Aposel 8:12 - Aria New Testament

¹² Mase Filip napapra pelengon itau ka la ke omur ka Ida Tapolngon ma plaue e Yesus Krais ila omon itau blang ke isak. Deka ari osep arang e apmang pula aitno lisak la dagar ine deka tidue elio paunimngen ina.

Aposel 8:12 ပူးပေါင်းရင်းမြစ်များ

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Luk 9:2

E iye pagei isak ke osep ma tinapapra pelengon ke omur ka Ida Tapolngon plaue e ma tidue osep ka tipaia tipolou itau blang.

Luk 9:60

E Yesus wai ke iye langane. “Omsongon osep ka isak langka timete tiyas osep ka timete kodong e amla amnapapra omon ka la ke omur Ida Tapolngon plaue.”

Aposel 1:3

Oglou osep epmes ina tidue agegeng ke iye e timluk iye ma iye mete. Timluk iye ma iye mete deka iye munu ke ina denga mase iye poga tito ke ina denga. Alo ka iye dau dong ke taklak iye polou ke ila aposel amtarsak deka tivati ila elio isuk isuk e tile omur iye mole metengen e iye dong blang. E iye parere isak ke alo ka mase Ida Tapolngon ma plau omur ka pula keniye. Iye dong ke taklak oklou isapanal.

Aposel 11:20

E osep leklou ka osep Saiprus ina e osep Sairini ina isak kla ke Antiok deka ari tinapapra Yesus ila omon itau ke osep Grik ina.

Aposel 18:8

Ari gute Krispus ka duningen ina ninu ina plaungan gosok osep keniye ka tidong ke ila ninu aitno lisak la dagar ke Ida Puda. E silang osep pula ka tidong ke Korin tiklingen Pol ila pelengon deka aitno lisak la dagar ke Yesus e osep tipaunim isak.

Aposel 19:5

Alo ari osep ari tiklingen Pol ila pelengon deka tidue elio paunimngen ina ke Ida Puda Yesus angaine.

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 2:41

Pita napapra ke isak yagos deka osep pula langka inarak sasa 3,000 aitno lisak la dagar ke ila pelengon. Deka tineklep ke osep ka oglou aitno lisak la dagar ke Yesus kodong. Deka osep aposel tipaunim isak.

Aposel 20:21

Nganapapra ke osep Yuda ina e ke osep ka isak osep Yuda ina kovok. Nganapapra langane. ‘Umabauluk aitno lumu ke lumu elio epmes ina deka aitno lumu la ke Ida Tapolngon e aitno lumu la dagar ke Ida Puda Yesus Krais.’

Aposel 20:25

“Oglou nganapapra ke umu ke alo ka Ida Tapolngon ma plau osep ka pula keniye. E eknikane ngaile ma umu keniye umavati ngong aling kene blang kovok.

Aposel 28:31

E iye wai ke isak pula ke elio ka Ida Tapolngon ma plau omur ka pula keniye. Silang blang iye parere osep ke Ida Puda Yesus Krais ina basikngen. Alo ari Pol wai ke osep vala e ulou tarna ine kovok. E gute gesa dong ka dangdang iye ine kovok.

Aposel 8:4

Ari osep ka aitno lisak dagar ke Yesus tidardar kla tilila ke omur pula batne ke agegeng tonari e tinapapra Ida Tapolngon ila pelengon ke osep.

Pas ka Pol sogoe uti la ke osep Rom ina 10:10

Kesua langka aitno lite la dagar ke Ida Luangan Yesus Ida Tapolngon ma due ite itopolou itau e osuk ke bitna. Deka itapalongo osep ke Ida Luangan Yesus e Ida Tapolngon lua ite ke udo elio epmes ina.

1 Korin 11:11

E ke Ida Puda ila osua apmang vala tidong kovok e arang blang vala tidong kovok. Aurou. Apmang dong ma iye lua ila boget e gute arang dong ma iye lua ila asap.

Galesia 3:28

Ke Krais ila osua osep tidong langka osep Yuda ina e osep Grik ina kovok. E osep tidong langka wokboi nating e osep ka tidong fri kovok. E osep tidong langka osep arang e apmang kovok. Aurou. Ke Krais Yesus umu ka pula keniye umodong langka osua kene vala.

1 Pita 3:21

Aki tonari nisngen ke aki ke elio paunimngen ina. E elio paunimngen ina nisngen ke elio ka Ida Tapolngon lua umu ke lumu elio epmes ina. E aki ke elio paunimngen ina langka ris tarna lumu kovok. Aurou. Ane langka pelengon ka umawai ke Ida Tapolngon ma umedidi iye ma umodong itau ke bitna. Ida Tapolngon due Yesus Krais poga tito ke ina denga e ke batne langane umodong itau ke bitna.