Aposel 3:26 - Aria New Testament

²⁶ Deka Ida Tapolngon didi ila pelengon dagar e pagei ila gute bokongon ina Yesus ke umu kodong. Mgongon iye polou ke umu kesua iye waiki lua umu ma umabauluk aitno lumu ke lumu elio epmes ina.”

Aposel 3:26 ပူးပေါင်းရင်းမြစ်များ

Matyu 1:21

Ma iye divir mimi arang e ma ambaski angaine Yesus. Kesua ma iye polou gute ka lua osep ke urok elio epmes ina.”

Matyu 15:24

E iye koli wai langane. “Ida Tapolngon pagei ngong ke osep Israel ina ka isak langka sipsip ka timina vala.”

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Jon 4:22

Umu osep Samaria ina umolotuim wan ka umeile itau ine kovok. E imi osep Yuda ina imolotuim wan ka imeile itau ine. Kesua Ida Tapolngon pagei osep Inarak Luangan ka lua isak ke urok elio epmes ina ma iye polou ke osep Yuda ina.

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 13:26

­E Pol dau wai ke isak langane. “Sipmi. Umu ka Abraham ila osua e umu leklou ka aitno lumu dagar ke Ida Tapolngon umoklingen lou pelengon ane. Ida Tapolngon pagei ila pelengon me ke ite kodong ka parere ite ke elio ka lua ite ke udo elio epmes ina.

Aposel 2:24

Iye mete deka Ida Tapolngon didi ila arit e due poga tito ke ina denga. Deka iye ngangir ke metengen kovok. Deka metengen karanga mole iye kovok kesua Ida Tapolngon mole kodong.

Aposel 2:32

Devit ila pelengon ane la ke gute Yesus. Oglou Yesus mete deka pampamu ine la munu ke ina denga. Deka Ida Tapolngon due poga tito ke ina denga e eknikane imavati iye blang.

Aposel 26:20

Ari mgongon nganapapra Ida Tapolngon ila pelengon ke osep ka tidong ke Damaskus. Deka nganapapra ke osep ka tidong ke Jerusalem. Deka nganapapra ke osep ka tidong ke omur Judia. Deka nganapapra ke osep ka isak osep Yuda ina kovok. Nganapapra ke isak keniye langane. ‘Osep umabauluk aitno lumu ke lumu elio epmes ina e aitno lumu la dagar ke Ida Tapolngon vala. Deka umodue elio itau ka nis osep umabauluk aitno lumu ke lumu elio epmes ina kodong.’

Aposel 3:13

“Ida Tapolngon ka Abra-ham Ina Tapolngon e Aisak Ina Tapolngon e Jekop Ina Tapolngon e udo seia Inarak Tapolngon iye tona due elio arit ina ane. Elio arit ina ane kakai gute Yesus ka Ida Tapolngon ila gute bokongon ina angaine. Oglou umodue agegeng ke iye e umesin elio pula vri ke iye e umepli iye ke Pailat bitna. Pailat klingen lumu sinngen elio deka mgo aitno mter Yesus ila elio vri ke iye kovok deka waiki songon Yesus la.

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

Aposel 3:20

Deka ma elio itau lokono polou ke umu batne ke Ida Puda. E mase ma iye pagei gute Yesus ka oglou iye rere Upu Krais iye polou ke umu.

Aposel 3:22

“Oglou ari Moses wai ke osep Yuda ina langane. ‘Oglou Ida Puda ka Ida Tapolngon rere ngong deka ngapolou ila gute napaprangan ina gesa. E eriar langka oglou iye rere ngong deka mase ma iye rere supmu kene. Deka alo ka iye polou ma umoklingen ila pelengon keniye.’

Aposel 3:25

Umu ka osep Yuda ina umodue wan bitna bitna ke lumu seia ka tidong oglou ka isak Ida Tapolngon ila osep napaprangan ina. Oglou Ida Tapolngon wai ila promis ke lumu eia Abraham. Iye wai langane. ‘Ma ngadue elio itau ke osep ka pula keniye batne lem napakngan kene ka ma me.’ Pelengon ka la ke Abraham pakes duru me ke umu blang.

Pas ka Pol sogoe uti la ke osep Rom ina 1:16

Eknikane ngong mnak ngong ke Ida Tapolngon ila omon itau kovok. Aurou. Aitno lungong dagar lokono ine vala. Ida Tapol-ngon ila omon itau ila arit karanga lua osep keniye ka aitno lisak dagar ine. Ida Tapolngon ila omon itau me ke itosep Yuda ina mgo. Mase omon tonari la polou ke osep ka isak osep Yuda ina kovok.

Pas ka Pol sogoe uti la ke osep Rom ina 15:29

E alo ka ngauti ke umu ma ngalua umu ke kerengen ka Krais lua ngong ine.

Pas ka Pol sogoe uti la ke osep Rom ina 15:8

Ngawai langane. Krais polou langka gute bokongon ina ma iye lua osep Yuda ina. Iye due langane ma tile omur Ida Tapolngon ila elio didi ila promis ka oglou iye wai ke urok seia ine.

Efesus 1:3

Deka ngawaiki itakakai Ida Tapolngon ka Ida Puda Yesus Krais timla angaine tito la ke egim lokono. Kesua batne iye kere ite ke ila kerengen ka itau lokono ka la ke omur heven batne iteneklep ke Krais kodong.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.

1 Pita 3:9

Alo ka osep tidue elio soulu ke umu deka umokoli urok elio soulu kovok. E alo ka osep tiwaiki tiluk umu umokoli e umeiluk isak blang kovok. Umawai itau ke Ida Tapolngon ma iye kere isak vala. Kesua alo ka Ida Tapolngon rere umu ila osep iye wai ma iye kar umu ila kerengen.

Pas ka Jut sogoe 1:24

Ida Tapolngon karanga plau umu itau e lua umu ma umegene ke elio epmes ina kovok. E iye karanga due umu umala ke ila omur ka itau itau lokono e elio gesa vri ke umu kovok. Deka aitno lumu neser omba.