Aposel 6:1 - Aria New Testament

¹ Alo ari osep ka aitno lisak dagar ke Yesus tires tipolou pula. Osep Yuda ina leklou ka tiwai pelengon Grik tingurngur ke osep Yuda ina ka tiwai pelengon Hibru urok elio. Tiwai langane. “Aitno limi kro kesua oklou aling aling umolua osep ka inarak ngangon isuk boto e umolua limem apmang sasap batne langane kovok.”

Aposel 6:1 ပူးပေါင်းရင်းမြစ်များ

Matyu 23:13

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umediva ekreng bitna ke omur heven ke osep ka tiwaiki tisepe e dau umu tona umesepe kovok.

Aposel 11:20

E osep leklou ka osep Saiprus ina e osep Sairini ina isak kla ke Antiok deka ari tinapapra Yesus ila omon itau ke osep Grik ina.

Aposel 11:26

Iye polou ke Tarsus e pado Sol kodong deka isak orwo tibauluk ke Antiok deka tidong ine tobor kene. Ari tiduni pulu kap Ida Tapolngon ila osep e tiparere osep pula ke Ida Tapolngon ila pelengon. E ari ke Antiok elio polou mgo ka osep tisir osep ka aitno lisak dagar ke Yesus isak osep Kristen.

Aposel 11:29

Deka ari Yesus ila disaipel timter pelengon pulu ma tilua sisrok ka tidong ke omur Judia. Deka isak kensak kensak tilua osep tonari eriar langka tikaranga ine.

Aposel 2:41

Pita napapra ke isak yagos deka osep pula langka inarak sasa 3,000 aitno lisak la dagar ke ila pelengon. Deka tineklep ke osep ka oglou aitno lisak la dagar ke Yesus kodong. Deka osep aposel tipaunim isak.

Aposel 2:45

E osep leklou tidue burong ke urok wan leklou deka tidue urok wan tonari ina mani deka titongo ine e leklou la ke osep ka urok wan isuk boto vala.

Aposel 2:47

Deka oklou ka pula keniye tikakai Ida Tapolngon angaine tito la egim lokono. E osep leklou aitno lisak itau ke osep tonari. Alo ari osep leklou blang aitno lisak la dagar ke Yesus deka Ida Puda klok urok elio epmes ina. Deka osep ka iye lua isak tineklep ke osep ka oglou aitno lisak la dagar ke Yesus kodong.

Aposel 4:35

Deka osep aposel tidue mani tonari e titongo ine la ke osep ka urok wan isuk boto vala.

Aposel 4:4

E osep epmes ina pula tiklingen Pita orwo Jon urok pelengon deka aitno lisak la dagar ke Yesus. E ari osep ka aitno lisak dagar ke Yesus inarak sasa tires tipolou 5,000.

Aposel 5:28

“Oglou imadangdang umu ma umanapapra osep ke Yesus kovok e eknikane talapmu klingen limem pelengon kovok. Umanapapra pula ine deka osep Jerusalem ina pula tiklingen ine. Ina lange umodue elio langane? Umawaiki osep pula aitno lisak mter gute tonari ina metengen batne dong ke imi? Aitno lumu langane i?”

Aposel 6:2

Osep songotno orwo ka Yesus ila aposel tiklingen osep tingurngur deka tivai omon la ke osep ka pula keniye ka aitno lisak dagar ke Yesus tiwaiki time ma tiduni pulu. Deka isak keniye time e osep aposel tiwai ke isak langane. “Oklou aling aling limem bokongon imanapapra Ida Tapolngon ila pelengon ke osep. Langka imosongon limem bokongon ma imotongo ngangon ke osep elio langare itau kovok.

Aposel 6:7

Alo ari Ida Tapolngon ila pelengon pakes lila e osep pula ka tidong ke Jerusalem aitno lisak la dagar ke Yesus. Deka osep ka aitno lisak dagar ke Yesus tires tipolou pula. E silang osep loulou ina pula aitno lisak la dagar ke Yesus.

Aposel 9:29

Iye wai pula e kot pelengon pulu kap osep Yuda ina ka tiwai pelengon Grik. Deka aitno lisak engil ke iye e tiwaiki tidue burwa ke iye.

Aposel 9:39

Pita klingen urok pelengon deka iye tito e la kap isak. Tididi ekreng e tipolou ke Dorkas ila ninu deka tipaur Pita tito ke ninu ina eliang ka dong egim. Apmang ka sasap batne tivri olwo boto ke Pita e tikngis ke Dorkas deka tinis iye ke klos e molo ka oglou Dorkas due.

Aposel 9:41

Deka Pita kis limla e lua iye tito vri deka Pita gi Ida Tapolngon ila osep ma time tisep ke eliang. Osep tonari leklou isak apmang sasap batne. Deka time tisep ke eliang e tivati Dorkas dong blang.

Pas ka Pol sogoe uti la ke osep Rom ina 12:7

Langka gute gesa ila bokongon langka iye lua osep ka Ida Tapolngon ila osep ma iye boko dagar ine. Langka gute gesa ila bokongon langka iye parere osep ma iye boko dagar ine.

1 Korin 10:10

E ma umongurngur ke Ida Tapolngon langka isak leklou tidue kovok. E Ida Tapolngon ila ensel ka mluk osep ma timete me deka mluk isak e timete.

2 Korin 11:22

Tiwai pelengon Hibru i? Ngong blang ngawai pelengon Hibru. Isak osep Israel ina i? Ngong blang gute Israel ina. Isak Abraham ila napakngan i? Ngong blang Abraham ila napakngan gesa.

Filipai 3:5

Nina divir ngong sep ke gute Benjamin ila osua airavu ke osep Israel ina. Nina divir ngong deka mase ke oklou lumeklu ina tidue elio ulangngan ina ke ngong. E ngawai pelengon Hibru langka lou seia tiwai ine e ngadidi imi osep Yuda ina limem elio itau lokono e ngong gute Farasi ina.

1 Timoti 5:3

Langka apmang ka sasap batne tidong kensak vala deka omdue elio itau ke isak.

1 Timoti 5:9

E omsogo apmang ka sasap batne angainsak munu ke buk gesa. Ma omsogo apmang ka langane vala angainsak. Apmang ka ina tobor mole langka iselme songotno kodong e iye dong langka oglou ila boget kene vala.

Hibru 13:1

Umu Ida Tapolngon ila osep deka aling aling umu lana umu pulu.

Jems 1:27

Langka itedidi Ida Tapolngon aitno e itodue elio isuk isuk ka itau vala ke Ida Tapolngon ka Pmada bitna ma itodue elio langane. Iye waiki itolua agau ka bimsei e apmang sasap batne ke elio ka opru isak. E iye waiki itaplau ite itau ma elio ka taklak ina due ite itopolou amum kovok.

Jems 4:5

Ida Tapolngon ila pelengon wai langane. “Ida Tapolngon kar Ano Itau ke ite deka Ano Itau aitno kro ke ila osep lama aitno lisak la ke wan ka taklak ina vala.” Aitno lumu lange? Ida Tapolngon ila pelengon tonari pelengon adai? Aurou.

Jems 5:9

Sipmi. Ngawaiki umongurngur pulu kovok. Kesua langka umodue elio langane Ida Tapolngon ma wade umu ine. Umoklingen. Isuk boto Ida Tapolngon ka wade ite ma me.