Aposel 4:27 - Aria New Testament

²⁷ “Pelengon ane ka oglou Devit wai ine polou lokono ko-dong. Oglou Herot orwo Pontius Pailat tigosok osep ka tile Ida Tapolngon kovok e osep Israel ina tiduni pulu ke armok ane. Deka tidue agegeng ke Yesus ka emrere iye lem gute bokongon ina ka itau lokono.

Aposel 4:27 ပူးပေါင်းရင်းမြစ်များ

Matyu 14:1

Alo ari gute Herot ka plau omur Galili klingen basikngen ke wan ka Yesus due.

Matyu 14:3

Ke oglou Herot gi ina aiver Filip ila asap Herodias e aling aling Jon wai ke elio ane langane. “Elio ka omdue osuk e itau kovok.” Deka Herot wai ke osep ola ina ma tipou Jon limla e due sep ke kalabus.

Matyu 14:6

E alo ka tidue rogo ke oklou ka Herot tna divir iye Herodias otopmang tirie ke osep amtarsak e Herot aitno itau ine.

Matyu 21:28

Deka Yesus wai pelengon ano langane. “Aitno lumu lange? Gute e titno orwo tidong e iye wai ke otno kene langane. ‘Erigu arang oklou ane amla omboko ke lou yage galou wain ina.’

Matyu 23:37

“Aisudo. Osep Jerusalem ina umodue burwa ke osep napaprangan ina e umouri opmu ke osep ka Ida Tapolngon pagei isak ke umu ma timete ine. Aling pula ngawaiki ngagom umu ke ngong langka kwako gom titno ke pena bisna. E dau umawaiki umodue langane kovok.

Matyu 27:2

E tipou limla e tipaur iye la e tikar iye ke gute Pailat ka iye vri mgo ke osep Rom ina ke omur are.

Mak 10:33

“Umoklingen lou pelengon. Itetito itala ke Jerusalem e ma osep tikar ngong ka Gute Ka Polou Langka Osep ke osep loulou ina ka omba e osep ka tile itau ke Moses ila sogongon limsak. Deka ma tikotim ngong e tikar ngong ke osep ka isak osep Yuda ina kovok limsak ma ngamete.

Mak 15:31

Tingen agom ke iye deka ari osep loulou ina ka omba tigosok osep ka tile itau ke Moses ila sogongon tingen agom ke iye e tiwai pula ine langane. “Gute are lua osep pula e eknikane iye karanga lua iye tona kovok.

Luk 1:35

Deka ensel koli wai ke iye langane. “Ano Itau ma me ke wom e Ida Tapolngon ka dong egim lokono ila arit ma kading wom. E ke batne langane osep ma tisir mimi ka itau itau lokono ka emdivir iye Ida Tapolngon Otno Arang.

Luk 22:63

Deka osep ka tiplau Yesus tiwai apok ke iye e timluk iye.

Luk 23:1

Deka isak keniye titito e tipaur Yesus la ke Pailot.

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Luk 9:22

E iye wai langane. “Ida Tapolngon waiki Gute Ka Polou Langka Osep iye namani elio soulu pula ke osep namormor e osep loulou ina ka omba e osep ka tile itau ke Moses ila sogongon e ma tipli iye. E timter iye ma iye mete deka mase oklou eklu mela yagos ma iye poga tito ke ina denga. E wan are ma polou.”

Jon 1:11

Iye me ke ila osua e aitno lisak itau ke iye kovok e tidue kovok.

Jon 10:36

Langka iye wai ke isak langane lange ke ngong ka Ida Tapolngon rere ngong e pagei ngong ngame ke taklak? Ina lange umawai ngawai soulu ke Ida Tapolngon alo ka ngasir ngong Ida Tapolngon Otno Arang?

Jon 18:28

Ke kotkotu lokono osep tidue Yesus ke Kaiafas ila ninu e tipaur iye la ke gute Rom ina ka vri mgo ke omur are ila ninu omba. E tisep ke ninu tonari kovok lama aitno lisak polou amum ke Ida Tapolngon bitna. Tilim lama aitno lisak polou amum e tikaranga tingen rogo omba ka lana ine la ke alo ka Ida Tapolngon lua osep Yuda ina tisongon omur Isip kovok.

Jon 18:29

Deka Pailat la ke isak e wai langane. “Umesin elio lange vri ke gute ane?”

Jon 19:34

E gute ola ina kene mter Yesus galna ke ola e suong marau e aki baser polou.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 4:30

Omlua imi ke lem arit e ma lem arit due osep ka tipaia tipolou itau blang. Omlua imi ke lem arit ma imodue elio arit ina bitna bitna ke Yesus ka lem gute bokongon ina ka itau lokono angaine.”

Hibru 7:26

Yesus iye udo gute loulou ina ka karanga lua ite ke udo elio isuk isuk keniye. Iye due elio itau vala e elio soulu gesa vri ke iye kovok. E Ida Tapolngon vati iye dong itau lokono vala. Ida Tapolngon due tito la ke omur heven e iye dong mawa ke osep epmes ina.