Aposel 4:19 - Aria New Testament

¹⁹ Pita orwo Jon tiklingen urok pelengon dagar deka tikoli tiwai langane. “Umu tona aitno lumu lange? Langka imosongon Ida Tapolngon ila pelengon e imedidi lumu pelengon are itau? Aurou. Ma itedidi Ida Tapolngon ila pelengon vala.

Aposel 4:19 ပူးပေါင်းရင်းမြစ်များ

Matyu 22:21

E tikoli tiwai Sisar ano e angaine dong ine. Deka Yesus wai ke isak langane. “Umakar Sisar ila wan ke iye e langane blang umakar Ida Tapolngon ila wan ke iye.”

Luk 22:8

E Yesus wai ke Pita e Jon langane. “Umala umekere wan bitna bitna ma itangen rogo omba ina ngangon.”

Jon 7:24

Ma umawade osep ke elio bitna bitna ka umavati vala kovok. Aurou. Aitno lumu mter ke elio lokono e umawade osep ke elio are.”

Aposel 4:13

Osep kaunsil ina tiklingen urok kolingen e aitno lisak mter tidue skul kovok. Deka tidigrik ine e tile omur isak orwo tiulou tarna lisak kovok. Deka aitno lisak mter oglou tidong kap Yesus.

Aposel 5:28

“Oglou imadangdang umu ma umanapapra osep ke Yesus kovok e eknikane talapmu klingen limem pelengon kovok. Umanapapra pula ine deka osep Jerusalem ina pula tiklingen ine. Ina lange umodue elio langane? Umawaiki osep pula aitno lisak mter gute tonari ina metengen batne dong ke imi? Aitno lumu langane i?”

Aposel 5:29

Deka Pita gosok osep aposel tiwai langane. “Eknikane lumu pelengon para pulu ke Ida Tapol-ngon ila pelengon deka imedidi Ida Tapolngon ila pelengon vala e imedidi osep aitno lisak kovok.

1 Korin 10:15

Umeile omur kodong deka ngawai ke umu langane. Umu tona ma umawade lou pelengon.

2 Korin 4:2

Imopul dogur ke elio bitna bitna ka osep tikukwop isak kesua batne isak mnak isak ine alo ka tidue. Imedidi elio ka yakngan kovok e imobuli wan sasi kap Ida Tapolngon ila pelengon kovok. Aurou. Imanapapra pelengon ka lokono malak ma osep tikaranga tiwade limem elio e tikaranga tile omur ke limem mosongon ke Ida Tapolngon bitna.

Efesus 6:1

Umu agau umedidi sipmomu e titnomu urok pelengon eriar langka Ida Puda waiki umedidie. Umodue elio langane kesua elio ane itau lokono.

1 Timoti 2:3

Pmingen ka langane itau lokono ke Ida Tapolngon ka iye Ida Luangan blang bitna e aitno itau ine.

Hibru 11:23

Moses tna e timla aitno lisak dagar ke Ida Tapolngon. Alo ka tna divir iye tivati Moses langka iye mimi ka itau lokono. Deka tikukwop iye iding ke taiko eklu e tiulou ke gute ka vri mgo ke omur Isip ila pelengon kovok.

Jems 2:4

Deka lange? Langka umodue elio langane ane langka umawade osep urok mosongon ke aitno lumu vala e umopolou osep ka aitno lumu mter soulu.