Aposel 4:36 - Aria New Testament

³⁶ Alo ari gute dong ka angaine Josep e osep aposel tisir iye Barnabas. Angaine Barnabas lana ine gute ka due osep aitno lisak tidong itau. Barnabas gute Livai ina gesa ka ila omur batne aidunu Saiprus.

Aposel 4:36 ပူးပေါင်းရင်းမြစ်များ

Mak 3:17

E Sebedi titno arang Jems e Jon ka iye baski angainsak Boanerges. Boanerges lana ine osep ka aitno lisak nevlik.

Aposel 11:30

Deka tipaur urok mani ke Barnabas orwo Sol. Deka isak orwo tipaure la ke osep plaungan ina ka aitno lisak dagar ke Yesus ka tidong ke omur Judia.

Aposel 12:25

Ari Barnabas e Sol tidue urok bokongon ke Jerusalem yagos deka tidue Jon ka angaine silang Mak e tibauluk ke Antiok blang.

Aposel 13:1

Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.

Aposel 13:15

Tidong ine deka gute ka plau osep Yuda ina urok duningen ina ninu tonari ritim Moses ila sogongon e osep napaprangan ina urok sogongon e osep keniye tiklingen ine. Gute tonari due langane yagos deka wai ke Pol gosok sisrok langane. “Langka umawaiki umakar pelengon gesa ke imi ka lua imi deka umawai ine.”

Aposel 13:2

Alo ka tiduni pulu tiwai itau ke Ida Puda e tikakai angaine tito la egim. E silang tipli inarak ngangon kesua tiwaiki aitno lisak la ke Ida Tapolngon vala. Deka ari Ano Itau wai ke isak langane. “Umerere Barnabas e Sol ma tiboko ke bokongon ka ngarere ke isak.”

Aposel 13:4

Ida Tapolngon Ano Itau pagei isak deka tiduru kla e tipolou ke armok Selusia. Deka tidue sip gesa e tisongon Selusia e isak kla ke aidunu Saiprus.

Aposel 15:12

Osep keniye ka tidong ke duningen tikoli Pita ila pelengon kovok e tidong vala. Deka Pol orwo Barnabas tipalongo osep tonari ke nisngen e elio arit ina ka Ida Tapolngon lua isak ine ka tidue airavu ke osep ka isak osep Yuda ina kovok.

Aposel 15:2

Deka Pol orwo Barnabas tigosok osep tonari tikot pulu e timter pelengon pula pulu ke urok pelengon. E osep leklou ka aitno lisak la dagar ke Yesus tirere Pol orwo Barnabas gosok osep leklou blang ma isak kla ke Jerusalem. Kesua tiwaiki timosi pelengon tonari kap osep aposel e osep ka tiplau Ida Tapolngon ila osep.

Aposel 15:37

Pol wai langane deka Barnabas wai ke iye langane. “Ngawaiki itodue Jon ka angaine silang Mak itogosok itabauluk itala.”

Aposel 15:39

Aitno lisak engil pulu ine e tikot pulu deka tidardar pulu. E Barnabas due Mak e isak orwo tidue sip e isak kla ke aidunu Saiprus.

Aposel 21:16

Ari Yesus ila disaipel leklou ka urok armok batne Sisaria isak kla kap imi e tipaur imi ke gute Nason ila ninu ma imodong kap iye. Gute tonari iye gute Saiprus ina ka tauni kodong iye Yesus ila disaipel.

Aposel 21:3

Imala ke sip e imopolou olwo boto ke aidunu Saiprus e imasala iye ke lipmi gala ina. Imi dau imala e mase imopolou ke provins Siria. E imosongon sip ke armok Tair ka dong ke provins tonari. Ari osep tipaur sip ina brokngon polou.

Aposel 27:4

­Deka oklou silang imosongon omur are e imala blang. E imasala aidunu Saiprus galna ka sep la kesua engen dagar me due limem sip. E imawaiki imakalu ke aidunu ma aidunu para engen.

Aposel 9:27

Deka gute Barnabas due Sol e isak orwo kla ke osep aposel amtarsak deka Barnabas palongo urok langane. “Oglou alo ka Sol didi ekreng iye vati Ida Puda. Iye vati e klingen pelengon ka iye kare ke iye. Mase iye dong ke Damaskus e napapra osep ke Yesus e ulou tarna kovok.”

1 Korin 14:3

E osep ka tinapapra Ida Tapolngon ila pelengon ma urok pelengon due osep aitno lisak dagar lokono e sruk aitno lisak ma tidue elio itau e due aitno lisak itau.

1 Korin 9:6

Lange? Imorwo Barnabas vala ma imoboko ke limem mani ma lua imorwo tona e osep leklou tiboko langane kovok?

Galesia 2:1

Ngadong la lama tobor songotno apanal mela yagos deka ngong imorwo Barnabas imala ke Jerusalem blang. E ngadue Taitus e iye la kap imi.

Galesia 2:13

Osep Yuda ina blang ka isak osep Kristen tidue elio tonari kap iye. E urok elio tonari nak Barnabas aitno ma iye due elio langane blang.

Galesia 2:9

Osep ka pula keniye tivati Jems e Pita e Jon langka isak osep namormor ke sios. Deka osep tonari tile omur langka Ida Tapolngon makai ngong e kar bokongon ke ngong deka tisekan ke ngong kap Barnabas e tile omur imorwo imodue bokongon eriar langka tidue. E aitno limi kene pulu e aitno limi itau pulu e imalalo limem pelengon langane. Imorwo ma imodue bokongon ke osep ka isak osep Yuda ina kovok e isak ma tidue bokongon ke osep Yuda ina.

Kolosi 4:10

Gute Aristarkus ka iye dong ke kalabus kap ngong wai “oklou itau” ke umu. E gute Mak ka iye Barnabas ila aidagu wai “oklou itau” ke umu blang. Oglou ngapagei pas uti ke umu ka wai langane. Langka Mak polou ke umu deka aitno lumu itau ke iye e umodue elio itau ke iye.