Aposel 7:38 - Aria New Testament

³⁸ Alo ari Moses gosok osep Israel ina tidong pulu ke omur ka dong adai vala. Iye dong ine kap udo seia. Ari iye tito la ke gigri Sainai deka ensel gesa wai Ida Tapolngon ila pelengon ka dong aling aling ke iye ka lua ite. Moses duru ke gigri tonari deka kare ke osep deka pelengon tonari dong kap ite.”

Aposel 7:38 ပူးပေါင်းရင်းမြစ်များ

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Jon 6:63

Ano Itau kar mosongon oku ke osep e pampamu lite karanga lua ite ke mosongon oku kovok. Lou pelengon ane ka ngawai ke umu due Ano Itau sep ke aitno lumu deka umodue mosongon ka dong vala dong.

Aposel 7:30

“Moses dong ke omur Mi-dian tobor isapanal. Deka oklou gesa iye dong ke omur ka dong adai vala ka dong olwo boto ke gigri Sainai. E Ida Tapolngon ila ensel gesa polou ke iye ke eiou ka neliplip ke akai tetna gesa e dau ngene kovok.

Aposel 7:35

“Moses ka Ida Tapolngon wai ke iye io iye gute ka oglou ari osep Israel ina tipli iye e tiwai ke iye langane. ‘Sei rere wom ommgo ke imi e amwade imi?’ Moses iye gute ka Ida Tapolngon pagei ke osep Israel ina ma iye plau isak e lua isak. Ari ensel gesa polou ke iye ke akai daudeng ka marak dong ine e palongo ila ke ila bokongon.

Aposel 7:53

Oglou Ida Tapolngon pagei ila ensel ke udo seia deka tikar ite Ida Tapolngon ila pelengon dagar. E umedidie kovok.”

Pas ka Pol sogoe uti la ke osep Rom ina 3:2

Umoklingen. Osep Yuda ina urok elio leklou mole osep ka pula keniye urok elio leklou. Elio kene ina langane. Oglou ari Ida Tapolngon kar ila pelengon ke osep Yuda ina ma tiplaue itau.

Pas ka Pol sogoe uti la ke osep Rom ina 9:4

Ida Tapolngon rere osep Israel ina ila osep e tivati ila bublongon ka bublo omba. Iye wai promis dagar ke isak e ma iye tona didie. Iye kar isak Moses ila sogongon. Iye kar isak sogongon tonari e iye waiki tididie e ma aitno lisak la ke iye.

Galesia 3:19

Ina lange Moses ila sogongon dong? Iye dong batne langane. Ida Tapolngon waiki elio epmes ina ina poloungon batne ma polou malak. Iye waiki elio tonari dong la lama iding ke Abraham ila napakngan ka Krais polou. Ida Tapolngon wai ila promis dagar ke iye. E Ida Tapolngon kar Moses ila sogongon ke ensel e tipalongo ine ke gute airavu ina deka gute airavu ina paure ke ite.

Hibru 2:2

Oglou Ida Tapolngon kar pelengon kene ka karanga segesege kovok ke ila ensel e ila ensel tikare ke Moses deka Moses sogoe ma osep Israel ina tididie. E langka tididie kovok deka Ida Tapolngon ules isak ine.

Hibru 4:12

Ida Tapolngon ila pelengon dong e ila arit dong ine blang. Ila pelengon dong langka elil omba ka ene orwo e ene lokono. E iye karanga wade gute aitno e ano. E karanga wade gute erine buno e erine aitno. E karanga wade elio ka itawaiki itodue e wan ka aitno lite mter ine.

Hibru 5:12

Umoklingen Ida Tapolngon ila pelengon ko-dong. E eknikane ngawaiki ma umakaranga umaparere osep leklou ke Ida Tapolngon ila pelengon. E aurou. Osep dau tiparere umu ke Ida Tapolngon ila pelengon ka mgongon ina vala. Ane langka umakaranga umangen ngangon dagar kovok. E langka umu dau umeinim sisu vala.

1 Pita 4:11

Langka gute due kerengen ma iye napapra ke osep deka iye napapra Ida Tapolngon ila pelengon vala. E langka gute due kerengen ma iye lua osep leklou ke bokongon bitna bitna deka ma iye didi Ida Tapolngon ila arit ine. Umodue langane ma wan ka pula keniye ka umodue kakai Ida Tapolngon angaine tito la egim batne Yesus Krais dong. Krais angaine omba lokono e ila arit dong vala dong. Lokono.