Aposel 5:42 - Aria New Testament

⁴² Alo ari oklou aling aling tinapapra ke Yesus ka Ida Tapolngon rere Krais ka iye lua osep ila omon itau. Tiparere osep ka tidong ke omur ka lelei Ida Tapolngon ila ninu e osep ka tidong ke urok ninu ninu blang.

Aposel 5:42 ပူးပေါင်းရင်းမြစ်များ

Luk 21:37

Ke oklou kene kene Yesus parere osep ke omur ka lelei Ida Tapolngon ila ninu e ke epmes kene kene iye la dong ke ninu ka dong ke gigri Oliv.

Luk 22:53

Oklou kene kene ngadong ke omur ka lelei Ida Tapolngon ila ninu e umekis ngong kovok. E oku ane lumu taim e Satan ka plau osep ka tidong ke aivoro kar arit ke umu ma umodue lumu elio.”

Aposel 11:20

E osep leklou ka osep Saiprus ina e osep Sairini ina isak kla ke Antiok deka ari tinapapra Yesus ila omon itau ke osep Grik ina.

Aposel 13:32

“Eknikane imawai ke umu ke omon itau ka la ke Ida Tapolngon ila promis ke oglou iye wai ke udo seia. Deka ke ite ka urok napakngan eknikane ila promis tonari polou lokono. Iye due Yesus poga tito ke ina denga eriar langka oglou ila pelengon ka dong ke Buk Song sapta orwo wai ine. Pelengon tonari wai langane. ‘Eknikane wom tona erigu wom e abo ngong.’”

Aposel 17:18

Ari osep Epikurian ina leklou e osep Stoik ina leklou ka urok ilengen omba timter pulu pelengon kap Pol. E isak leklou tiwai pulu langane. “Gute ane ka wai ulik ulik iye wai lange?” Deka osep leklou blang tiwai langane. “Gute ane iye wai ke tapolngon ka osep leklou inarak tapolngon e iteile ine kovok.” Tiwai langane kesua Pol napapra ke Yesus e elio ka iye mole metengen e poga tito ke ina denga.

Aposel 17:3

Iye ritim Ida Tapolngon ila pelengon ka wai ke Yesus ina metengen e ila baulukngon deka iye kere pelengon tonari lana ine langane. “Oglou kodong Ida Tapolngon rere gute Krais ka ma iye lua osep ke urok elio epmes ina ma iye namani elio soulu e mete deka poga tito ke ina denga. Umoklingen. Gute ka Ida Tapolngon rere Krais iye gute Yesus ka eknikane nganapapra iye ke umu.”

Aposel 2:46

Oklou aling aling aitno lisak kene pulu deka tiduni pulu ke Ida Tapolngon ila ninu. E silang blang tiduni pulu ke urok ninu kene kene deka tigosok tingen inarak ngangon. E aitno lisak neser e itau lokono ke Ida Tapolngon ila makaingan.

Aposel 20:20

E silang blang langane. Oglou langka pelengon gesa dong ka karanga lua umu nganapaprae ke umu. Nganapaprae ke osep pula amtarsak e ke lumu ninu kene kene.

Aposel 4:20

Umoklingen. Ma imodong vala kovok kesua batne oglou imavati Yesus ila elio bitna bitna e imeklingen ila pelengon. E eknikane imanapapra ine.”

Aposel 4:29

Eknikane Ipem Puda imepmi wom ma omlua imi ka lem osep bokongon ina ma imoulou tarna limi kovok. Kesua osep ari orsak teitei e tiwai soulu ke imi. Omlua imi ma imawai lem pelengon ke osep pula.

Aposel 8:35

Iye wai langane deka Filip nogrum ke pelengon tonari mgo deka palongo ila ke Yesus ila omon itau.

Aposel 8:5

Alo ari Filip songon Jerusalem deka la duru ke armok kene ina ke omur Samaria. Iye polou ine e napapra Yesus ka Krais ina basikngen ke osep ari.

Aposel 9:20

Ari Sol la ke osep Yuda ina urok duningen ina ninu leklou e lokono iye napapra ke Yesus e wai langane. “Gute Yesus iye tona Ida Tapolngon Otno Arang.”

1 Korin 2:2

Aitno lungong langane. Alo ka ngadong kap umu aitno lungong mter ke wan silang blang kovok. Aurou. Aitno lungong la dagar ke Yesus Krais e elio ka iye mana ke ina akai e mete ine.

Galesia 1:16

Deka iye didi aitno e nis ngong ke Otno Arang ma ngadue ila bokongon ka nganapapra ila omon itau ke osep ka isak osep Yuda ina kovok. E alo ka Ida Tapolngon rere ngong io ngala ngapmi gute gesa ine kovok.

Galesia 6:14

Ngong tona ngakaranga ngakakai angain ngong kovok. Aurou. Ngakakai Ida Puda Yesus Krais angaine vala. Iye mete ke ina akai e aitno lungong itau ke elio langane. E elio ka taklak ane ina iye mete ke aitno lungong kodong batne ke bokongon ka Krais due ke ina akai. E langka ngong tona ngamete kap Krais ke ina akai deka ngakaranga ngadidi elio ka taklak ane ina kovok.

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.