Aposel 5:31 - Aria New Testament

³¹ Deka Ida Tapolngon kakai iye dong ke limla odung. Iye due Yesus mgo ke ite e due polou Ida Luangan ka karanga lua itosep Israel ina ma itabauluk aitno lite ke udo elio epmes ina e due udo elio epmes ina vri ke ite kovok.

Aposel 5:31 ပူးပေါင်းရင်းမြစ်များ

Matyu 1:21

Ma iye divir mimi arang e ma ambaski angaine Yesus. Kesua ma iye polou gute ka lua osep ke urok elio epmes ina.”

Matyu 28:18

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

Mak 2:10

Ngawaiki umeile omur ngong ka Gute Ka Polou Langka Osep lou arit dong ke ngong e alo ka ngadong ke taklak ane ngakaranga ngasak osep urok elio epmes ina tinoklok la.” Iye wai ke osep tonari langane deka wai ke gute ka kamla e limla timete langane.

Mak 4:12

“Elio ka ngawai ke osep ke pelengon ano didi pelengon ka oglou gute napaprangan ina gesa sogo ine langane. ‘Ma osep tivati wan itau e ma tile lana ine kovok. Ma tiklingen pelengon itau e ma tile lana ine kovok. Tidong tidue elio ka langane lama tile omur ine deka tibauluk aitno lisak ke urok elio epmes ina e Ida Tapolngon sak urok elio epmes ina la.’”

Luk 2:11

Kesua eknikane ke Devit ila armok apmang gesa divir mimi e ma iye polou Upu Luangan ka iye Krais ka Ida Tapolngon rere ma iye lua osep ke urok elio epmes ina e ka iye Upu Puda.

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Jon 4:42

E tiwai ke apmang tonari langane. “Oku ane aitno limi dagar ke iye batne ke lem pelengon vala kovok. Aurou. Eknikane imi tona imeklingen ila pelengon e imeile lokono gute ane iye gute Krais ka Ida Tapolngon rere ma iye lua osep ka tidong ke taklak ke urok elio epmes ina.”

Aposel 11:18

Osep ka tiluk Pita tiklingen ila pelengon deka tikoli ila pele-ngon kovok. Aurou. Tikakai Ida Tapolngon angaine tito ine e tiwai langane. “Eknikane Ida Tapolngon due elio itau ke osep ka isak osep Yuda ina kovok e lua isak ma tikaranga tibauluk aitno lisak ke urok elio epmes ina e kar isak mosongon oku ina.”

Aposel 13:23

Ari Ida Tapolngon wai dagar ke Devit langane. ‘Mase ma lem napakngan kene ka me batne ma iye polou osep Israel ina Inarak Luangan.’ Mase dau tauni Ida Tapolngon didi ila promis deka pagei Yesus ke itosep Israel ina.”

Aposel 2:33

Mase Ida Tapolngon due bauluk tito la ke omur heven deka iye dong ke limla odung. Deka iye didi ila promis ka oglou iye wai e kar Ano Itau ke Yesus. E eknikane elio ka umoklingen ine e umavati ina poloungon batne ke Yesus.”

Aposel 2:36

Umu ka osep Israel ina umoklingen lou pelengon lokono ane. Oglou umodue agegeng ke Yesus e umomluk iye ma iye mete. E eknikane iye mete kovok. Aurou. Eknikane iye dong kap Ida Tapolngon ka kakai iye tito lokono e rere iye gute ka Krais ka lua osep ke urok elio epmes ina e ka Ida Puda lokono.”

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Aposel 3:19

Eknikane umabauluk aitno lumu ke lumu elio epmes ina e aitno lumu la dagar ke Yesus. Langka aitno lumu la dagar ke Yesus ma Ida Tapolngon sak lumu elio epmes ina la. Deka ma tivri ke umu kovok.

Aposel 3:26

Deka Ida Tapolngon didi ila pelengon dagar e pagei ila gute bokongon ina Yesus ke umu kodong. Mgongon iye polou ke umu kesua iye waiki lua umu ma umabauluk aitno lumu ke lumu elio epmes ina.”

Aposel 4:11

Oglou ari gute Devit sogo Ida Tapolngon ila pelengon palma langane. ‘Opmu ane itau. Lama iye itau umeplie e umourie la. Lama umodue langane mase iye polou opmu ka due opmu leklou tinepir pulu.’”

2 Korin 2:10

Deka langka umasak gute ila elio soulu ka iye due ke umu ma ngasake blang. E langka osep tidue elio langane e ngasake deka ke Krais bitna ngasake ma ngalua umu ine.

Efesus 1:7

E Yesus ina metengen e ina marau kli udo elio epmes ina deka elio epmes ina tonari munu pes ite kovok. Deka Ida Tapolngon didi ila makaingan ka ombatno lokono e klok udo elio epmes ina.

Filipai 3:20

E ite osep ka omur heven ina e itodong itapara ke alo ka Ida Luangan ka Ida Puda Yesus Krais songon omur heven e duru me due ite.

Kolosi 1:14

Ida Tapolngon Otno Arang kli ite ke udo elio epmes ina e klok udo elio epmes ina la.

Taitus 1:4

E Taitus ngasogo pas ane uti ke wom. Aitno lite ila dagar eriar e ompolou langka erigu gesa. Nga-waiki Ida Tapolngon ka Pmada kap Ida Luangan Krais Yesus timakai wom e tidue aitno lugom dong epen.

Taitus 2:10

E tipanako wan ke osep ka tiplau isak kovok. E tidue elio itau e tididi osep ka tiplau isak urok pelengon vala. Langka tidue langane ma osep aitno lisak itau ke Ida Tapolngon ka iye Ida Luangan blang ila pelengon.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 2:10

Ida Tapolngon ka iye due wan ka pula keniye e ka ila arit plau wan tonari didi aitno e songon Yesus namani elio soulu ka osep tidue ke iye. Ke elio langane Yesus polou Ida Luangan e Ida Tapolngon waiki osep pula tipolou titno batne ke iye.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

2 Pita 1:11

Umodue langane deka alo ka umemete kodong e umetito ke omur heven Ida Tapolngon ma klok ekreng bitna ke umu. Ma umesep ke omur ka Ida Puda e Ida Luangan Yesus Krais tiplaue ka dong vala dong.

2 Pita 2:20

Langka osep aitno lisak la dagar ke Yesus Krais ka iye Ida Puda e Ida Luangan deka tikos ke wan bitna bitna ka soulu ka taklak ina. E langka mase tiding tidue elio soulu blang e elio soulu plau isak deka urok mosongon polou soulu blang. Oglou urok mosongon soulu e eknikane urok mosongon soulu lokono.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.

Pas ka Jut sogoe 1:25

Ida Tapolngon ka Ida Luangan kene vala dong e lua ite ke udo elio epmes ina batne ke Ida Puda Yesus Krais. Ma itakakai angaine tito la egim. Iye Ida Plaungan ina e ila arit ombatno deka wan ka pula keniye dong moli ke iye. Oglou oglou ari iye dong e eknikane iye dong blang deka mase ma iye dong vala dong blang. Lokono.

Pelengon kukwopngon 1:5

E makaingan blang me ke Yesus Krais ka iye palongo udo malak ke ila pelengon ka lokono lokono. Iye mgo ke osep ka pula keniye ka timole inarak denga e tipoga titito blang. E iye gute ka mgo ke osep ka tivri mgo ke omur omur ke taklak ane. Iye lana iye ke ite e ina marau klok udo elio epmes ina la.