua ma ngakar lumu pelengon e lumu ilengen ke umu e ma upu oul tikaranga tiplie koke tipara pulu ine kovok.

Aposel 17:3

Iye ritim Ida Tapolngon ila pelengon ka wai ke Yesus ina metengen e ila baulukngon deka iye kere pelengon tonari lana ine langane. “Oglou kodong Ida Tapolngon rere gute Krais ka ma iye lua osep ke urok elio epmes ina ma iye namani elio soulu e mete deka poga tito ke ina denga. Umoklingen. Gute ka Ida Tapolngon rere Krais iye gute Yesus ka eknikane nganapapra iye ke umu.”

Aposel 18:5

Mase Sailas orwo Timoti tisongon provins Masedonia e time tipolou ke Korin. E ari Pol due elio kene vala. Iye napapra ke osep Yuda ina langane. “Yesus gute ka Ida Tapolngon rere Krais ka lua osep ke urok elio epmes ina.”

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

Aposel 9:21

Ari osep ka tiklingen ila pelengon tidigrik ine e tiwai langane. “Oglou gute ane due agegeng ke osep ka tisir Inarak Puda Yesus ka tidong ke Jerusalem. Deka oku ane iye me ke armok ane ma iye pou osep ka aitno lisak dagar ke Yesus deka paur isak ke osep loulou ina ka omba.”

Aposel 9:23

Sol dong ke Damaskus oklou pula deka osep Yuda ina tilalo pelengon ma tiwaiki tidue burwa ke iye.

Aposel 9:27

Deka gute Barnabas due Sol e isak orwo kla ke osep aposel amtarsak deka Barnabas palongo urok langane. “Oglou alo ka Sol didi ekreng iye vati Ida Puda. Iye vati e klingen pelengon ka iye kare ke iye. Mase iye dong ke Damaskus e napapra osep ke Yesus e ulou tarna kovok.”

1 Korin 1:27

Osep pula aitno lisak soulu ke osep ka Ida Tapolngon rere isak ila osep. Ida Tapolngon rere ila osep tonari ma timole osep ka aitno lisak mter tile omur ke ilengen ka taklak ina. Deka ma isak mnak isak ke Ida Tapolngon ila osep. Iye rere ila osep ma timole osep ka tiwaiki urok arit dong ke isak. Kesua ma ila osep tidue osep pula isak kensak kensak isak mnak isak ine.

Galesia 1:18

Deka tobor eklu mela yagos e ngala ke Jerusalem ma ngawai kap Pita. E ngadong kap iye la lama iding ke oklou songotno elme.

Filipai 4:13

Krais lua ngong ke ila arit deka ngakaranga ngadong itau ke elio bitna bitna ka tipolou ke ngong.

1 Timoti 1:12

Ida Puda Krais Yesus kar arit ke ngong e aitno itau ke ngong e iye ile langka ma ngadue ila bokongon. Iye rere ngong ma ngadue bokongon tonari. Deka ngawai tenkyu ke iye.