Aposel 7:51 - Aria New Testament

⁵¹ Stiven dau wai ke osep Yuda ina langane. “Talapmu klingen pelengon tonari kovok. Aurou. Aitno lumu dagar lokono ke umu tona vala. Lumu elio soulu eriar langka lumu seia urok elio soulu kesua talapmu klingen Ano Itau ila pelengon kovok.

Aposel 7:51 ပူးပေါင်းရင်းမြစ်များ

Aposel 6:10

Osep tonari tipara pulu pelengon kap Stiven e tikaranga timole kovok. Stiven ila pelengon mole urok pelengon kesua Ano Itau due aitno deka iye ile omur itau.

Aposel 7:27

Deka gute ka due agegeng ke ila aten sodung Moses la deka wai langane. ‘Sei rere wom ma ommgo ke imi e amwade imi?

Aposel 7:35

“Moses ka Ida Tapolngon wai ke iye io iye gute ka oglou ari osep Israel ina tipli iye e tiwai ke iye langane. ‘Sei rere wom ommgo ke imi e amwade imi?’ Moses iye gute ka Ida Tapolngon pagei ke osep Israel ina ma iye plau isak e lua isak. Ari ensel gesa polou ke iye ke akai daudeng ka marak dong ine e palongo ila ke ila bokongon.

Aposel 7:39

“E udo seia talsak klingen Moses ila pelengon kovok. Aurou. Tingelek ila pelengon e silang tingale omur Isip e aitno lisak mter tiwaiki tibauluk tidong ine blang.

Aposel 7:9

“Mase udo seia aitno lisak rim ke inarak aiver Josep e tidue burong ke iye. Deka osep leklou tikli iye e tipaur iye la duru ke omur Isip deka osep Isip ina tikli iye blang. Lama iye dong ke omur Isip Ida Tapolngon dau dong kap iye.

Pas ka Pol sogoe uti la ke osep Rom ina 2:25

Oglou Ida Tapolngon kar umu nisngen ka elio ulangngan ina. Langka umedidi Moses ila sogo-ngon itau ma lumu elio ulangngan ina nis osep umu Ida Tapolngon ila osep. E langka umadar Moses ila sogongon vala ma lumu elio ka ulangngan ina lua umu kovok. E ma umodong langka osep ka tididi elio ulangngan ina kovok.

Efesus 4:30

Umodue elio soulu ka due Ida Tapolngon Ano Itau kro ine kovok. Kesua Ida Tapolngon due Ano Itau sep ke aitno lumu deka iye rere umu ila osep umu. E Ano Itau ka dong ke aitno lumu iye nisngen umu Yesus ila osep. Deka mase ma Ida Tapolngon due umu ka Ano Itau dong ke aitno lumu ma lumu elio epmes ina munu pes umu kovok e umodong kap iye.

Filipai 3:3

Ite vala Ida Tapolngon titno lokono e itolotuim Ida Tapolngon batne ke Ano Itau ka iye kar iye ke ite. Aitno lite neser kesua iteneklep ke Krais Yesus. E aitno lite mter ke elio bitna bitna ka itakaranga itodue kovok. Aurou.

Kolosi 2:11

Umeneklep ke iye deka umodue elio ulangngan ina. E elio ulangngan ina tonari langka elio ka osep tidue ke pampamu lumu kovok. Aurou. Krais ulang umu langka iye klok lumu elio epmes ina deka elio epmes ina plau umu blang kovok.