Aposel 5:36 - Aria New Testament

³⁶ Aitno lumu mter ke wan ka polou oglou kodong. Oglou gute Teudas polou deka waiki mgo ke osep eriar langka iye gute ngongle gesa. Deka osep langka inarak sasa 400 aitno lisak dagar ke ila pelengon deka tineklep ke iye. Mase evlei polou deka osep timke iye e iye mete deka osep ka tididi iye tiulou kla. Deka ila pelengon polou adai vala.

Aposel 5:36 ပူးပေါင်းရင်းမြစ်များ

Matyu 24:24

Kesua osep yakngan ina ma tipolou ka tisir isak Krais koke tisir isak osep napaprangan ina. E ma tidue elio arit ina ka omba ma osep tididi isak ke elio soulu. E tiwaiki titok osep ka Ida Tapolngon rere isak ila osep blang.

Matyu 24:26

Deka langka osep tiwai ke umu langane. ‘Umoklingen. Gute Krais dong ke omur ka dong adai vala’ umala ari kovok. E langka tiwai ke umu iye dong ke ninu aitno io aitno lumu la dagar ine kovok.

Matyu 24:5

Kesua osep pula ma tiwai langane. ‘Ngong gute Krais ka Ida Tapolngon rere ma ngalua osep.’ E tiyakyak osep pula ma tididi isak.

Aposel 21:38

­Aitno lungong mter wom gute Isip ina ka oglou iye waiki mole osep gavman ina. Gute tonari iye mgo ke osep soulu bitna langka 4,000 ka tipagam osep deka tidong ke omur ka dong adai vala.”

Aposel 5:35

Isak kla ke dogur deka Gamaliel wai ke iye sisrok langane. “Umu osep Israel ina umeile umu itau lama umodue elio soulu ke osep are.

Aposel 8:9

Alo ari gute gesa angaine Saimon dong. Iye gute muso ina e oglou due elio pula ka osep Samaria ina tidigrik ine. E iye kakai iye tona angaine tito la egim e wai langane. “Ngong gute ka maroni ka ngamgo ke osep pula.”

Galesia 2:6

Osep leklou tidong langka sios ina plaungan. E langka angainsak omba koke angainsak omba kovok are wan gesa kovok ke ngong. Ida Tapolngon aitno mter ke gute angaine kovok. E osep ka angainsak omba tidue pelengon gesa nepir ke lou pelengon kovok.

Galesia 6:3

Langka gute gesa aitno mter langka angaine omba e dau angaine omba kovok deka gute tonari yak iye tona vala.

2 Pita 2:18

Tiwai omba e tiwai ulik ulik ma tikaranga tinak osep leklou ma tididi pampamu lisak e tidue elio soulu ka nak osep ka oku ane vala tikos ke osep ka tididi aitno lisak vala.

2 Pita 2:2

Tidue elio soulu aling aling deka osep pula leklou ma tididi urok elio soulu deka osep ka tivati urok elio soulu ma tiwai soulu ke Ida Tapolngon ila ekreng ka lokono.

Pas ka Jut sogoe 1:16

Tingurngur e aitno lisak soulu ke wan bitna bitna ka polou ke isak. E tididi aitno lisak e tidue elio soulu. Tikakai isak tona angainsak e tiwai dikngen ke osep ma tidue wan bitna bitna ke isak.

Pelengon kukwopngon 17:3

Deka Ano Itau polou dagar ke ngong e ensel kene ke ensel lumorwo tonari paur ngong ngala ke omur ka dong adai vala. E ke omur tonari ngavati apmang kene dong ke ongwa kevena ka edimor. Ongwa kevena otuk ine lumorwo e ina emsik songotno tidong ke iye. E sogongon ka soulu lokono ka pes Ida Tapolngon angaine dong ke ongwa tonari.

Pelengon kukwopngon 17:5

E ke apmang tonari baraine tisogo angaine ka langka pelengon kukwopngon ka langane. “Ngong armok omba Babilon e ngong apmang ka ekreng palma ina keniye inarak aiya e ngong elio soulu lokono ka dong ke taklak ka pula keniye batne.”