Aposel 8:35 - Aria New Testament

³⁵ Iye wai langane deka Filip nogrum ke pelengon tonari mgo deka palongo ila ke Yesus ila omon itau.

Aposel 8:35 ပူးပေါင်းရင်းမြစ်များ

Matyu 5:2

E iye nogrum parere isak langane.

Luk 24:27

Deka iye nogrum ke Moses ila sogongon e osep napaprangan ina keniye urok sogongon e iye parere isak ke Ida Tapolngon ila pelengon keniye ka la ke iye.

Aposel 10:34

Pita klingen Kornilius ila pelengon deka wai langane. “Eknik-ane ngaile omur Ida Tapolngon aitno la ke osep ka pula keniye. Iye pul dogur ke osep leklou kovok.

Aposel 11:20

E osep leklou ka osep Saiprus ina e osep Sairini ina isak kla ke Antiok deka ari tinapapra Yesus ila omon itau ke osep Grik ina.

Aposel 17:18

Ari osep Epikurian ina leklou e osep Stoik ina leklou ka urok ilengen omba timter pulu pelengon kap Pol. E isak leklou tiwai pulu langane. “Gute ane ka wai ulik ulik iye wai lange?” Deka osep leklou blang tiwai langane. “Gute ane iye wai ke tapolngon ka osep leklou inarak tapolngon e iteile ine kovok.” Tiwai langane kesua Pol napapra ke Yesus e elio ka iye mole metengen e poga tito ke ina denga.

Aposel 18:28

E iye wai dagar ke osep Yuda ina pula amtarsak e ila pelengon mole urok pelengon. Ari iye kis Ida Tapolngon ila pelengon e didie. E iye kere pelengon tonari lana ine e wai langane. “Yesus iye tona gute ka Ida Tapolngon rere Krais ka lua osep ke urok elio epmes ina.”

Aposel 19:13

Alo ari osep Yuda ina leklou tisapir angelo soulu ke osep. E osep tonari tilila e tiwai Yesus angaine ke osep ka angelo soulu due isak kesua tiwaiki tisapir angelo soulu ine. Tiwai ke angelo soulu langane. “Yesus ka Pol napapra ine sapir umu e umopolou umala.”

Aposel 28:23

E tirere oklou gesa ma tiduni pulu kap Pol ma tiklingen ila pelengon. E ke oklou tonari osep pula time tiduni pulu ke ninu ka Pol dong ine. E ke kotkotu la iding ke epmes Pol parere isak. Iye palongo urok ke alo ka Ida Tapolngon ma plau omur ka pula keniye. Iye parere isak ke Moses ila sogongon e osep napaprangan ina urok sogongon ka la ke Yesus. E iye kere sogongon tonari ma tile omur ke lana ine.

Aposel 3:20

Deka ma elio itau lokono polou ke umu batne ke Ida Puda. E mase ma iye pagei gute Yesus ka oglou iye rere Upu Krais iye polou ke umu.

Aposel 5:42

Alo ari oklou aling aling tinapapra ke Yesus ka Ida Tapolngon rere Krais ka iye lua osep ila omon itau. Tiparere osep ka tidong ke omur ka lelei Ida Tapolngon ila ninu e osep ka tidong ke urok ninu ninu blang.

Aposel 8:34

Gute plaungan ina ritim pelengon ane yagos deka pmi Filip ine langane. “Pelengon ane lana ine la ke sei? Lana ine la ke gute napaprangan ina ka sogoe koke la ke gute silang?”

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

1 Korin 1:23

E imanapapra pelengon kene ka la ke Krais ina metengen ke ina akai. Deka pelengon ka imanapapra ine due osep Yuda ina aitno lisak soulu e due osep Grik ina ma tiwai pelengon tonari pelengon adai vala.

1 Korin 2:2

Aitno lungong langane. Alo ka ngadong kap umu aitno lungong mter ke wan silang blang kovok. Aurou. Aitno lungong la dagar ke Yesus Krais e elio ka iye mana ke ina akai e mete ine.

2 Korin 6:11

Umu osep Korin ina. Ima-waiki imawai malak ke umu. E imi lana imi omba lokono ke umu.

Efesus 4:21

Osep ka tiparere umu ke Yesus ila elio tiwai ke umu ke pelengon lokono. Deka umoklingen ine e umedidie.