Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Aposel 6:9 - Aria New Testament

9 Ari osep leklou tipara pulu pelengon kap Stiven. Osep tonari isak osep ka tidong ke osep Yuda ina urok duningen ina ninu ka angaine osep Friman ina. Osep ane kap osep Sairini ina e osep Aleksandria ina e osep Silisia ina e osep Esia ina tipara pulu pelengon kap Stiven.

အခန်းကိုကြည့်ပါ။ ကော်ပီ




Aposel 6:9
27 ပူးပေါင်းရင်းမြစ်များ  

Umaplau umu itau kesua osep ma tidue umu umodong ke osep kaunsil ina amtarsak e ma tiules umu ke urok duningen ina ninu.


Ke batne langane ma ngapagei osep napaprangan ina e osep ka urok ilengen omba e osep ka tiparere umu ke Ida Tapolngon ila pelengon ke umu. E umodue burwa ke isak leklou e umenilim isak leklou ke inarak akai e umoules isak leklou ke lumu duningen ina ninu e umesik isak kla ke armok armok.


Alo ka osep ola ina dau tilila ke ekreng tipolou ke gute kene ka me ke omur Sairini ka angaine Saimon. E tipagei gute tonari ma iye kalke Yesus ina akai.


“Umaplau umu itau. Ma osep leklou tikar umu ke osep ka tikotim umu batne ke ngong. Ma osep leklou tiules umu ke lumu duningen ina ninu batne ke ngong. Ma osep tidue umu umopolou ke osep leklou ka tiplau omur emkil gesa e ke osep leklou ka tivri mgo ke omur gesa amtarsak ma tiklingen lumu pelengon batne ke ngong. Deka alo ka umevri ke osep tonari amtarsak ma umawai ke isak ke Ida Tapolngon ila omon itau.


E mgo ke elio tonari ma osep tikis umu e tidue agegeng ke umu. Ma tidue umu umala umesep ke duningen ina ninu e umesep ke kalabus. E ma tipaur umu umevri ke osep ka tivri mgo ke omur omur e ka tivri mgo ke omur emkil emkil amtarsak. E tidue langane kesua batne umedidi ngong.


E osep leklou ka osep Saiprus ina e osep Sairini ina isak kla ke Antiok deka ari tinapapra Yesus ila omon itau ke osep Grik ina.


Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.


­Deka osep Yuda ina tivati osep pula pula tiduni pulu e aitno lisak rim ine. E tipara pulu Pol ila pelengon e tiwai soulu ke iye.


Deka tikar isak apanal pas ma tikalke ka wai langane. “Imi ka osep aposel ina e Ida Tapolngon ila osep inarak plaungan ina imosogo pas ane uti ke umu ka osep Yuda ina kovok ka umodong ke Antiok e ke provins Siria e ke provins Silisia. Imawai oklou itau ke umu.


E Pol lila ke provins Siria e provins Silisia e ke omur orwo tonari iye kar pelengon ke Ida Tapolngon ila osep ka due aitno lisak tidong dagar lokono.


Pol gosok sisrok tilila ke omur Frigia e omur Galesia e ari tinapapra Ida Tapolngon ila pelengon ke provins Esia kovok. Kesua Ida Tapolngon Ano Itau dangdang isak ine.


Alo ari gute gesa ka angaine Apolos la polou ke Efesus. Iye gute Yuda ina gesa ka ila armok batne armok Aleksandria. Iye gute ka wai pelengon itau e ile omur ke Ida Tapolngon ila pelengon.


Pol due elio langane ke ninu tonari iding ke tobor orwo. E alo ari osep Yuda ina ka pula keniye e osep Grik ina ka pula keniye ka tidong ke provins Esia tiklingen Ida Puda ila pelengon.


E eknikane gute Pol wai pula ke udo bokongon langane. ‘Tapolngon ka osep tiboko ine isak tapolngon yakngan vala.’ E osep pula ka tidong ke Efesus e ka tidong ke provins Esia aitno lisak la dagar ke Pol ila pelengon kodong eriar langka umoklingen ine e umavati.


Pol gosok osep apanal tidong la lama oklou lumorwo ka tididi apu tonari olwo boto yagos. E ari osep Yuda ina leklou ka isak kaulei ke omur Esia tivati Pol ke Ida Tapolngon ila ninu. Deka tisruk osep pula aitno lisak e tikis Pol dagar.


Deka Pol koli wai ke iye langane. “Aurou. Ngong gute Yuda ina e lou armok batne armok Tarsus ka dong ke omur Silisia. Lou armok batne angaine omba. Eknikane ngawaiki ngawai ke osep ka tivri are.”


­Deka ngakoli ngawai langane. ‘Ngau Puda osep matamur tile omur ke elio ka oglou ngadue. Kesua oglou ngala ngasep ke limem duningen ina ninu pula e ngamluk osep pula ka aitno lisak dagar ke wom. E silang ngadue isak kla tisep ke kalabus.


“Ngong tona gute Yuda ina gesa e nina divir ngong ke Tarsus ka dong ke omur Silisia. Oglou alo ka ngong dau agau ngame ngadong ke armok ane. E alo ari gute Gamaliel parere ngong itau ke udo seia urok pelengon dagar. Iye due langane la lama aitno lungong polou dagar lokono ke Ida Tapolngon eriar langka eknikane umu blang aitno lumu dagar ke iye.


­Deka gute ka plau omur tonari ritim pas e pmi Pol langane. “Lem omur batne dong ge?” E Pol koli wai langane. “Lou omur batne omur Silisia.”


Deka alo ka ngadue langane osep Yuda ina tipolou ke ngong. E ngadong itau e eip ke Ida Tapolngon bitna kodong kesua ngadidi parangan ka limem apu yagos kodong. Ari alo ka ngadue langane osep pula tidong kap ngong kovok. Silang blang gute gesa vri kap ngong ka due ngus omba kovok.


Aling pula ngala ngapolou ke limem duningen ina ninu bitna bitna e ngatok osep ma tipul dogur ke Inarak Puda. Alo ari aitno lungong engil pula e ngala ke armok leklou blang ka mawa ma ngadue agegeng ke osep ka aitno lisak dagar ke Yesus.”


Osep tonari tipara pulu pelengon kap Stiven e tikaranga timole kovok. Stiven ila pelengon mole urok pelengon kesua Ano Itau due aitno deka iye ile omur itau.


­Deka ma osep ka urok ilengen ombatno tiusine? E osep ka tile omur ke Moses ila sogongon ma tiusine? E osep ka tididi ilengen ka taklak ina deka urok pelengon kalaila ma tiusine? Kesua Ida Tapolngon nis itosep ilengen ka taklak ina wan adai vala.


Mase ngala ngalila ke provins Siria e provins Silisia.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ