Aposel 7:25 - Aria New Testament

²⁵ Moses due elio langane kesua aitno mter sisrok tile omur Ida Tapolngon rere iye ma iye mgo ke isak deka ma timole osep Isip ina. E isak dau tile omur ine kovok.

Aposel 7:25 ပူးပေါင်းရင်းမြစ်များ

Mak 9:32

Yesus wai langane e ila disaipel tile omur ke ila pelengon lana ine kovok. E tipmi iye ine kovok kesua tiulou tarna lisak ke iye.

Luk 18:34

E ila disaipel tile malak ine kovok kesua Ida Tapolngon kukwop lana ine ke isak. E tile ila pelengon batne kovok.

Luk 9:45

E ila disaipel tile ila pelengon lana ine kovok kesua Ida Tapolngon bisi lana ine ke isak ma tikaranga tile lana ine kovok. E tilim ma tipmi iye ke ila pelengon lana ine.

Aposel 14:27

Tipolou ke Antiok kodong deka tiduni pulu kap Ida Tapolngon ila osep e tipalongo urok ke bokongon ka Ida Tapolngon lua isak ine. Tiwai langane. “Ida Tapolngon due elio itau ke osep ka isak osep Yuda ina kovok deka aitno lisak la dagar ke iye blang.”

Aposel 15:4

Pol orwo Barnabas tipolou ke Jerusalem deka Ida Tapolngon ila osep e osep aposel e osep ka tiplau Ida Tapolngon ila osep ke armok ari aitno lisak itau ke isak orwo e tikere isak itau. Deka tipalongo osep ke urok bokongon ka Ida Tapolngon lua isak ine.

Aposel 15:7

Ari timter pelengon pula pulu ine deka Pita vri ke amtarsak e wai ke isak langane. “Sipmi. Umeile omur oglou Ida Tapolngon rere ngong ke ite ma nganapapra ila omon itau mgo ke osep ka isak osep Yuda ina kovok. Kesua iye waiki osep tonari tiklingen ine ma aitno lisak la dagar ine.

Aposel 21:19

­Imopolou ke osep tonari e Pol wai “oklou itau” ke isak e palongo urok ke elio bitna bitna keniye ka iye due airavu ke osep ka isak osep Yuda ina kovok batne ke bokongon ka Ida Tapolngon kare ke iye.

Aposel 7:24

Deka iye la polou ke isak. E iye vati gute Isip ina due agegeng ke gute Israel ina. Deka aitno mter ma iye lua gute Israel ina e koli gute Isip ina ila elio deka Moses mke gute ma iye mete.

Aposel 7:26

Oklou silang Moses polou ke sisrok blang e vati sisrok orwo timke pulu. E iye waiki lua isak deka wai langane. ‘Osep. Ina lange umemke umu pulu kesua lumu osua kene?’

Pas ka Pol sogoe uti la ke osep Rom ina 15:18

E ma ngawai ke wan silang blang kovok. Aurou. Ma ngawai ke wan kene vala. Ngawai ke bokongon ka Krais lua ngong ine. Kesua lou bokongon e lou pelengon due osep ka isak osep Yuda ina kovok ma tini Ida Tapolngon ila pelengon.

1 Korin 15:10

E Ida Tapolngon makai ngong e due ngong ngapolou ila aposel gesa deka ngadong langane. Ida Tapolngon ila makaingan ka me ke ngong la adai vala kovok. Aurou. Ngaboko dagar lokono deka lou bokongon mole osep aposel leklou urok bokongon. E ngong tona ngadue bokongon tonari kovok. Aurou. Ida Tapolngon makai ngong e lua ngong deka ngaboko ke ila bokongon.

1 Korin 3:9

Imorwo Ida Tapolngon ila osep bokongon ina. E umu langka Ida Tapolngon ila yage. E umu blang langka Ida Tapolngon ila ninu.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Kolosi 1:29

Deka ke bokongon tonari ngaboko engil lokono ke Krais ila arit ka omba. Iye lua ngong ke ila arit deka ngaboko ine.