Aposel 8:40 - Aria New Testament

⁴⁰ E suong lokono Filip polou ke armok Asdot. Ari iye lila napapra Yesus ila omon itau ke armok keniye la lama mase iye polou ke armok Sisaria.

Aposel 8:40 ပူးပေါင်းရင်းမြစ်များ

Aposel 10:1

Ari gute gesa dong ke armok Sisaria ka angaine Kornilius. Iye plau osep ola ina buno kene ka tisir isak osep ola ina ka omur Itali ina.

Aposel 10:24

Osep keniye kla e tididi ekreng la lama epmes deka timunu kudung ke ekreng. Timunu kudung ke ekreng la lama kotkotu lokono deka tinogrum kla deka tipolou ke Sisaria e tisepe. Ari Kornilius gi sisrok ma tigosok ila osua time tiduni pulu ke ila ninu kodong. Tidong ine kesua tipara ke Pita gosok sisrok.

Aposel 11:11

Deka lokono osep arang eklu tipolou ke ninu ka imodong ine. Gute gesa ka dong ke armok Sisaria pagei isak time ke ngong.

Aposel 12:19

Herot waiki Pita polou ke bitna deka pagei osep ola ina leklou ma tipado Pita. Deka isak kla e tikrim ke iye e tipado iye kovok. Deka Herot pmi osep ola ina ka tiplau Pita langane. “Ina lange Pita dong ke kalabus kovok?” Osep ola ina tonari tikaranga tikoli ila pelengon kovok. Deka Herot wai ke osep ola ina leklou blang langane. “Umomluk osep ola ina ane ka tiplau Pita ma timete.” E Herot songon omur Judia deka la duru ke Sisaria e dong are.

Aposel 18:22

Mase sip tonari polou ke armok Sisaria e dong. E Pol songon sip e iye tito la ke Jerusalem e polou ke Ida Tapolngon ila osep e wai “oklou itau” ke isak. Mase iye songon Jerusalem e la duru polou ke Antiok.

Aposel 21:16

Ari Yesus ila disaipel leklou ka urok armok batne Sisaria isak kla kap imi e tipaur imi ke gute Nason ila ninu ma imodong kap iye. Gute tonari iye gute Saiprus ina ka tauni kodong iye Yesus ila disaipel.

Aposel 21:8

Oklou silang imosongon isak e imala imopolou ke Sisaria deka imala imopolou ke gute Filip ila ninu e imodong kap iye oklou leklou. Iye gute ka napapra omon itau ke osep. Oglou ke Jerusalem osep tirere iye gosok osep lumakene leklou ma tiplau ngangon ina tongongon.

Aposel 23:23

Deka gute plaungan ina ka mgo gi osep orwo ka isak kensak tiplau osep ola ina buno kene e palongo urok langane. “Umodue osep ola ina buno orwo e osep iselme isorwo ka titito kla kap hos e osep buno orwo blang ka tikalke ola. E umekere lumu wan deka ke epmes langka 9 kilok ma umala umoduru ke Sisaria.

Aposel 23:33

Osep ka tidong ke hos kla la lama tipolou ke Sisaria. E tipaur Pol polou ke gute Feliks e tikar pas ka tikalke ke iye.

Aposel 25:1

Deka Festus me polou e dong ke omur are. Iye dong ke Sisaria oklou eklu deka iye tito la ke Jerusalem.

Aposel 25:13

Mase oklou leklou mela yagos deka gute Agripa ka vri mgo ke omur gesa orwo lutno Bernaisi time tipolou ke Sisaria ma tivati Festus e tikar iye pelengon itau.

Aposel 25:4

Festus klingen urok pelengon deka koli wai ke isak langane. “Pol dau dong ke kalabus ke Sisaria. Tauni kovok ma ngaduru ngala ari.

Aposel 25:6

Festus dau dong ke Jerusalem langka oklou lumeklu koke oklou songotno deka iye songon armok e la duru ke Sisaria. E oklou silang iye la dong ke ila kova ka iye wade osep urok elio ine e wai ke osep langane. “Umodue Pol ma iye me polou ke omtongu.”

Aposel 8:25

Pita orwo Jon tinapapra Ida Puda ila pelengon ke osep Samaria ina yagos deka tisongon omur Samaria e tibauluk ke Jerusalem. Alo ka isak dau tididi ekreng ke omur Samaria tinapapra Yesus ila omon itau ke armok pula.

Aposel 9:30

Sol sisrok tile osep tonari aitno lisak deka tipaur Sol duru la ke armok Sisaria deka tipagei iye la ke armok Tarsus.

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.