Aposel 4:26 - Aria New Testament

²⁶ Osep ka tivri mgo ke omur pula tikere isak ma tidue evlei. Deka osep plaungan ina pula tiduni pulu e tiwaiki tipaiavu wom Ipem Tapolngon e gute Krais ka lua osep e ka emrere Ipem Puda kodong.’”

Aposel 4:26 ပူးပေါင်းရင်းမြစ်များ

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Hibru 1:9

Aitno lugom itau ke elio itau ka osep tidue e aitno lugom engil ke elio soulu ka osep tidue. E ke batne langane ngarere wom ma ommole supmu keniye deka aitno lugom neser ine.”

Pelengon kukwopngon 11:15

Deka ensel lumorwo ina ipu ina kuliep e ngaklingen osep ka tidong ke omur heven tiwai omba langane. “Elio ka osep tivri mgo ke omur omur ke taklak polou yagos e Ida Tapolngon ka iye Ida Puda kap Yesus ka iye rere gute Krais ma tiplau osep dong vala dong.”

Pelengon kukwopngon 12:10

Deka ke omur heven nga-klingen gute kreine wai omba langane. “Eknikane Ida Tapolngon lua ite e ila arit polou malak e iye dong plau osep ka pula keniye. E gute ka ila Krais ka oglou iye rere ma iye me lua osep ke urok elio epmes ina polou malak blang. Deka tisapir gute ka sin elio vri ke Ida Tapolngon ila osep ke Ida Tapolngon bitna ke oklou e epmes ke omur heven e tiuri iye duru ke taklak.

Pelengon kukwopngon 17:17

Tidue elio langane kesua Ida Tapolngon due isak ma aitno lisak mter ine e ma tididi aitno ine. Aitno lisak kene vala e tikar urok arit ke ongwa kevena la lama wan ka pula keniye ka Ida Tapolngon wai ine polou yagos.