Aposel 7:58 - Aria New Testament

⁵⁸ E tisodung iye e tisapir iye la ke armok dogur deka tidue opmu e timluk iye ine ma iye mete. Osep ka tisin elio vri ke iye tiklok urok molo deka molo dong olwo boto ke gute auram ka angaine Sol.

Aposel 7:58 ပူးပေါင်းရင်းမြစ်များ

Luk 4:29

Deka titito e tisik iye ke armok e tipaur iye ke perper ka tiuri armok ine. E tiwaiki tiuri iye gene duru ke gigri.

Aposel 22:20

Oglou alo ka osep tidue burwa ke Stiven ka palongo osep ke wom ngavri olwo boto e ngavati elio are. E ari aitno lungong kene ke ina metengen deka ngaplau osep ka tidue burwa ine urok molo.’

Aposel 22:23

Alo ka tidaiku langane osep tonari titrum urok molo e limsak due taklak ina group e urie la egim.

Aposel 22:4

Mase ngadue agegeng ke osep ka tididi elio oku ina e osep leklou timete ine. Ngakis osep arang e apmang dagar e ngapaur isak tisep ke kalabus.

Aposel 26:10

Ari ngadue elio langane ke Jerusalem e ngala ngapolou ke osep loulou ina ka omba e tikar urok pelengon ke ngong e ari ngala ngadue Ida Tapolngon ila osep ma ngapaur isak tisep ke kalabus e tidong ine. Silang blang alo ka osep tidue burwa ke isak aitno lungong kene ke elio are.

Aposel 6:11

Deka osep tonari tibisi urok elio e tisruk osep leklou aitno lisak ma tiwaiki tisin elio vri ke Stiven. Tiwai langane. “Imeklingen gute ane wai soulu lokono ke Moses e ke Ida Tapolngon.”

Aposel 6:13

Deka tidue osep leklou ka isak osep yakngan ina e tiyakyak e tisin elio vri ke Stiven. Tiwai langane. “Oklou aling aling gute ane wai soulu ke Ida Tapolngon ila ninu e ke Moses ila sogongon blang.

Aposel 7:57

Iye wai langane deka osep tonari tidaiku omba e limsak kading talsak. Deka isak keniye tisuong tipolou ke iye e tikis iye dagar lokono.

Aposel 8:1

Sol vati osep tidue burwa ke Stiven e aitno kene ine. Deka ke oklou tonari osep tidue agegeng pula polou ke Ida Tapolngon ila osep ka tidong ke Jerusalem. Deka isak keniye tidardar kla ke armok armok ka tidong ke omur Judia e omur Samaria. Isak keniye tisongon armok kla e osep aposel vala dau tidong ke Jerusalem.