Aposel 5:13 - Aria New Testament

^13-14 Osep ka pula keniye tidue anit ke Ida Tapolngon ila osep dau osep epmes ina leklou tiulou tarna lisak e tineklep ke osep ka oglou aitno lisak dagar ke Yesus kodong kovok. Ari osep arang e apmang pula tisongon urok elio epmes ina deka aitno lisak la dagar ke Yesus e tineklep ke osep ka oglou aitno lisak dagar ke Yesus e inarak sasa res polou pula.

Aposel 5:13 ပူးပေါင်းရင်းမြစ်များ

Luk 19:48

E tikaranga tidue langane kovok kesua osep ka pula keniye are tiwaiki tiklingen ila pelengon keniye.

Jon 12:42

E dau osep plaungan ina pula aitno lisak la dagar ke Yesus. Lama langane dau tipalongo malak ine kovok kesua tiulou tarna lisak ke osep Farisi ina lama tisapir isak ke urok duningen ina ninu.

Jon 19:38

Wan tonari polou deka mase Josep ka Arimatea ina polou ke Pailat bitna e pmi iye ma iye due e yas Yesus pampamu ine. E Josep tonari iye Yesus ila disaipel gesa e dau iye bisi ine kesua iye ulou tarna ke osep Yuda ina. Deka Pailat wai iye karanga due Yesus pampamu ine e iye la due.

Jon 9:22

E tna e timla tiwai langane kesua tilim ke osep Yuda ina. Kesua osep Yuda ina tiwai pulu kodong langka gute gesa wai Yesus iye gute Krais ka Ida Tapolngon rere ma iye lua osep ke urok elio epmes ina ma tisapir iye ke urok duningen ina ninu ma iye karanga la ke duningen blang kovok.

Aposel 19:17

Elio ane polou deka osep Yuda ina keniye e osep Grik ina keniye ka tidong ke Efesus tiklingen ila omon e tilim pula ine. Deka tikakai Ida Puda Yesus angaine tito la egim.

Aposel 2:47

Deka oklou ka pula keniye tikakai Ida Tapolngon angaine tito la egim lokono. E osep leklou aitno lisak itau ke osep tonari. Alo ari osep leklou blang aitno lisak la dagar ke Yesus deka Ida Puda klok urok elio epmes ina. Deka osep ka iye lua isak tineklep ke osep ka oglou aitno lisak la dagar ke Yesus kodong.

Aposel 4:21

Pita orwo Jon tiwai yagos deka osep kaunsil ina tiwai pelengon dagar ke isak. Tiwai yagos deka tisongon Pita orwo Jon deka isak kla. Osep kaunsil ina tidue agegeng ke isak kovok kesua tiulou tarna lisak ke osep. Osep pula tile ke elio arit ina ka tidue deka tikakai Ida Tapolngon angaine tito la egim ine.

Aposel 5:26

Tiklingen gute tonari ila omon deka osep ka tiplau Ida Tapolngon ila ninu tigosok inarak puda isak kla tipolou ke osep aposel. Deka tidue isak e tibauluk e tidue agegeng ke isak kovok kesua tiulou tarna lisak ke osep pula lama tidue opmu e timluk isak ine.

Aposel 5:5

Ananaias klingen Pita ila pelengon deka lokono iye gene e mete. Iye mete kodong deka osep auram leklou tipolou ke iye e tidue pampamu ine e tidugume deka tikalke la ke dogur e tiyase. Alo ari osep ka tiklingen ke elio ka polou ke Ananaias ansak nesik omba ine.

2 Korin 10:15

E imawai ke bokongon ka osep leklou tidue ke omur silang kovok e imakakai angainmi ine kovok. Aurou. Imawaiki aitno lumu ila dagar res polou omba ma imakaranga imoboko dagar lokono airavu ke umu. E imoboko ke omur ka Ida Tapolngon rere ke imi e imoboko ke omur silang kovok.