Aposel 4:33 - Aria New Testament

³³ Deka osep aposel urok pelengon ila arit omba. E tipalongo osep pula ke elio ka Ida Puda Yesus mole ina metengen deka poga tito ke ina denga. Alo ari Ida Tapolngon due elio itau ke isak.

Aposel 4:33 ပူးပေါင်းရင်းမြစ်များ

Mak 16:20

Deka ila disaipel isak kla ke omur ka pula keniye e tinapapra ke osep pula. Deka Ida Puda lua isak ke ila arit e tidue elio arit ina. Deka osep ka tivati elio arit ina ka tidue tile omur urok pelengon lokono. Itau.

Luk 2:52

E Yesus rim polou omba e ila ilengen omba e osep aitno lisak itau ke iye e Ida Tapolngon aitno itau ke iye blang.

Jon 1:16

Makaingan pula lokono dong ke iye e aling aling iye due elio itau lokono ke ite ka pula keniye.

Aposel 1:22

Ma iterere gute ka oglou iye dong kap ite ke alo ka Jon paunim Yesus lila me ke oklou ka iye tito la egim. Ma iterere gute kene ka vati Yesus ila bokongon batne la gurno. Deka ma iye lua ite ke udo bokongon. E ma itogosok itaparere osep pula ke elio ka Yesus mole metengen deka poga tito ke ina denga.”

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 2:47

Deka oklou ka pula keniye tikakai Ida Tapolngon angaine tito la egim lokono. E osep leklou aitno lisak itau ke osep tonari. Alo ari osep leklou blang aitno lisak la dagar ke Yesus deka Ida Puda klok urok elio epmes ina. Deka osep ka iye lua isak tineklep ke osep ka oglou aitno lisak la dagar ke Yesus kodong.

Aposel 4:30

Omlua imi ke lem arit e ma lem arit due osep ka tipaia tipolou itau blang. Omlua imi ke lem arit ma imodue elio arit ina bitna bitna ke Yesus ka lem gute bokongon ina ka itau lokono angaine.”

1 Tesalonaika 1:5

Omon itau ka imanapapra ine ke umu polou ke umu langka pelengon adai vala kovok. Aurou. Ano Itau sruk aitno limi deka imanapapra ke ila arit. E aitno limi dagar langka omon tonari iye pelengon lokono. E umeile elio ka imodue ka lua umu alo ka imodong kap umu.

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.