Aposel 3:19 - Aria New Testament

¹⁹ Eknikane umabauluk aitno lumu ke lumu elio epmes ina e aitno lumu la dagar ke Yesus. Langka aitno lumu la dagar ke Yesus ma Ida Tapolngon sak lumu elio epmes ina la. Deka ma tivri ke umu kovok.

Aposel 3:19 ပူးပေါင်းရင်းမြစ်များ

Matyu 13:15

Kesua osep aitno lisak tikaranga timter itau kovok e talsak tiklingen isuk boto vala e tikading amtarsak. Lama amtarsak tivati wan e talsak tiklingen wan e aitno lisak timter itau e tiding ke ngong ka Inarak Tapolngon e ngadue isak tidong itau.’”

Matyu 18:3

Deka iye wai ke isak langane. “Ngawai lokono ke umu langane. Langka umabauluk aitno lumu e aitno lumu tipolou langka agau ane kovok umakaranga umesep ke omur ka Ida Tapolngon plaue kovok.

Luk 1:16

E ma iye due osep Israel ina pula tibauluk aitno lisak ke Ida Puda ka Inarak Tapolngon.

Luk 22:57

E Pita koli wai ke iye langane. “Apmang ngaile gute tonari kovok.”

Aposel 1:6

Mase ke oklou kene iye gosok ila disaipel tiduni pulu. Deka tipmi iye langane. “Ipem Puda eknikane ma wom mgo amplau imi langka oglou Devit plau imi osep Israel ina ma imomole ipem oul keniye koke aurou?”

Aposel 11:18

Osep ka tiluk Pita tiklingen ila pelengon deka tikoli ila pele-ngon kovok. Aurou. Tikakai Ida Tapolngon angaine tito ine e tiwai langane. “Eknikane Ida Tapolngon due elio itau ke osep ka isak osep Yuda ina kovok e lua isak ma tikaranga tibauluk aitno lisak ke urok elio epmes ina e kar isak mosongon oku ina.”

Aposel 11:21

Ari Ida Tapolngon ila arit lua osep ka tinapapra Yesus ila omon itau deka osep pula tiklingen ine e aitno lisak la dagar ke Ida Puda.

Aposel 15:3

Ida Tapolngon ila osep ka tidong ke Antiok tipagei osep tonari kla ke Jerusalem. E tisongon Antiok e tididi ekreng e tilila ke omur Fonisia e omur Samaria. Ari tipalongo osep ka tidong ke omur orwo tonari ke elio ka osep ka isak osep Yuda ina kovok tipul dogur ke urok elio epmes ina e aitno lisak la dagar ke Ida Tapolngon. Osep ka aitno lisak dagar ke Yesus kodong tiklingen ine e aitno lisak neser ine.

Aposel 17:26

­Itosep ka pula keniye ka itodong udo eia ka oglou dong iye gute kene vala. E eknikane osep ka pula keniye ka tidong ke omur ka pula keniye urok eia ka oglou dong iye gute tonari. Oglou ari kodong Ida Tapolngon rere osep ka pula keniye urok maglakngan e omur ka isak kensak kensak tidong ine.

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 28:27

Kesua umopono aitno lumu lama umeile omur ine. Umopono talapmu lama umoklingen itau ine. Omtomu evin lama umavati malak ine. Umodong langane kesua umawaiki umabauluk aitno lumu ke lumu elio epmes ina kovok lama ngalua umu ine.”’”

Aposel 3:20

Deka ma elio itau lokono polou ke umu batne ke Ida Puda. E mase ma iye pagei gute Yesus ka oglou iye rere Upu Krais iye polou ke umu.

Aposel 3:21

Eknikane Yesus dau dong ke omur heven la lama iding alo ka elio polou eriar langka oglou osep napaprangan ina tiwai ine. Oglou ari Ida Tapolngon due osep napaprangan ina aitno lisak deka tiwai langane. ‘Mase dau tauni ma Ida Tapolngon due wan bitna bitna keniye tipolou itau lokono eriar langka oglou ari alo ka elio epmes ina dau dong kovok.’ Deka alo ka elio ane polou ma Yesus duru dong ke taklak blang.”

Pas ka Pol sogoe uti la ke osep Rom ina 11:25

Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

2 Tesalonaika 1:10

Alo ka Ida Puda me ila osep ma tidue anit ke iye e tikakai angaine tito la egim. Kesua aitno lite la dagar ke iye e aitno lite itau ke iye. E umu blang ma aitno lumu itau kesua aitno lumu la dagar ke limem pelengon ka imanapapra ke umu.

2 Tesalonaika 1:7

E ma iye due elio ka osep tidue agegeng ke umu e ke imi blang polou yagos. Ida Tapolngon ma lua ite langane alo ka Ida Puda Yesus kap ila ensel pula ka urok arit omba tisongon omur heven e tipolou malak. Deka iye ma polou ke eiou omba.

2 Timoti 2:25

Iye wai molil e mosi osep ka tipara pulu ke ila pelengon. Iye due langane kesua aitno mter Ida Tapolngon karanga due isak tibauluk aitno lisak e tile omur ke pelengon ka lokono.

Hibru 4:1

E oku ane Ida Tapolngon ila promis dau dong e wai ma itesep ke omur ka itomtong ine. Deka umeile umu itau lama gute gesa dong airavu ke umu ka karanga sep ke omur ka Ida Tapolngon wai dagar ine kovok.

1 Pita 2:25

Iye due elio langane kesua oglou umodong langka sipsip ka tilila ulik ulik vala. E eknikane iye due umu umeiding ke iye e iye polou lumu Gute Plaungan Ina e iye plau aitno lumu itau langka gute plaungan ina plau ila sipsip itau.

2 Pita 3:8

Sipmi. Ngong lana ngong ke umu e ngawaiki aitno lumu mter langane. Ida Puda vati oklou kene vala eriar langka iye vati tobor 1000 e iye vati tobor 1000 eriar langka iye vati oklou kene vala.

Pelengon kukwopngon 21:4

Iye ma sak osep amtarsak olune e ma tikngis blang kovok e ma aitno lisak kro ke wan bitna bitna kovok. E silang blang ma tarna lisak doro doro blang kovok e metengen yagos. Kesua wan bitna bitna keniye ka tidong ke oglou isak yagos kodong.”