Aposel 3:25 - Aria New Testament

²⁵ Umu ka osep Yuda ina umodue wan bitna bitna ke lumu seia ka tidong oglou ka isak Ida Tapolngon ila osep napaprangan ina. Oglou Ida Tapolngon wai ila promis ke lumu eia Abraham. Iye wai langane. ‘Ma ngadue elio itau ke osep ka pula keniye batne lem napakngan kene ka ma me.’ Pelengon ka la ke Abraham pakes duru me ke umu blang.

Aposel 3:25 ပူးပေါင်းရင်းမြစ်များ

Luk 1:72

Aitno due udo seia e bitna sisir kontrak ka iye wai ine e ma iye tona didie.

Aposel 13:26

­E Pol dau wai ke isak langane. “Sipmi. Umu ka Abraham ila osua e umu leklou ka aitno lumu dagar ke Ida Tapolngon umoklingen lou pelengon ane. Ida Tapolngon pagei ila pelengon me ke ite kodong ka parere ite ke elio ka lua ite ke udo elio epmes ina.

Aposel 2:39

Oglou Ida Tapolngon wai dagar ma iye pagei Ano Itau ke umu e wai Ano Itau karanga ke umu ka pula keniye e titopmu ka pula keniye e karanga ke osep ka pula keniye ka tidong ke omur ka pula keniye. E karanga ke osep keniye ka Ida Puda ka Ida Tapolngon mter aitno lisak ine.”

Pas ka Pol sogoe uti la ke osep Rom ina 15:8

Ngawai langane. Krais polou langka gute bokongon ina ma iye lua osep Yuda ina. Iye due langane ma tile omur Ida Tapolngon ila elio didi ila promis ka oglou iye wai ke urok seia ine.

Pas ka Pol sogoe uti la ke osep Rom ina 4:13

Oglou ari Ida Tapolngon wai promis ke Abraham ma omur ka pula keniye polou ina omur. Iye wai ila promis la ke Abraham gosok ila napakngan blang. Aitno lumu lange? Ida Tapolngon wai ila promis ke Abraham kesua Abraham didi Moses ila sogongon koke aurou? Aurou. Ida Tapolngon wai ila promis ke Abraham kesua Abraham aitno dagar ke iye vala. E ari Ida Tapolngon due polou itau e osuk ke bitna.

Galesia 3:16

Oglou Ida Tapolngon wai ke wan itau ka mase ma polou. Ida Tapolngon kar promis dagar tonari ke Abraham orwo otno. Ida Tapolngon ila pelengon wai ke Abraham titno pula kovok. Aurou. Iye wai ke otno kene vala. Otno tonari Krais.

Galesia 3:29

E langka umodong ke Krais ila osua umodong langka Abraham titno blang. E ma umodue wan ka oglou Ida Tapolngon wai dagar ine ke Abraham deka iye kare ke Abraham.

Galesia 3:8

Ke oglou lokono Ida Tapolngon ile langane. Mase osep ka isak osep Yuda ina kovok ma aitno lisak la dagar ke omon itau. Deka elio langane polou e iye due isak ma tipolou itau lokono ke bitna. Oglou iye palongo Abraham ke omon itau e Ida Tapolngon ila pelengon wai langane. “Mase ma ngakere osep ka pula keniye itau batne ke wom.”

Pelengon kukwopngon 14:6

Deka ngavati ensel silang kei la ke sirva. Iye napapra Ida Tapolngon ila pelengon itau ka dong vala dong ke osep ka pula keniye ka tidong ke taklak. Iye napapra ke osep ke omur kene kene e osep ke osua kene kene e ke osep ka tiwai tokples bitna bitna e ke osep ka tarna lisak bitna bitna.

Pelengon kukwopngon 5:9

E tidue sakul oku gesa langane. “Amkaranga omdue buk e amkaranga emkles pou-ngon lumorwo ke buk tonari. Kesua osep timluk wom emmete e ngap marau baser e emkli osep urok elio epmes ina e tipolou Ipem Tapolngon ila osep ine. Emkli osep ke osua ka pula keniye e osep ka tiwai tokples bitna bitna e osep ka tarna lisak bitna bitna e osep ke omur ka pula keniye ke taklak.

Pelengon kukwopngon 7:9

Mase omtongu lila blang deka ngavati osep pula lokono tiduni pulu tidong e itakaranga itetik inarak sasa kovok. Osep tonari tipolou ke osua kene kene e ke omur ka pula keniye e tarna lisak bitna bitna e tiwai tokples bitna bitna. E tivri ke kova bitna e ke Sipsip Otno bitna blang. E titnei molo okou ka kading damansak la iding ke kamsak e tikis ongup elilo ke limsak.