Aposel 8:20 - Aria New Testament

²⁰ Iye wai langane deka Pita koli wai langane. “Ai aitno lugom lange ma amwaiki lem mani kli wan ka Ida Tapolngon soro ine ke ite? Ma agegeng due wom kap lem mani deka ma wom yagos.

Aposel 8:20 ပူးပေါင်းရင်းမြစ်များ

Matyu 10:8

Umodue osep ka tipaia tipolou itau blang e umodue osep ka timete kodong tipoga titito blang e umodue osep ka paiangan lepra due isak tidong itau blang e umasapir angelo soulu ke osep. Oku ane umodue arit ke ngong adai e umekli ngong ine kovok e ma umakar wan bitna bitna ke osep adai e tikli umu ine kovok blang.

Matyu 15:19

Kesua elio ka tipolou ke gute aitno langane. Iye serim e pagam osep e due okwa e isu kap apmang e panako wan e yakyak e wai soulu ke osep.

Aposel 1:18

Mase iye waiki lai Yesus ina deka osep loulou ina tikli iye ine. Deka iye due ila mani ka ila elio soulu ina klingen deka kli taklak gesa ine. Iye klie deka mase gene duru ine deka pele nabak e mogolu ine polou.

Aposel 10:45

Osep Yuda ina ka aitno lisak dagar ke Yesus ka time kap Pita tivati Ano Itau sep ke osep tonari aitno lisak deka tidigrik ine e tiwai langane. “Ida Tapolngon kar Ano Itau ke osep ane ka isak osep Yuda ina kovok blang.”

Aposel 11:17

Deka ngavati Ida Tapolngon kar Ano Itau ke osep tonari eriar langka oglou iye kar iye ke ite ka aitno lite la dagar ke Ida Puda Yesus Krais. Ari aitno lungong langka ngong sei ma ngadangdang Ida Tapolngon ine?”

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 8:19

E iye wai ke isak langane. “Umodue mani ane deka ma umakar arit ke ngong ma osep seisei ka lungu duru kai isak ma Ano Itau sep ke aitno lisak.”

Aposel 8:22

Eknikane ambauluk aitno lugom ke lem elio soulu ane. Empmi Ida Tapolngon ma iye sak lem elio soulu lama elio ane vri ke wom e munu pes wom.

1 Timoti 6:9

E langka osep tiwaiki tidue mani pula vala deka tokngon ma polou ke isak e ma kis isak dagar langka omdu kis ongwa dagar. Deka langka aitno lisak la ke wan bitna bitna are ma due isak manga manga lokono. E elio ane ma due pogle ke isak e tidong sasi lokono.

Jems 5:3

Lumu mani ka gol e silva polou ros kodong. E alo ka Ida Tapolngon wade lumu elio deka ros tonari dong langka nisngen langane. Aitno lumu vri ke mani tonari vala. Deka umanamani lumu elio soulu tonari langka eiou ngen umu. Isuk boto wan ka pula keniye yagos e umu dau umogom lumu brokngon.

Pelengon kukwopngon 18:15

“Deka osep ka tidue burong ke wan bitna bitna tonari e tidue urok mani pula ke armok tonari tivri mawa ke iye kesua tiulou tarna lisak ke agegeng ka polou ine. Tidong mawa e tikngis omba ine.