Aposel 6:4 - Aria New Testament

⁴ E ke oklou aling aling imi ma imoboko langka imawai itau ke Ida Tapolngon e imanapapra ila pelengon ke osep.”

Aposel 6:4 ပူးပေါင်းရင်းမြစ်များ

Luk 1:23

Alo ka ila osua urok boko-ngon ke Ida Tapolngon ila ninu yagos Sekaraia iding ke ila ninu.

Aposel 2:42

Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Pas ka Pol sogoe uti la ke osep Rom ina 1:9

Eknikane aitno lu-ngong la dagar ke Ida Tapolngon lokono deka ngaboko dagar lokono ma ngapaur ila omon itau ka la ke Otno Arang Yesus la ke osep pula. Ida Tapolngon ile omur oklou aling aling ngawai itau ke iye e ngapmi iye ma iye lua umu. E ngapmi iye ma iye didi aitno e lua ngong blang ma mase ngapolou ke umu.

1 Korin 9:16

Langka nganapapra Ida Puda ila omon itau ngakaranga ngakakai angain ngong ine kovok. Aurou. Ida Puda kar bokongon ane ke ngong ma ngaboko ine. Aisudo. Langka nganapapra omon itau kovok ma ngadong soulu va.

Filipai 1:4

E aling aling alo ka ngawai itau aitno lungong neser ke umu e ngawai itau ke umu.

Kolosi 2:1

Ngawaiki ma umeile langane. Ngaboko engil lokono ma ngalua umu kap osep ka tidong ke sios ke armok Laodisia e osep leklou blang ka tivati ngong dau kovok.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

Kolosi 4:17

E umawai ke gute Arkipus langane. “Wom ma ambabrum bokongon ka Ida Puda kare ke wom.”

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.