Aposel 9:20 - Aria New Testament

²⁰ Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

Aposel 9:20 ပူးပေါင်းရင်းမြစ်များ

Matyu 27:43

Aitno dagar ke Ida Tapolngon e sir iye tona Ida Tapolngon Otno Arang. Langka Ida Tapolngon waiki lua iye ma iye lua iye oku ane.”

Matyu 27:54

E alo ka gute ka plau osep ola ina bunokene e osep ola ina leklou ka tidong tiplau Yesus kap iye tivati orgi e wan ka polou aitno lisak nesik omba e tiwai langane. “Lokono gute ane Ida Tapolngon Otno Arang.”

Matyu 4:3

E gute tonari ka waiki tok iye me wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 19:7

Deka osep Yuda ina tikoli tiwai langane. “Limem pelengon dagar dong ka wai gute ane ma mete. Kesua iye wai iye Ida Tapolngon Otno Arang.”

Jon 20:28

Deka Tomas koli wai ke iye langane. “Ngau Puda e Ngau Tapolngon.”

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Aposel 13:14

Tisongon Perga e isak kla tipolou ke armok Antiok ka dong ke omur Pisidia. Tipolou ke armok tonari kodong deka oklou sabat polou e isak kla ke osep Yuda ina urok duningen ina ninu gesa e tisepe e tidong ine.

Aposel 13:46

Deka Pol orwo Barnabas tilim ke isak kovok e tiwai dagar ke isak langane. “Mgongon imawai Ida Tapolngon ila pelengon ke umu ka osep Yuda ina. E umoklingen ine deka umopul dogur ine e umeplie. Deka eknikane imala ke osep ka isak osep Yuda ina kovok. Imodue langane kesua umepli Ida Tapolngon ila pelengon. Umawaiki Ida Tapolngon lua umu kovok e kar umu lumu mosongon ka dong vala dong kovok.

Aposel 13:5

Tipolou ine deka tilila la lama tipolou ke armok Salamis. Ari tisep ke osep Yuda ina urok duningen ina ninu deka tinapapra Ida Tapolngon ila pelengon. E Jon blang lua isak ke urok bokongon.

Aposel 14:1

Pol orwo Barnabas tidong ke Aikoniam e tisep ke osep Yuda ina urok duningen ina ninu e tiwai pula kap osep ka tidong ine. Deka urok pelengon mter osep tonari aitno lisak. E osep Yuda ina pula e osep pula ka tiwai pelengon Grik aitno lisak la dagar ke urok pelengon.

Aposel 16:13

Imodong ari e oklou sabat polou deka imopolou ke armok ina ari ina ekreng bitna e imala imoduru ke aki gesa ka dong olwo boto ke armok. Imala ari kesua aitno limi mter ma osep Yuda ina tiduni pulu ari ma tiwai itau ke Ida Tapolngon. Imopolou ke omur tonari deka imodong ine e ari imawai kap apmang leklou ka time tiduni pulu ine kodong.

Aposel 17:10

Epmes polou deka lokono osep ka Pol orwo Sailas sisrok tipagei isak kla ke armok Beria. Tipolou ine kodong deka isak kla ke osep Yuda ina urok duningen ina ninu e tisepe.

Aposel 17:17

E Pol la sep ke osep Yuda ina urok duningen ina ninu deka iye gosok osep Yuda ina e osep Grik ina ka tidue anit ke Ida Tapolngon tiwai pulu ke Ida Tapolngon ila pelengon. Ari ke oklou pula iye la polou ke omur ka osep tiduni pulu ine e iye gosok osep ka tidong ine tiwai pulu ke Ida Tapolngon ila pelengon.

Aposel 17:2

Ari Pol didi ila elio ka iye napapra ke osep Yuda ina mgo e la sep ke urok duningen ina ninu. Iye sep ke duningen ina ninu ke sabat eklu e ke sabat kene kene iye ritim Ida Tapolngon ila pelengon e osep tiklingen ke iye. Deka ari iye gosok osep timter pelengon tonari pulu.

Aposel 18:19

Ari tisongon Senkria deka isak kla tipolou ke armok Efesus. Deka Pol songon isak e iye la sep ke osep Yuda ina urok duningen ina ninu ka dong ke armok tonari. E iye wai pula kap osep Yuda ina ka tidong ke duningen ina ninu tonari.

Aposel 18:4

Ari sabat kene kene Pol la sep ke osep Yuda ina urok duningen ina ninu e wai kap osep. Iye wai pula ke Ida Tapolngon ila pelengon kesua iye waiki osep Yuda ina e osep Grik ina ka tiklingen ila pelengon aitno lisak la dagar ine.

Aposel 19:8

Ari Pol la sep ke osep Yuda ina urok duningen ina ninu e napapra ke isak dagar ke Ida Tapolngon ila pelengon e ulou tarna kovok. Iye due elio langane iding ke taiko eklu. Ari iye waiki sruk aitno lisak ke elio ka Ida Tapolngon plau osep.

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Aposel 9:22

E Sol ila arit res polou omba lokono. Iye wai dagar lokono Yesus iye gute ka Ida Tapolngon rere Krais ka lua osep ke urok elio epmes ina. Osep Yuda ina ka tidong ke Damaskus tiklingen ila pelengon e aitno lisak kaka ine. E tikaranga timole ila pelengon kovok.

Pas ka Pol sogoe uti la ke osep Rom ina 1:4

Mase iye me dong kap itosep. Alo ka iye dong kap ite Ano Itau dong ke aitno. Iye dong la lama iye mete deka osep tiyas iye ke ina denga e iye munu ine. Mase Ida Tapolngon didi ila arit e due poga tito e dong blang. Ila baulukngon nis itosep Ida Puda Yesus Krais iye tona Ida Tapolngon Otno Arang lokono.

Galesia 1:16

Deka iye didi aitno e nis ngong ke Otno Arang ma ngadue ila bokongon ka nganapapra ila omon itau ke osep ka isak osep Yuda ina kovok. E alo ka Ida Tapolngon rere ngong io ngala ngapmi gute gesa ine kovok.

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Pelengon kukwopngon 2:18

Deka gute wai blang lang-ane. “Omsogo pelengon ane ke ensel ka dong ke sios ke Taiataira. Pelengon tonari langane. Gute ka Ida Tapolngon Otno Arang e ka bitna bublo langka eiou bublo e kamla bublo langka bras ka osep tisabure wai langane.