Aposel 7:35 - Aria New Testament

³⁵ “Moses ka Ida Tapolngon wai ke iye io iye gute ka oglou ari osep Israel ina tipli iye e tiwai ke iye langane. ‘Sei rere wom ommgo ke imi e amwade imi?’ Moses iye gute ka Ida Tapolngon pagei ke osep Israel ina ma iye plau isak e lua isak. Ari ensel gesa polou ke iye ke akai daudeng ka marak dong ine e palongo ila ke ila bokongon.

Aposel 7:35 ပူးပေါင်းရင်းမြစ်များ

Mak 12:26

E ke elio ka osep ka timete kodong tipoga titito ke inarak denga ma ngapmi umu ine langane. Umeritim pelengon ka oglou Moses sogo ine koke aurou? Oglou Moses sogo pelengon gesa ka la ke alo ka iye vati akai tetna gesa ka eiou neliplip ine. Iye sogo alo ari Ida Tapolngon wai ke iye langane. ‘Ngong Upu Tapolngon ka Abraham e Aisak e Jekop tilotuim ngong.’

Luk 19:14

E osep ka tidong ke ila omur aitno lisak soulu e amnga ke iye e tipagei osep leklou isak kla batne ke iye ma tiwai langane. ‘Imawaiki gute are vri mgo ke imi kovok.’

Jon 18:40

Deka tidaiku langane. “Aurou. Omsongon gute are kovok. Imawaiki omsongon gute Barabas.” E gute Barabas iye gute panakongon ina.

Jon 19:15

E tidaiku langane. “Umapaur iye la. Ma iye la. Umenilim iye ke ina akai.” E Pailat wai ke isak langane. “Umawaiki nganilim gute ka vri mgo ke umu ke ina akai?” E osep loulou ina ka omba tikoli tiwai ke iye langane. “Sisar vala iye gute ka vri mgo ke imi.”

Aposel 2:36

Umu ka osep Israel ina umoklingen lou pelengon lokono ane. Oglou umodue agegeng ke Yesus e umomluk iye ma iye mete. E eknikane iye mete kovok. Aurou. Eknikane iye dong kap Ida Tapolngon ka kakai iye tito lokono e rere iye gute ka Krais ka lua osep ke urok elio epmes ina e ka Ida Puda lokono.”

Aposel 3:22

“Oglou ari Moses wai ke osep Yuda ina langane. ‘Oglou Ida Puda ka Ida Tapolngon rere ngong deka ngapolou ila gute napaprangan ina gesa. E eriar langka oglou iye rere ngong deka mase ma iye rere supmu kene. Deka alo ka iye polou ma umoklingen ila pelengon keniye.’

Aposel 5:31

Deka Ida Tapolngon kakai iye dong ke limla odung. Iye due Yesus mgo ke ite e due polou Ida Luangan ka karanga lua itosep Israel ina ma itabauluk aitno lite ke udo elio epmes ina e due udo elio epmes ina vri ke ite kovok.

Aposel 7:30

“Moses dong ke omur Mi-dian tobor isapanal. Deka oklou gesa iye dong ke omur ka dong adai vala ka dong olwo boto ke gigri Sainai. E Ida Tapolngon ila ensel gesa polou ke iye ke eiou ka neliplip ke akai tetna gesa e dau ngene kovok.

Aposel 7:51

Stiven dau wai ke osep Yuda ina langane. “Talapmu klingen pelengon tonari kovok. Aurou. Aitno lumu dagar lokono ke umu tona vala. Lumu elio soulu eriar langka lumu seia urok elio soulu kesua talapmu klingen Ano Itau ila pelengon kovok.

Kolosi 1:15

Itakaranga itavati Ida Tapolngon kovok e dau Otno Arang iye eriar langka Ida Tapolngon. Iye Ida Tapolngon Otno Arang ka ina sirngen e iye mgo ke wan ka pula keniye ka Ida Tapolngon due polou.

Hibru 2:2

Oglou Ida Tapolngon kar pelengon kene ka karanga segesege kovok ke ila ensel e ila ensel tikare ke Moses deka Moses sogoe ma osep Israel ina tididie. E langka tididie kovok deka Ida Tapolngon ules isak ine.

Pelengon kukwopngon 15:3

E tidue Moses ka iye Ida Tapolngon ila gute bokongon ina ila sakul e tidue Sipsip Otno ila sakul blang. Sakul tonari langane. “Ipem Puda wom Ipem Tapolngon blang e lem arit ombatno lokono. Omdue elio isuk isuk ka itau lokono deka imedigrik ine. Aling aling amplau osep ka pula keniye e lem elio keniye itau e osuk lokono.