Aposel 3:22 - Aria New Testament

²² “Oglou ari Moses wai ke osep Yuda ina langane. ‘Oglou Ida Puda ka Ida Tapolngon rere ngong deka ngapolou ila gute napaprangan ina gesa. E eriar langka oglou iye rere ngong deka mase ma iye rere supmu kene. Deka alo ka iye polou ma umoklingen ila pelengon keniye.’

Aposel 3:22 ပူးပေါင်းရင်းမြစ်များ

Matyu 21:11

E osep pula pula tikoli tiwai langane. “Gute ane iye gute napaprangan ina Yesus ka me ke armok Nasaret ka dong ke omur Galili.”

Luk 13:33

E dau ngala eknikane e kotu e gasak blang. Kesua gute napaprangan ina dong e mete ke omur silang kovok. Aurou. Iye ma mete ke Jerusalem vala.

Luk 24:19

E iye pmi isak langane. “Elio lange?” E tikoli tiwai langane. “Wan ka la ke Yesus ka Nasaret ina. Iye gute napaprangan ina e iye arit iye ke ila pelengon e ila elio ke Ida Tapolngon bitna e ke osep ka pula keniye amtarsak blang.

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Jon 12:46

Ngame ke taklak ma ngadong langka bublongon ma gute ka aitno dagar ke ngong dong ke aivoro kovok.

Jon 5:24

“Ngawai lokono ke umu langane. Gute sei ka klingen lou pelengon e aitno la dagar ke Ida Tapolngon ka pagei ngong ngame iye due mosongon ka dong vala dong e Ida Tapolngon ma wade iye kovok. Aurou. Iye mole metengen kodong e due mosongon ka dong vala dong.

Jon 8:12

E Yesus wai ke osep blang langane. “Ngong bublongon ke osep ka pula keniye ka tidong ke taklak. Osep ka tididi ngong ma tilila ke aivoro kovok. Aurou. Ma tilila ke bublongon ka kar isak mosongon ka dong vala dong.”

Aposel 7:37

Gute Moses iye gute ka wai ke osep Israel ina langane. ‘Mase ma Ida Tapolngon due lumu aten gesa polou gute napaprangan ina eriar langka oglou iye due ngong.’

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

Pas ka Pol sogoe uti la ke osep Rom ina 9:5

Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

Galesia 4:4

E alo ka Ida Tapolngon rere iye pagei Otno Arang me. Apmang divir iye e iye polou gute e dong moli ke Moses ila sogongon.

Hibru 2:1

Deka ma itekis pelengon tonari dagar e amtada uli ine kovok.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

Pelengon kukwopngon 1:1

Pelengon ka oglou dong kukwop eknikane Yesus Krais due polou malak. Ida Tapolngon palongo pelengon tonari ke Yesus ma iye palongo ila osep wokboi nating ke wansua ka ma polou. Deka Yesus pagei ila ensel gesa me kar pelengon tonari ke ngong Jon ka ngong ila wokboi nating.