Aposel 4:13 - Aria New Testament

¹³ Osep kaunsil ina tiklingen urok kolingen e aitno lisak mter tidue skul kovok. Deka tidigrik ine e tile omur isak orwo tiulou tarna lisak kovok. Deka aitno lisak mter oglou tidong kap Yesus.

Aposel 4:13 ပူးပေါင်းရင်းမြစ်များ

Matyu 11:25

Deka Yesus wai langane. “Livou wom ka amplau omur heven e taklak aitno lungong itau kesua omkukwop wan ane ke osep ilengen ina e osep ka tile pula e emnis isak ke osep ka isak langka agau vala.

Matyu 26:71

E iye la ke omur are ina ekreng bitna e apmang bokongon ina silang vati iye e wai ke osep langane. “Gute ane iye dong kap Yesus ka me ke armok Nasaret.”

Matyu 26:73

E mase sasi boto osep ka tidong ari time ke iye e tiwai ke Pita langane. “Lokono. Wom blang gute ka emdidi Yesus kesua elio ka amwai pelengon nis imi ine.”

Luk 22:8

E Yesus wai ke Pita e Jon langane. “Umala umekere wan bitna bitna ma itangen rogo omba ina ngangon.”

Jon 19:26

Alo ka Yesus vati tna e ila disaipel ka iye lana iye omba ke iye tivri olwo boto iye wai ke tna langane. “Nina oku ane gute are langka etim arang.”

Jon 7:15

E osep kaunsil ina tidigrik ke iye e tiwai pulu langane. “Gute ane due ilengen ke omur ge kesua iye la ke udo skul gesa kovok?”

Jon 7:49

E osep pula pula ari tile omur ke Moses ila sogongon kovok e Ida Tapolngon ma due agegeng ke isak.”

Aposel 4:14

Osep ka tisin elio vri ke Pita orwo Jon tivati gute ka kamla polou itau blang vri ke galna lisak. E tikaranga tikoli urok pelengon kovok.

Aposel 4:19

Pita orwo Jon tiklingen urok pelengon dagar deka tikoli tiwai langane. “Umu tona aitno lumu lange? Langka imosongon Ida Tapolngon ila pelengon e imedidi lumu pelengon are itau? Aurou. Ma itedidi Ida Tapolngon ila pelengon vala.

Aposel 4:29

Eknikane Ipem Puda imepmi wom ma omlua imi ka lem osep bokongon ina ma imoulou tarna limi kovok. Kesua osep ari orsak teitei e tiwai soulu ke imi. Omlua imi ma imawai lem pelengon ke osep pula.

Aposel 4:31

Tiwai ke Ida Tapolngon yagos deka ninu ka tiduni pulu ine nemilmil. Deka Ida Tapolngon Ano Itau due aitno lisak e tiulou tarna lisak kovok e tiwai Ida Tapolngon ila pelengon ke osep pula.

Aposel 9:27

Deka gute Barnabas due Sol e isak orwo kla ke osep aposel amtarsak deka Barnabas palongo urok langane. “Oglou alo ka Sol didi ekreng iye vati Ida Puda. Iye vati e klingen pelengon ka iye kare ke iye. Mase iye dong ke Damaskus e napapra osep ke Yesus e ulou tarna kovok.”

Aposel 9:28

Barnabas wai yagos deka Sol neklep ke Yesus ila disaipel deka iye dong ke Jerusalem. E iye lila ke omur pula ke Jerusalem e napapra osep ke Ida Puda e ulou tarna ine kovok.

1 Korin 1:27

Osep pula aitno lisak soulu ke osep ka Ida Tapolngon rere isak ila osep. Ida Tapolngon rere ila osep tonari ma timole osep ka aitno lisak mter tile omur ke ilengen ka taklak ina. Deka ma isak mnak isak ke Ida Tapolngon ila osep. Iye rere ila osep ma timole osep ka tiwaiki urok arit dong ke isak. Kesua ma ila osep tidue osep pula isak kensak kensak isak mnak isak ine.

1 Korin 14:25

E ila elio soulu ka dong kukwop ke aitno ma polou malak. Deka iye ma grum kamla e due otuk ine duru ke taklak e ma lotuim Ida Tapolngon. Deka iye ma wai malak langane. “Ngaile omur Ida Tapolngon dong kap umu.”

2 Korin 3:12

Aitno limi dagar e imapara ke elio oku ina ka Ano Itau due polou deka imanapapra ine e imoulou tarna limi kovok.