Aposel 8:26 - Aria New Testament

²⁶ Filip dau dong ke Samaria e Ida Tapolngon ila ensel palongo ila langane. “Emtito omsongon armok ane e amla ke omur saut e emdidi ekreng ka duru ke Jerusalem e la ke armok Gasa.” Ekreng ka ensel palongo Filip ine munu ke omur ka dong adai vala.

Aposel 8:26 ပူးပေါင်းရင်းမြစ်များ

Aposel 10:22

Deka tipalongo Pita ila langane. “Gute Kornilius pagei imi ke wom. Iye gute ka plau osep ola ina buno kene. Ila elio isuk isuk itau e iye due anit ke Ida Tapolngon. Osep Yuda ina ka pula keniye tidue anit ke iye. Ida Tapolngon ila ensel ka itau lokono polou ke Kornilius deka iye wai langane. ‘Ampagei osep leklou ma isak kla tipolou ke gute Pita e tiwai ke Pita ma iye gosok isak tibauluk ke lem ninu ane. Deka emklingen pelengon ka Pita ma kare ke wom.’”

Aposel 10:7

Ensel wai ke Kornilius yagos deka iye songon iye la. Deka Kornilius gi osep arang orwo ka ila osep bokongon ina e gute ola ina kene ka aitno la ke Ida Tapolngon ke osep ola ina ka aling aling tididi iye deka time ke iye.

Aposel 12:23

Tiwai langane deka lokono Ida Puda ila ensel mke Herot deka mimei tinapak ke aitno e tingen iye deka iye mete. Ensel tonari mke Herot kesua aitno kene ke osep pula ka tikakai iye eriar langka iye Ida Tapolngon e iye kakai Ida Tapolngon angaine kovok.

Aposel 27:23

Ngawai langane kesua ke epmes Ngau Tapolngon ka iye ngau gute e ka ngalotuim iye pagei ila ensel gesa polou ke ngong e vri ke galna lungong.

Aposel 5:19

Tidong ine la lama epmes deka Ida Puda pagei ila ensel gesa polou ke isak. E ensel polou ke kalabus e klok kalabus ina ekreng bitna e paur isak tipolou ke dogur. Tipolou ke dogur kodong deka ensel wai ke isak langane.

Aposel 8:29

Deka Ano Itau wai ke Filip langane. “Amla ompolou ke karis e amla kape.”

Aposel 8:5

Alo ari Filip songon Jerusalem deka la duru ke armok kene ina ke omur Samaria. Iye polou ine e napapra Yesus ka Krais ina basikngen ke osep ari.

Hibru 1:14

E langane. Ida Tapolngon ila ensel isak ansak ka tidue ila bokongon. Iye pagei isak ma tilua osep ka Ida Tapolngon waiki lua isak ke urok elio epmes ina.